PUKmedia یەکێتیی نیشتمانیی کوردستان

نوێترین کتێب


ئه‌لبومی هه‌ڵۆكانی شاخ بڵاوده‌كرێته‌وه‌

هه‌ڵۆكانی شاخ، ناوی ئه‌لبومێكی وێنه‌ییه‌ بۆ پێشمه‌رگه‌ و تێكۆشه‌ره‌كانی یه‌كێتیی نیشتمانیی كوردستان له‌سنووری هه‌ڵه‌بجه‌ و هه‌ورامان و شاره‌زوور له‌سه‌رده‌می شاخدا.

محه‌مه‌د باڵابه‌رز تێكۆشه‌ر و پێشمه‌رگه‌ی دێرینی یه‌كێتیی نیشتمانیی كوردستان و ئه‌ستێره‌ی ناسراوی وه‌رزشی له‌ شاری هه‌ڵه‌بجه‌ ماوه‌یه‌كی زۆر خۆی به‌ كۆكردنه‌وه‌و ئاماده‌كردنی وێنه‌ی تێكۆشه‌رانی سنووره‌كانی هه‌ڵه‌بجه‌ و هه‌ورامان و شاره‌زوو سه‌رقاڵكردبوو كه‌ دواجار ئه‌م ئه‌لبومه‌ وێنه‌ییه‌كی لێكه‌وته‌وه‌ كه‌ مه‌به‌ست لێی پاراستنی ئه‌رشیف و هه‌روه‌ها به‌رزراگرتنی خه‌بات و تێكۆشانی پێشمه‌رگه‌كانه‌ له‌وسنوورانه‌دا.

ئاماده‌كار باس له‌وه‌ ده‌كات كه‌ یه‌كه‌مێن مه‌فره‌زه‌ی شۆڕشی نوێی گه‌له‌كه‌مان له‌سنوور هه‌ڵه‌بجه‌ له‌سه‌ر ده‌ستی كۆمه‌ڵێ گه‌نجی ئازا و بوێر و ڕۆشنیر دروست كراوه‌. ئه‌و شۆڕشه‌ نوێیه‌ به‌ ڕابه‌ڕایه‌تی یه‌كێتیی نیشتمانیی كوردستان هه‌ر زوو ئاوێته‌ی جه‌ماوه‌ری گه‌له‌كه‌مان بوو و سنووره‌كانی هه‌ڵه‌بجه‌ و هه‌ورامان و شاره‌زووریشی گرتۆته‌وه‌.

ئاماده‌كار له‌ پێشه‌كی ئه‌لبومه‌كه‌ی دا باسی له‌وه‌ كردووه‌ جێی خۆیه‌تی كه‌ فیداكاری و قوربانیانه‌ی كه‌ خه‌ڵك و تێكۆشه‌رانی ئه‌و سنوورانه‌ خوڵقاندوویانه‌ به‌رز بنرخێندرێت تا نه‌وه‌كانی داهاتوو بزانن كه‌ گه‌له‌كه‌مان به‌ چ سه‌ختی و ناخۆشییه‌كه‌دا تێپه‌ڕیوه‌ و قاره‌مانانی ناو ئه‌لبومه‌كه‌ چ به‌رگرییه‌كیان له‌ خاك و گه‌له‌كه‌یان كردووه‌ و له‌ پێناویدا گیانیان به‌ختكردووه‌.

ئاماده‌كار ئاماژه‌ی به‌وه‌شداوه‌ كه‌ به‌هۆی كاره‌ساته‌كانی ناوچه‌كه‌وه‌ زۆربه‌ی وێنه‌ی تێكۆشه‌ران له‌ناوچوون و به‌ جۆرێك زۆریان ته‌نها یه‌ك وێنه‌شیان نه‌ماوه‌.
محه‌مه‌د باڵابه‌رز له‌ كۆتایی پێشه‌كییه‌دا ئاماژه‌ی به‌وه‌داوه‌ كه‌ خه‌بات و تێكۆشانی زیندانیانی سیاسی و ڕێكخستنی ناو شاره‌كان هیچی كه‌متر نه‌بووه‌ له‌ تێكۆشه‌رانی شاخ، به‌ڵام له‌م ئه‌لبومه‌دا هه‌روه‌ك خۆیشی باسی لێوه‌كردووه‌ وتویه‌تی خه‌باتی ناو ڕێكخستنه‌كان پێویستی به‌ نووسین هه‌یه‌ نه‌ك وێنه‌.

