PUKmedia یەکێتیی نیشتمانیی کوردستان

نوێترین کتێب


ژنێكی كورد دیسبۆرگی ئه‌ڵمانیا ده‌كاته‌ نیشتمانی ئازادی بۆ خۆی

شاڵات سه‌عید ژنێكی كوردی په‌نابه‌ره‌ باوكی شه‌هیده‌و بۆ گه‌ڕان به‌دوای ئازادیدا له‌ هاوسه‌ره‌ داعشه‌كه‌ی یاخی ده‌بێت و ده‌گاته‌ ئه‌ڵمانیا.

له‌میانه‌ی كتێبی "من ئازادیم هه‌ڵبژارد" باس له‌ مه‌رگه‌ساتی ژیانی پڕتراژیدیای خۆی ده‌كات و هۆشداریش ئه‌داته‌ ژنانی كورد.
شاڵات شانازی به‌و كتێبه‌وه‌ ده‌كات و ژیانی تازه‌ی ده‌ستپێكردووه‌

كتێبی "ئازادیم هه‌ڵبژارد"

كتێبی"ئازادیم هه‌ڵبژارد" كه‌ له‌م ڕۆژانه‌دا به‌زمانی ئه‌ڵمانی كه‌وته‌ كتێبخانه‌ی ئه‌ڵمانیه‌وه‌و ڕۆژنامه‌ی WAZ به‌قه‌ڵه‌می "مارتن ریدیس"پرسیار گه‌لێكی له‌سه‌ر ئه‌و كتێبه‌وروژاندوه‌وده‌رگای وه‌ڵامێكی زۆری له‌سه‌ر ئه‌و كتیبه‌ خسته‌سه‌رپشت،كتێبه‌كه‌ 304لاپه‌ڕه‌یه‌و به‌قه‌واره‌ی 13.5 × 21.5 سم چاپكراوه‌ باس له‌خودی نوسه‌ری كتێبه‌كه‌ ده‌كات وه‌ك ژنێكی كورد ڕاشكاوانه‌ په‌نجه‌ ده‌خاته‌ سه‌ر برینه‌كان و تراژیدیای ژیانی تاڵی خۆی له‌سایه‌ی سیسته‌می باوكسالاری و چه‌وساندنه‌وه‌و زوڵم و زۆرو ئازاردان و زیندانیكردنی له‌لایه‌ن براو هاوسه‌ره‌كه‌ی ده‌خاته‌ڕوو تائه‌و كاته‌ی له‌په‌نجه‌ره‌ی ئازاره‌وه‌ ئاسۆی ده‌ربازبوون له‌و ژیانه‌و ڕزگاربوون ده‌بینێ به‌ئاراسته‌ی گه‌یشتن به‌ئازادی ویاخی بوون و  دواجار ده‌گاته‌ خه‌ونه‌كانی و یاخی  ده‌بێت وئازادی هه‌لده‌بژیرێ..!!هه‌مانكات نیگه‌رانه‌و له‌ دڵه‌ ڕاوكێدا ده‌ژی و ترسی له‌ئاكامه‌كانی ئه‌و هه‌لویست و یاخی بونه‌ی خۆی هه‌یه‌.

به‌زۆر هاوسه‌رگیری له‌گه‌ڵ به‌ساڵاچویه‌كدا پێكراوه‌

له‌كتێبه‌كه‌دا هاتووه‌ خه‌ته‌نه‌ ترسێكی منداڵی لای شاڵات دروست كردووه‌و له‌گه‌ڵیدا گه‌وره‌  بووه‌ شاڵات له‌لایه‌ن براكه‌یه‌وه‌ ئازاردراوه‌و دواجار به‌زۆر هاوسه‌رگیری له‌گه‌ڵ به‌ساڵاچویه‌كیئیسلامیپێكراوه‌و دواتر بۆته‌ داعش،ژیانی كۆت و پێوه‌ندكردووه‌و ئازاری داوه‌و زیندانیكردوه‌..!! وه‌ك ئه‌و له‌كتیبه‌كه‌یدا ده‌ڵێ له‌گه‌رمه‌ی تراژیدیاكانی ژیانم دا بڕوام به‌وه‌ هه‌بووه‌ ژیانێكیتر له‌ده‌ره‌وه‌ی ئه‌و ژیانه‌ هه‌یه‌و دواجار ده‌گاته‌ ئه‌ڵمانیاو له‌شاری دیسبۆرگ ماڵێكی پڕ ئازادی وه‌ك خۆی ده‌ڵێ داده‌مه‌زرێنێ.

