PUKmedia ماڵپەری وەرزشی

نه‌ورۆز وه‌لى كه‌ریمى كرده‌ راهێنه‌ر


4/4/2021 19:42:00
چاپ کردن
بە وێنەوە    بە بێ وێنە
           
.

 

 

تیپى تۆپى پێى یانه‌ى نه‌ورۆز به‌شدار له‌ پاڵاوتنى قۆناغى كۆتایى خولى پله‌یه‌كى عێراق بۆ سه‌ركه‌وتن بۆ خولى نایاب، راهێنه‌رى نوێى ده‌ستنیشانكرد .

 

به‌ پێى راگه‌یه‌ندراوێكى یانه‌كه‌ى شارى سلێمانى ، پاش كۆبوونه‌وه‌ى ده‌سته‌ى كارگێرى یانه‌كه‌ ، به‌ ره‌سمى وه‌لى كه‌ریم وه‌ك راهێنه‌رى تیپى تۆپى پێى یانه‌كه‌ ئیمزاى گرێبه‌سته‌كه‌ى كردووه‌ .

 

راگه‌یه‌ندراوه‌كه‌ باس له‌وه‌ش ده‌كات له‌ رۆژانى داهاتوو وه‌لى كه‌ریم یه‌كه‌م یه‌كه‌ى مه‌شق و راهێنان به‌ تیپه‌كه‌ ده‌كات به‌ مه‌به‌ستى ئاماده‌كارى بۆ قۆناغى كۆتایى .

 

 

پڕۆفایلى وه‌لى كه‌ریم

 

* ساڵى 1970 له‌ مه‌نده‌لى له‌ دایكبووه‌

 

* یاریزانى هه‌ڵبژارده‌ى عێراق بووه‌و خاوه‌نى گۆڵه‌ له‌ جامى جیهانى لاوان ساڵى 1989

 

* له‌ عێراق یارى بۆ یانه‌كانى جه‌یش، جه‌ویه‌ و ته‌ڵه‌به‌ كردووه‌، وه‌ك یاریزانێكى پیشه‌گه‌ریش له‌ ده‌ره‌وه‌ى عێراق له‌ خوله‌كانى جه‌زائیر و تونس و یه‌مه‌ندا یارى كردووه‌

* له‌ كوردستانیش، ساڵى 2005 یاری بۆ یانه‌ى سیروانى نوێ كردوه‌.

 

* ساڵى 2006 به‌ ته‌واوى وازی له‌ یارى هێناوه‌و چووته‌ ناو بوارى مه‌شق و راهێنه‌رایه‌تی یانه‌كانى سیروانى نوێ، كه‌ركووك، كه‌رخ و ده‌ربه‌ندیخان و شێروانه‌و هه‌ڵه‌بجه‌ى شه‌هیدو پێشمه‌رگه‌ى سلێمانى كردووه‌.

 

به‌شى وه‌رزش

ڤیدیۆ