Li Rojavayê Kurdistanê 510 ciwan tevlî YPG᾿ê bûn

Li Rojavayê Kurdistanê 510 ciwan tevlî YPG᾿ê bûn

Li gorî jêderên taybet yên PUKmedia`yê ku îro li Rojavayê Kurdistanê ji navçeyên cuda cuda nêzî 510 ciwanên Kurd tevlî rêzên YPG`ê dibin û berê xwe didin navçeya Tilebyedê taku berevaniya xelkê navçeyê li hemberî Dewleta Îslamî li Êraq û Şamê û Cebhet El-Nusreyê bikin.

Jêderên agahdar yên taybet ji PUKmedia`yê re ragihandin ku piştî ku komên çekdar yên ser bi Dewleta Îslamî ya Êraq û Şamê, şer li dijî gelê Rojavayê Kurdistanê ragihandin, bi sedan ciwanên Kurd biryara tevlêbûna rêzên YPG`ê dan. Her weha li Qamîşloyê 100, li herêma Efrînê 200, navçeya Babê 25, Tileranê 10 û ji Kobaniyê 175 ciwan biryara xwe dan ji bo berevaniya Tilebyedê.

Jêder didin xuyankirin ku îro 510 ciwanên Kurd tevlî nava rêzên Yekîneyên Parastina Gel (YPG)ê bûn û biryara parastina gelê Kurd bi xwîna xwe dan û heya serkeftinê venagerin cih û warên xwe.
Li gorî jêderên ji herêmên Rojavayê Kurdistanê ku gelê Kurd bi tevahî ketine rewşeke awerte û ciwanên wê jî hemû di amadebaşiyê de ne.
Her weha ew hejmara ku 510 ciwanên Kurd derbas dike, wê di demeke kurt de li cihê pêwîst bin û wê erkên xwe yên berevaniya neteweyî bi cî bînin.
 PUKmedia