نوسه‌ری ئه‌م كتێبه‌ كچه‌ شه‌هیده‌
شاڵات له‌و كتێبه‌دا ده‌ڵێ باوكم شه‌هید بووه‌و زۆر خۆشه‌ویست و هاوڕێم بووه‌ به‌لام دوای باوكم ئومێدێكم نه‌ماو  بڕیارم دا كۆتایی به‌ژیانی دیلی و ڕسوایی بهێنم،شاڵات سه‌عید باس له‌وه‌ ده‌كات له‌ته‌مه‌نی ١٠ ساڵیدا له‌خوێندن بێ به‌شكراوه‌و له‌ ١٤ ساڵیدا بۆته‌ بارمته‌ی ماره‌یی برایه‌كی واته‌ ژن به‌ژنی پێكراوه‌و به‌ختیش دوچاری خراپترین نمونه‌ی كردوه‌ له‌گه‌ڵ ئیسلامیه‌كی داعشیدا..له‌و كتێبه‌دا هاتووه‌ كاتێك باس له‌عێراق ده‌كرێت باس له‌شه‌ڕو ئاشتی و تیرۆرو ڕق لێبون ده‌كرێت  له‌وكتیبه‌دا  نوسه‌ر وێنایه‌كی ناشیرینی باوكسالاری كۆمه‌ڵگای كوردی خستۆته‌ به‌رچاو ته‌ڕو وشكی پێكه‌وه‌ سوتاندوه‌و كه‌ بێگومان له‌گه‌ڵ ئه‌وه‌ی مافی ئازادی ده‌ربرینی خۆیه‌تی به‌دیوێكی تریشدا ناهه‌قی زۆری كردوه‌و  ڕه‌نگیشه‌ ڕه‌نگدانه‌وه‌ی خراپیش له‌سه‌ر تێڕوانینه‌كان له‌سه‌ر كورد دروست بكات وه‌ك چۆن نوسه‌ری ئه‌ڵمانی "كارل مای" به‌ كتێبی كوردستان وڵاتی وه‌حشستان بۆ ساڵانێكی یه‌كجار زۆر ڕای گشتی ئه‌ڵمانیای له‌سه‌ر كورد به‌لاڕێدا برد..!!

نوسه‌ر ده‌ڵێ كاتێك باس له‌عێراق ده‌كه‌ین باس له‌وه‌ ده‌كرێت مافی مرۆڤ ته‌نیا ڕوكه‌شه‌و ژنان مافیان نیه‌و ژن له‌عێراقدا ته‌نانه‌ت هاوڵاتی پله‌ دووش نیه‌..!!و ڕه‌وشی ژیانی له‌ژیانی ئاژه‌ڵی ئه‌لیف باشترنیه‌ وه‌ك له‌كتێبه‌كه‌دا هاتووه‌ ئه‌و یه‌كێكه‌ له‌و ژنانه‌ی چه‌وسێندراوه‌ته‌وه‌  هاوسه‌رێكیان به‌سه‌ردا سه‌پاندووه‌ دوور له‌ ویست و ئاره‌زووی خۆی و ته‌مه‌نی زۆر له‌و گه‌وره‌ترو پیر بووه‌ بڕواشی نه‌كردوه‌ ڕۆژێك لێی یاخی بێت  به‌تایبه‌تی ژنێك كه‌زیندانیش بكرێ هیشتا منداڵه‌كانی له‌باوه‌ش بگرێ.ئه‌م نوسه‌ره‌ كه‌باس له‌ تراژیدیای ژیانی خۆی ده‌كات ده‌ڵێ من گه‌شتمه‌ ئه‌و بڕوایه‌ی كه‌ژن ده‌بێ ئازاد بێت و خه‌ونه‌كانی ئازادی خۆی به‌دیبێنێ وڕوبه‌ڕووی توندوتیژی به‌رامبه‌ر به‌ ژن و تیرۆر ببێته‌وه‌ وه‌ك له‌كتێبه‌كه‌دا هاتووه‌ دواجار ڕێگای ئازادی گرته‌به‌ر. ئه‌م كتێبه‌ كاتێك باس له‌ڕه‌وشی خراپی ژنان ده‌كات له‌عێراق دا كه‌پڕه‌ له‌هه‌ڕه‌شه‌و ترس و تۆقاندن وێنایه‌كی ترسناكی لای خوێنه‌ری ئه‌وروپی دروست كردووه‌ به‌شێوه‌یه‌ك سه‌رسوڕمانیان لا دروست ده‌كات به‌رامبه‌ر به‌ ره‌وشی ژنان له‌ هه‌رێمی كوردستاندا به‌تایبه‌تی..

