نوێترین کتێب

مامۆستایەك بەشێك لە كتێبەكانی پێشكەشی زانكۆی سلێمانی دەكات

رۆژنامەنووس و مامۆستای زانكۆی سلێمانی د. ژینۆ عەبدوڵڵا بەشێك لە كتێبەكانی كە تایبەت بوون بە بواری راگەیاندن لە ژانەرەكانی (رۆژنامە و رادیۆ و ئۆنلاین و تە لەفزیۆن) پێشكەش بە كتێبخانەی كۆلێژی زانستە مرۆڤایەتییەكانی زانكۆی سلێمانی كرد.

سەرلەبەیانی ئەمڕۆ بە ئامادەبوونی پ.ی.د.ئیبتیسام ئیسماعیل راگری كۆلێژی زانسەتە مرۆڤایەتییەكان، دكتۆر ژینۆ عەبدولڵا رۆژنامەنووس و مامۆستا لە كۆلێژی زمان لە زانكۆی سلێمانی 70 سەرچاوەی تایبەت بە بواری راگەیاندن پێشكەش بە كتێبخانەی كۆلێژی زانسە مرۆڤایەتییەكان كرد، كە دوو بەرهەمی لە نووسینی خۆیەتی.

لە لێدوانێكدا بۆ PUKmedia د. ژینۆ عەبدوڵڵا رایگەیاند: لەسەرەتای كاركردنمەوە لە كاری رۆژنامەنووسیدا ئەم سەرچاوانەم پەیدا كردوە و پێم باش بوو ئەم هەنگاوە سادەیە ببێتە نەریتێك، بۆ ئەوەی خوێندكاران سوودی لێبینن لە بواری توێژینەوەكانیاندا، چونكە تاڕادەیەك سەرچاوەی ئەكادیمی لەبواری راگەیاندن وەك پێویست نییە و زۆر جار گرفت بۆ خوێندكاران دروست دەبێت لە كاتی نووسینی توێژینەوەكانیاندا.

لای خۆشیەوە راگری كۆلێژی زانستە مرۆڤایەتییەكان خۆشحاڵی خۆی پیشاندا بەم هەنگاوە و هیوای خواست بە خشینی كتێب بە كتێبخانەكانی كۆلێژەكانی زانكۆ ببَتە نەریت و بۆ ئەوەی زۆرترین خوێندكار سوودمەند بن.

دكتۆر ژینۆ عەبدوڵڵا سەرەڕای كاركردنی وەك مامۆستا لە بەشی عەرەبی لە كۆلێژی زمان لە زانكۆی سلێمانی لەكاری ڕاگەیاندنیش بەردەوامە هاوكات سەنووسەری وێب سایتی khakt.net و بەڕیوبەری وێب سایتی galawzh.com. ە.

PUKmedia تایبەت