سەرۆكوەزیران چاوەڕوانی بڕیاری دادگای فیدراڵی دەكات
عیراق 10:06 AM - 2023-07-10دادگای فیدراڵی
سەرۆكوەزیرانی عیراق لەدادگای فیدراڵی سكاڵای چەند بڕگە و ماددەیەكی یاسای بودجە تۆمار كردوەو داوای راگرتنیان دەكات، چونكە پێیوایە دوای پەسەندكردنی یاساكە، هەندێك ماددەی بۆ زیادكراوە، هاوكات دادگای فیدراڵی دەتوانێت بڕیاری راگرتنی ئەو ماددانە بدات، هەروەها دەشتوانێت تانەكانی سەرۆكوەزیران رەتبكاتەوە، بڕیاردەری فراكسیۆنی یەكێتیش لە ئەنجومەنی نوێنەرانی عیراق دەڵێت: "ئەو بڕگەو ماددانەی سەرۆك وەزیرانی عیراق سكاڵای لەسەر تۆمار كردوون، پەیوەندی بەهەرێمی كوردستانەوە نییە".
سكاڵاكەی سەرۆكوەزیران پەیوەندی بەهەرێمەوە نییە
كاروان یاروەیس بڕیاردەری فراكسیۆنی یەكێتی لە ئەنجومەنی نوێنەرانی عیراق لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "محەمەد شیاع سودانی سەرۆكوەزیرانی عیراق لە دادگای فیدراڵی سكاڵای لەسەر چەند بڕگە و ماددەیەك لە یاسای بودجەی عیراق تۆمار كردووەو داوایكردووە تا ئەوكاتەی دادگا بڕیاری كۆتاییان لەبارەوە دەدات جێبەجێكردنیان رابگیرێت".
"سەرۆكوەزیرانی عیراق پێیوایە ئەو كۆپییەی یاسای بودجە كە لە ئەنجومەنی وەزیران پەسەندیان كردووە و رەوانەی ئەنجومەنی نوێنەرانیان كردووە، دەستكاری كراوەو هەندێك ماددەی بۆ زیادكراوە، هەربۆیە داوادەكات لەئێستادا دادگای فیدراڵی كاركردن بەو بڕگە و ماددانە رابگرێت، هاوكات سكاڵاكەی سەرۆكوەزیران مانای ئەوە نییە بودجەی عیراق جبێبەجێنەكرێت، چونكە بودجە پەسندكراوە و هیچ لەو بڕگە و ماددانەش پەیوەندیان بە پشكی هەرێمی كوردستانەوە نییە" كاروان یاروەیس وادەڵێت.
دادگای فیدراڵی توانای رەتكردنەوەی تانەكانی هەیە
دادگای فیدراڵی دەتوانێت بڕیاری راگرتنی ئەو بڕگەو ماددانە دەربكات كە سەرۆكوەزیرانی عیراق سكاڵای لەسەر تۆماركردوون و ئەو دەقانە لابەرێت كە لەناویاساكەدا هەن و پێچەوانەی دەستوورن، لەهەمان كاتیشدا دەتوانێت تانەكانی سەرۆكوەزیران رەتبكاتەوە.
عەلی تەمیمی شارەزای یاسایی لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "دادگای فیدراڵی دەتوانێت بڕیاری راگرتنی ئەو ماددانە بدات كە سەرۆكوەزیرانی عیراق سكاڵای لەسەر تۆماركردوون لەناو یاسای بودجەدا، هاوكات دەشتوانێت تانەكانی حكومەت رەتبكاتەوە".
"چاوەڕوان دەكرێت دادگای فیدراڵی بڕیاری راگرتنی ئەو بڕگەو ماددانە دەربكات تا كاتی یەكلاكردنەوە، دەشتوانێت ئەو دەقانە لابەرێت كە لەناویاساكەدا هەن و پێچەوانەی دەستوورن، چونكە حكومەت لە سكاڵاكەیدا ئەوەی وتووە كە ئەنجومەنی نوێنەرانی عیراق هەندێك بڕگەی خستووەتە ناو ماددەكەوە كە پێچەوانەی دەستوورن" عەلی تەمیمی وادەڵێت.
ئەو ماددانەی كە محەمەد شیاع سودانی سەرۆكوەزیرانی عیراق لە دادگای فیدراڵی سكاڵای لەسەر تۆمار كردوون بریتین لە:
ماددەی (2/یەكەم/8/ج/6)
دووەم لە ماددەی (16)
ماددەی (20/شەشەم)
ماددەكانی (28/چوارەم، ا،ب) و (57/یەكەم/ج)
ماددەكانی (62/ چوارەم، 63/سێیەم)
ماددەی (65/دووەم)
ماددەی 70)/دووەم)
ماددەی (71)
ماددەی (72)
ماددەی (75)
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19