گەندەڵی زیان بە گەنمی جوتیارانی هەولێر دەگەیەنێت
کوردستان 12:05 PM - 2023-07-20گەنمی جوتیاران
وتەبێژی وەزارەتی كشتوكاڵ رایدەگەیەنێت: "بەهۆی گەندەڵییەوە وەرگرتنی گەنمی جوتیارانی هەولێر لەلایەن سایلۆكانەوە كێشەی تێكەوتووە و هاوشێوەی پارێزگاكانی دیكەی عیراق و هەرێم پلانەكە بەڕێوەنەچووە"، جوتیارانی هەولێریش دەڵێن: "لەكاتی وەرگرتنی گەنمەكانمان لەلایەن كۆمپانیای خۆشناوەوە بڕێكی دیارنامێنێت".
هیوا عەلی عەبدولڕەحمان بەڕێوەبەری راگەیاندن و وتەبێژی وەزارەتی كشتوكاڵ لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "لە پڕۆژەی بەبازاڕكردنی گەنم لەلایەن سایلۆكانی وەزارەتی بازرگانی عیراقەوە بڕی 500 هەزار تۆن گەنم بۆ پارێزگاكانی هەرێم دیاریكراوە، لەو رێژەیەش بڕی 145 هەزار تۆن گەنم بۆ پارێزگای هەولێر دیاریكراوە، بەڵام بەهۆی چەند حاڵەتێكی نایاسایی و گەندەڵی وەك یاریكردن بە قوتی جوتیاران و كڕین و فرۆشتنی هەژمارەكانیان لەلایەن چەند بازرگانێكەوە، كێشە لە وەرگرتنی گەنمی جوتیارانی هەولێر دروستبوو، لە كاتێكدا لە سلێمانی و پارێزگاكانی دیكەی هەرێم و عیراق پلانەكە سەركەوتوو بوو".
"جوتیاران بۆ وەرگرتنی گەنمەكانیان لەلایەن سایلۆوە هەژماریان هەیە، بەشێك لە جوتیارانی هەولێر كە هەژماریان هەیە و هەفتەیەك لەسەرەی وەرگرتنی گەنمەكانیاندابوون، دواتر پێیان وتراوە ئەو بڕەی كە بۆ پارێزگاكە و هەرێمیش دیاریكراوە تەواو بووە، ئەمەش گرفتی دروستكردووە، هەربۆیە لەسەر داوای بێگەرد تاڵەبانی وەزیری كشتوكاڵ و سەرچاوەكانی ئاو، لیژنەیەك لە ئەنجومەنی وەزیران بۆ دەرخستنی راستییەكان پێكهێندراوە، هەرچەندە تا ئێستا ئەنجامی لیژنەكە رانەگەیەندراوە، بەڵام لەرێی نوسینگەی سەرۆكوەزیرانەوە ئەوە راگەیەندراوە كە ئەو جوتیارانەی هەژماریان هەبووە و مافی وەرگرتنیان نەبووە و كاتەكەیان بەسەرچووە، لە سایلۆكانی شەمامك گەنمەكانیان هاوشێوەی عیراق بە 850 دینار لێوەردەگیرێت" هیوا عەلی عەبدولڕەحمان وادەڵێت.
جوتیارانی هەولێر: بەشێك لە گەنمەكەمان دیارنامێنێت
سەرەڕای خراپ بەڕێوەچوونی پڕۆژەی بەبازاڕكردنی گەنم لە هەولێر، جوتیارانی پارێزگاكە ناڕازین لە وەرگرتنی گەنمەكەیان لەلایەن كۆمپانیای خۆشناو و دەڵێن: "زیاتر لەنیوەی گەنمەكەمان وەرناگیرێت و بەشێكیشی دیارنامێنێت".
وتەبێژی وەزارەتی كشتوكاڵ راشیگەیاند: "سەبارەت بەوجوتیارانەی كە گەنمیان لە بەغدا و هەرێم لێوەرنەگیراوە، لیژنەی 214 لە ئەنجومەنی وەزیران بە سەرۆكایەتی وەزیری بازرگانی پێكهێنراوە بۆ هەماهەنگی كردن لەگەڵ كۆمپانیاكانی بەبازاڕكردنی خۆشنا و قەیوان، بۆ ئەوەی گەنمی ئەو جوتیارانە بە نرخێكی گونجاو و بەرزتر لە بازاڕ و نزمتر لەوەی كە بەغدا دیاریكردووە وەربگرن".
ئەمەش لە كاتێكدایە دوێنێ 19-7-2023، ژمارەیەك جوتیار لە هەولێر دژی وەرنەگرتنی گەنمەكانیان لەلایەن كۆمپانیای خۆشناو گردبوونەوە و رایانگەیاند: "كۆمپانیاكە لەكۆی 25 بارهەڵگر گەنم، 15 بارهەڵگری وەرنەگرتووە، ئەوە جگە لەوەی لەكاتی پێدانی گەنم بە كۆمپانیاكە چەند تۆنێك دیارنامێنێت و كەم دەكات".
ئەمساڵ زیاتر لە 40 هەزار جوتیار لەسەرتاسەری هەرێم بە روبەری زیاتر لە دوو ملیۆن و نیو دۆنم زەوی گەنمیان چاندبوو، بەهۆی لەباری كەشوهەوا و بارینی بارانی تەواوەتی، بەرهەمێكی زۆری گەنم هەبوو، كە بەپێی پێشبینییەكانی وەزارەتی كشتوكاڵ لەسەرووی ملیۆن و نیوێك تۆن گەنمەوە بووە.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19