نوسه‌ری ئه‌م كتێبه‌ هۆشداری ئه‌داته‌ ژنان و داوایان لێئه‌كات به‌ ئاگابێنه‌وه‌و له‌پێگه‌ی ژنانه‌ی خۆیان بڕوانن و پێشی وایه‌ به‌شێكی گه‌وره‌ی هۆكاری ئه‌و به‌د به‌ختیه‌ی ژنان نه‌ریته‌ ئیسلامیه‌كانه‌..!! وه‌ك ئه‌و ده‌ڵێ ناچارم به‌رچاو ڕونیان بده‌مێ و هانیان بده‌م وه‌ك من ڕێگه‌ی ئازادی خۆیان هه‌ڵبژێرن..

ئه‌ڵمانیا وڵاتی ئازادیمه‌
 ئه‌م ژنه‌ كورده‌ نوسه‌ری كتێبی "ئازادیم هه‌ڵبژارد" ده‌ڵێ..ئه‌ڵمانیا وڵاتی ژیانی ئێستاو داهاتومه‌ ئه‌و ژیانه‌ی لێره‌ هه‌مه‌ له‌كوردستانی عێراق نه‌م بووه‌ له‌وێ زیندانیكردن و لێدان به‌شم بووه‌..

ڕۆژنامه‌نوس مارتن ریدیس..شاڵات ژنێكی ئازایه‌و بڕوای به‌خۆی هه‌یه‌
مارتنریدیس سه‌باره‌ت به‌"شالات سه‌عید"ده‌ڵێ..ژنێكی ئازایه‌و بڕوای ته‌واوی به‌خۆی هه‌یه‌.. ئه‌و باوكیی له‌ده‌ستداوه‌و وه‌ك پێشمه‌رگه‌یه‌ك له‌پێناوی ئازادی گه‌له‌كه‌یدا گیانی به‌خشیوه‌ له‌گه‌ڵ گه‌وره‌بونیدا هه‌میشه‌ ئه‌و هه‌سته‌ی لادروست بووه‌ خۆشه‌ویستی باوكی بووه‌.منداڵی به‌ناخۆشی به‌رێكردوه‌ زوڵمی خه‌ته‌نه‌ی لێكراوه‌و خوێندكارێكی چاك بووه‌ و بێبه‌ش كراوه‌ له‌خویندن و ئه‌ركی خزمه‌تكردنی ماڵی به‌سه‌ردا سه‌پێندراوه‌.شاڵات كه‌چاره‌نوسی دوچاری پیاوێكی به‌ساڵاچووه‌ بووه‌وه‌ك هه‌ر كه‌سێكیتر حه‌زی به‌ ئازادی كردوه‌ هاوسه‌ره‌ موسولمانه‌كه‌ی به‌ڕه‌و توندره‌وی ده‌ڕوات و رێگه‌ی پێنادات له‌ماڵ بچیته‌ ده‌ره‌وه‌ ته‌نانه‌ت رێگری لێكردوه‌ سه‌ردانی كه‌سوكاریشی بكات..شاڵات ده‌ست ده‌كات به‌ئیش سه‌ره‌تا به‌دورومانی و دواتر وه‌ك كاری ئازادو ئه‌و ده‌رفه‌ته‌ش ده‌قۆزێته‌وه‌ كه‌مێرده‌كه‌ی سه‌رقاڵی كاری سیاسی خراپه‌ خۆی ده‌رباز ده‌كات و ده‌گاته‌ ئه‌ڵمانیا و ده‌گات به‌و ئازادیه‌ی كه‌ خه‌ونی پێوه‌ ده‌بینی..ئه‌م كتێبه‌ باس له‌ مه‌رگه‌ساتی ژیانی ژنێكی كورد ده‌كات له‌ژێر داپلۆسین و سیسته‌می تۆقێنه‌رانه‌ی نه‌ریته‌ ئیسلامیه‌كاندا.

