Dagîrkirina Efrînê di cîhaneke bê bext de


1/2/2019 13:24:00
Çapkirin
     Nivîskar; Nazliyê Remedan

"Lê mixabin, kes tuneye ku bersiva pirsyarên Efrîniyên birîndar bide, ji ber ku hemû dunya razîne ku Kurd bindest bin û nebin xwedî dewlet,lê ew nizanin ku vîna ku bi dest Kurdan de heye dê rojekê esmanê bişkîne û xwedî dewlet û doz be û rojeke were û Efrînê ji dagîrkeriyê rizgar be û paqij bibe ."

Roja 20-1-2018`an, ango di vê rojê de, ewreke reş û tarîk bi ser xwezayî û jîngeh û jîndarên welatê min Efrîn ê de hat, di dema ku şer ji 7`salan ve li Sûriyê bi hêrs û dijwar diqewimî û dirêj dikir, tenê welatê min (Efrîn) aram û azad mabû. Lê diyar bû ku Cîhan ji bo vê yekê ne rihet bû, aramiya Efrînê ew dêşandin ji ber vê yekê hemiyan dest kirin destê Dewleta Tirkiyê û fermana êrîşkirina bi ser Efrîna Aram de derxistin ku nûştecihên wê hest dikirin ku di biheştê de jiyan dikirin.

Di dema ku Efrînî hemû li ser kar û îşê xwe bûn, lê mixabin, ji nişkave hewreke reş bin tirs bi ser wan de hat kû dewletê Tirkiyê bi balafir û top û alav û çekên NATO`yê bê sedem, êrîşî welatê min yê aram û aştîxwaz Efrînê kir û di deqeyekê de, jiyana xelkê hate gewrîn û veguhrtin.

Ji aliyekê ve tirsa jinavbirin û qirkirinê bi wan ket, ji aliyeke din ve jî, berxwedana xwe li dijî dijminên êrişker û dagîrker derxistin û li gor derfetên herî kêm welatiyan li gel Şervanan dest bi dest şer dikirin û li hemberî êrîşên tewşankî û hovane sekinîn û bûn bersiv. lê mixabin ku piştî kişandina zehmetiyê û şerê 58`rojan, wek hate zanîn ku bi rêkevtineke navneteweyî ku piraniya welatên mezin ên navçe û ên cîhanê gunehbarê wê êrişên bûn ku bê dengiya wan û mafdana wan ji Tirkiyê re ku sînorê xwe biparêze, Efrîn ji dest xwediyên xwe ên resen û bingehîn hat dagîrkirin û çû.

Miletê Efrînê tev koçber bûn û neçar man ku mal û milkên xwe bi cih bihêlin û derbasî aliyê Şehba û Heleb û Kobanê û Cizîrê û Herêma Kurdsitanê bibin û niha jî piraniya Efrîniyan heya niha di bin jiyana zehmet û dijwar ya kampan li Şehba û Cizîrê de dijîn, jiyaneke pir zehmet dikşînin, lê hêviya vegera wan ji welat re qet  namire û naşke û heroj ew dibêjin ku dê rojek were li malên xwe vegerin ji ber ku ew xwedî maf in.

Piştî dagirkirin û dizîn û revandin û kuştin û şewitandina mal û milkên Efrîniyan, û rûxandina şûnewarên dîrokî û mizgeft û perestgehên Zerdeştî û Êzîdiyan û sirûşt û xwezaî ya Efrînê, çeteyên ku ji aliyê dewleta Tirkiyê ve piştîvankirin, dest dirêjiyê û binpêkirinê di derheqên welatiyan de zêdetir dikin.

Wek her car piştî standina xêrê mûsimê zeytûnan û birina sûdkarî û faîdeyê ji welatiyan, îro careke din çete bi girtina ferman ji Tirkiyê zêt û Zeytûnên xelkê bi belaşî jê birin û navê Gotayê li şûn navê Efrînê li ser tenekên zeytê dinivîsin û bi ber bi dewletên derve birin û firotin.

Welatî dibêjin ku piştî tiştek bi me nehêştin niha çete davêjin ser malan û qederek pere dixwazin, dibêjin yan pere yan jî dest ji mal berdin û derkevin lê xelk feqîr ketiye û tiştek bi dest wan de nemaye da ku wek hemî Cîhanê bijîn lê çete li wê yekê tênagin û fêm nakin, ew bi razîbûna Tirkiyê hewildidin ku bi rêya ecîzkirina milet û zordariyê li ser wan bi şev o roj û çandina tirsa kuştin û revandinê milet ji Efrîn ê derxin da ku Efrîn bi wan bimîne û dîroka Kurdan têde winda û tune bikin.

Li gor zehmetiyên ku Efrînî dikşînin hewldidin ku dest ji welat û mal û milkên xwe bernedin lê welatî heroj dipirsin ku bo çî Cîhan û Rêxistinên Mirovan û parastina Zarokan li hember vê yekê bê dang û kerûlalin, û dibêjin tiştek nemaye ku bi serê me nehatiye ji zarok û kal û pîran û jin û mêrêm me hatine girtin û revandin û eşkecnkirin an kuştin, destnîşan jî kirin ku hate niha cihê piraniya ji wan ne diyare û ew nizanin eger xweşin yan jî mirîn e.

Êdê heta kengî Kurd dê bindest bin û zor û zehmetiyê bikşînin ?

Êdî heta kengî kuştina Kurdan bê sedem dê dewam bike û helal be? Êdî heta kengî Cîhana bê bext dê xwedî li helwest derkeve?

Êdî  kengî ji bo doza Kurdan Cîhan dê xwedî wijdan be?

Di mîjiyê Kurdan û bi taybet di mîjiyên Efrîniyan de pirs bi dawî netên, lê mixabin ku kes tuneya ku bersiva pirsyarên wan bidin ji ber ku hemû dunya raziye ku Kurd bindest bin û nebin xwedî dewlet, lê ew nizanin ku vîna ku bi dest Kurdan de heye dê rojekê esmanê bişkîne û xwedî dewlet û doz be û rojeke were û Efrînê ji dagîrkeriyê rizgar be û paqij bibe .
Nivîskar; Nazliyê Remedan

PUKmedia/

 


 

Almanya; Pêşengeha hunerî hat vekirin


Bi wêne vekirina pêşengeha nîgarkêşiya hunermendên kurd li Almanyayê birêve çû.

Li bajarê Krîfîldê ya Almanyay...


»  Nerwic: Agir bi mlbateke Efrînî ket
»  Şêx Alî serdana Komeleya Piştgiriya Gelên jêr Gefê kir
 

Xwedî Peyv im


Xwedî peyv im ,pir şêrîn im
Bê te jiyan reş e , ez mirî me
Birîndar im , bê te dilsotî me
Tu heyva li jor &i...


»  Zarokeke Efrînî 13 salî kilpeke bedew derxistiye
»  Şêx Alî: Mam Celal piştgirê me hemûyan bû
 

Qelengê te buhaye Efrîna min


Berî du salan weke îro Dewleta Turkiyê dest bi topbarankirina navenda bajarê Efrînê kir piştre agirê dagîrkeriyê li hemî gund û nav...


»   Diktor Nûredîn Zaza Siyasetmedar, Rewşenbîr û Mamosteyê gelê xwe bû
»  Vejandina fermanên binpêkirina mafên mirovan

Karîkator