حه‌سه‌ن هه‌ڵه‌بجه‌یی سه‌باره‌ت به‌ ئه‌لبومه‌ وێنه‌یه‌ ده‌ڵێت: ئه‌لبوم تا ئه‌لبوم جیاوازی هه‌یه‌، گرنگی ئه‌م ئه‌لبومه‌ گرنگیدانه‌ به‌ مێژوویه‌كی ڕاستگۆیانه‌ی خه‌بات و شۆڕشی گه‌له‌كه‌مان و گرنگییه‌كی تر ئه‌وه‌یه‌ كه‌ ده‌بێت مێژووی ئه‌و شۆڕشه‌ به‌پارێزرێت.

ناوی ئه‌لبوم/ هه‌ڵۆكانی شاخ  له‌سنووری هه‌ڵه‌بجه‌ و هه‌ورامان و شاره‌زوور

كۆكردنه‌وه‌ و ئاماده‌كردنی/ محه‌مه‌د بالا به‌رز

تیراژ/ 1000 دانه‌

ساڵی چاپ/ 2019

نۆبه‌ی چاپ/ چاپی یه‌كه‌م

 تێچووی ئه‌و كتێبه‌ له‌لایه‌ن جه‌میل هه‌ورامییه‌وه‌ دابین كراوه‌.

PUKmedia


وێنە هەواڵ
  • image04
  • سه‌رۆك كۆمار كازمی بۆ پێكهێنانی حكومه‌ت راده‌سپێرێت

  • image04
  • بچوكترین توشبووی كۆرۆنا لەهەرێم لەهەڵەبجەیە

  • image04
  • سه‌رۆك كۆمار كازمی بۆ پێكهێنانی حكومه‌ت راده‌سپێرێت

  • image04
  • دەزگای مرۆیی مام پێنج هەزار كیتی تایبەت بە پشكنینی كۆرۆنا بۆ بەڕێوەبەرایەتی تەندروستی سلێمانی دابیندەكات

  • image04
  • دوو پێشمەرگە شەهیدەكەی كوڵەجۆی گەرمیان

  • image04
  • بیست ساڵ بەسەر كۆچی دوایی مامۆستا ئیبراهیم ئەحمەد تێپەڕدەبێت

  • image04
  • 17 ساڵ پێش ئێستا دیكتاتۆره‌كه‌ی عیراق روخا

  • image04
  • ووهان.. دوای‌ زیاتر لە دوو مانگ قەدەغەی‌ هاتووچۆ هەڵگیرا


                                           

ترۆدۆ پیرۆزبایی نه‌ورۆز له‌ ڕه‌وه‌ندی كوردی ده‌كات


جه‌ستن ترودۆ سه‌رۆك وه‌زیرانی كه‌نه‌دا ، رۆژی 19-3-2020، به‌بۆنه‌ی جه‌ژنی نه‌ورۆزه‌وه‌، پیرۆزبایی له&zw...


  كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو
  دانیمارك..یادی ڕۆژی شەهید کرایەوە
                                           

%63ی شه‌هیدانی كوردستان له سنووری سلێمانییه‌


مافناس، ئه‌دیب له‌تیف محه‌مه‌د، به‌ڕێوه‌به‌ری گشتیی كاروباری شه‌هیدان و ئه‌نفالكراوانی سلێمانی له‌دیدارێكیدا له‌گه‌ڵ كوردستانی ...


  44 ساڵ لەمەوبەر کتێبخانەیەک سلێمانی روناککردەوە
  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
                                           

با CPJ وردتر كار بكات

د. دیندار زێباری رێكخه‌ری راسپارده‌ نێوده‌وڵه‌تییه‌كان له‌ حكومه‌تی هه‌رێمی كوردستان له‌ڕاگه‌یه‌ندراوێك...


  حه‌فتاو سێ ساڵه‌ كورد بێ قازییه‌
  ته‌ندروستی سلێمانی داوای درێژكردنه‌وه‌ی قه‌ده‌غه‌ی هاتوچۆ ده‌كات


کاریکاتێر