PUKmedia شیهاب عوسمان- ئه‌ڵمانیا


وێنە هەواڵ
  • image04
  • بەفربارین حاجی ئۆمەران سپی پۆشدەكات

  • image04
  • پێشمەرگە شەهیدەكانی گەرمیان

  • image04
  • میسی بۆ جاری شه‌شه‌م باڵۆن دۆڕی برده‌وه‌

  • image04
  • سێ كارمه‌ندی ئاسایشی گه‌رمیان شه‌هیدبوون

  • image04
  • به‌غدا.. خۆپیشانده‌ران بۆ ده‌ستله‌كاركێشانه‌وه‌ی عادل عه‌بدولمه‌هدی ئاهه‌نگ ده‌گێڕن

  • image04
  • کچە کوردێک مارکەیەک بەناوی خۆی بەرهەمدەهێنێت

  • image04
  • لە حاجی ئۆمران بەفر دەبارێت

  • image04
  • ئاهەنگی دەرچوونی خولێكی تری زانكۆی سلێمانی


                                           

كۆبوونەوەی كۆمیتەی هاوكاری لەدانیمارك


بە ئامادەبوونی چەندین پارت و لایەنی سیاسی كوردستانی لە هەرچوارپارجەی كوردستان ڕۆژی هەینی بەرواری  6-12-2019 كۆبوونەوەی كۆمیتەی هاوكاری لە شاری كۆبنهاگن  بەڕیوەچوو.

  فینلاند.. یادی دامەزراندنی پارتی كرێكاران دەكرێتەوە
  حیزبی دادپەروەری و یەكسانیخوازی سەردانی كۆمیتەی دانیمارك دەكات

                                           

لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام


لاهور شێخ جه‌نگی له‌چاوپێكه‌وتنێكدا بۆ ئاژانس رایگه‌یاندوه‌، بۆ كۆنگره‌ دژی ته‌وافوقم، به‌ڵام له‌گه‌ڵ لێكتێگه‌یشتندام
 
لاهور ش...


  عومەر شێخ موس: سەركردایەتیی كورد لەسیاسەت تێ نەگەیشتووە
  حاجی مەسیفی: بۆ دانانی پارێزگاری كەركوك چیتر سەبرمان نەماوە
                                           

روونكردنه‌وه‌كه‌ی ئه‌نجومه‌نی باڵای فه‌توا نیگه‌رانی لێده‌كه‌وێته‌وه‌

ئه‌نجومه‌نی باڵای فه‌توای هه‌رێم له‌باره‌ی هاتوچۆی ژنان و كچان له‌گه‌ڵ شۆفێری پیاوی نامه‌حره‌م روونكردنه‌وه‌یه‌ك بڵاوده&zw...


  وەستایەك ئۆتۆمبێلی كۆن نوێ دەكاتەوە
  گێچەڵی سێكسی تەڵەیەكی مەترسیدار لەهەرێم


کاریکاتێر