PUKmedia یەکێتیی نیشتمانیی کوردستان

نوێترین کتێب


كتێبێك ڕێگای چێژی خویندنه‌وه‌مان بۆده‌كاته‌وه‌

ئه‌م كتێبه‌ له‌ دوتوێی 128 په‌ڕه‌دایه‌ شاخه‌وان سه‌دیق ئاماده‌ی كردووه‌. چێژی خوێندنه‌وه‌ له‌ ناونیشانه‌كه‌یه‌وه‌،خوێنه‌ر ڕاده‌كێشێت بۆچێژێك كه‌ خوێندنه‌وه‌یه‌.ئه‌م كتێبه‌ باس له‌ به‌شه‌ سه‌ره‌كی و گرنگه‌كه‌ی پرۆسه‌ی خوێندنه‌وه‌ ده‌كات كه‌ چێژه‌. له‌به‌رئه‌وه‌ی ڕه‌هه‌ندێكی سه‌ره‌كی و گرنگی خوێندنه‌وه‌  چێژبه‌خشینه‌ به‌خوێنه‌ر.چێژ به‌ومانایه‌ی تۆ موتعه‌یه‌كی ڕۆحی له‌ خوێندنه‌وه‌ی تێكستێك ده‌بینیت.

ئه‌م كتێبه‌، وته‌و نوسینی چه‌ند نووسه‌رێكه‌ له‌سه‌ر جێژو سوودی خوێنده‌ووه‌، له‌گه‌ل چه‌ند ئیقتیباسێكی نوسه‌ره‌ جیهانی و ناوخۆیه‌كان. له‌م كتێبه‌وه‌ ئه‌وه‌مان وه‌چنگ ده‌كه‌وێت، له‌ كاتی خوێندنه‌وه‌ی تێكستێك یان كتێبیك له‌پاڵ چێژه‌كه‌یدا خوێنه‌ر ده‌بێت به‌كاره‌كته‌رێك بزۆكی بیركه‌ره‌وه‌، كاره‌كته‌رێك له‌پاڵ چێژو خۆشیدا، ئه‌قڵانی بیرده‌كاته‌وه‌.مرۆڤ له‌ كه‌سێكی رامكراوه‌ ده‌كات به‌ كه‌سێكی ڕه‌خنه‌گر.

ڕه‌نگه‌ ئه‌م كتێبه‌ بۆكه‌سێك كه‌سه‌ره‌تای ده‌ستكردنی بێ بۆ خوێندنه‌وه‌، زۆر گرنگ و كاریگه‌ر بێت زیاتر وای لێبكات به‌ره‌و دنیای خوێنده‌وه‌ بڕوات، له‌هه‌مان كاتدا بۆ كاسانێكیش كه‌ مێژووییه‌كیان هه‌یه‌ له‌ خویندنه‌وه‌ به‌هان شێوه‌ چێژی لێ ببینن.  ئه‌و چێژانه‌شی لێ ببینن كه‌ به‌ر له‌ خوێندنه‌وه‌ی ئه‌م كتێبه‌ دركیان نه‌كردوه‌. واته‌ ئه‌م كتێبه‌ باس له‌چێژی خوێندنه‌ ده‌كات و خودی كتێبه‌كه‌ كتێبێكی چێژ به‌خشه‌.

له‌به‌شێكی نووسینه‌كانی ئه‌م كتێبه‌دا ئه‌وه‌مان به‌ڕوونی له‌زاری نوسه‌ره‌كانه‌وه‌ بۆ ده‌خاته‌ ڕوو كه‌ چێژی خوێندنه‌وه‌ به‌راورد ناكرێت به‌چیژی نووسینه‌كانی سۆشیال میدیا و تابلێت و تیڤی و هه‌موو نووسینه‌ ئه‌لیكترۆنی و میدیایه‌كان، چونكه‌ چێژی ڕاسته‌قینه‌ له‌ خوێندنه‌وه‌ی په‌رتوكه‌كانه‌وه‌ به‌رهه‌م دێت.

پاشان خۆڕۆشنبیركردن له‌ڕێی كتێبه‌وه‌ مه‌عریفه‌ی زاتیت پێده‌به‌خشێت ئه‌و پرۆسه‌یه‌ش كاتێك ڕوو ده‌دات كه‌ تۆ هه‌ستت كرد چێژ له‌ كتێبێك ده‌بینیت.

له‌به‌شێكی تری ئه‌م كتێبه‌دا ئه‌وه‌مان پیشانده‌دات كه‌ پارادۆكسانه‌ تۆ له‌ چێژه‌وه‌ هه‌ندێك ئازار ده‌كێشیت به‌وه‌ی به‌هۆی خوێندنه‌وه‌ی تێكستێكی دیاری كراوه‌وه‌ ناشرینیه‌كانی ناوه‌وه‌ی خۆتت بۆ ده‌رده‌كه‌ویت و توشی ئازاری ویژدانیده‌بیت، ئه‌وه‌ش ده‌بێته‌ هۆی ئه‌وه‌ی تۆ به‌خۆتدا بچیته‌وه‌ و هه‌ڵه‌كانی خۆت بزانی.

له‌هه‌مان كاتدا ئه‌م كتێبه‌ ئه‌وه‌مان پێده‌ڵیت كه‌ ره‌نگه‌ هه‌موو كتێبێك ئه‌و چێژه‌ت پێنه‌به‌خشییت، واته‌ هه‌ندێك كتێب ئه‌رزشی ئه‌وه‌ی نیه‌ بخوێنرێته‌وه‌، چونكه‌ ڕه‌نگه‌ ڕق و حه‌قدو كه‌راهیه‌ت له‌ ناختدا دروست بكات و تۆشبكاته‌ كاره‌كته‌رێكی ناته‌ندروست و ڕقاوی له‌ كۆمه‌ڵگادا. ده‌توانین بڵێین چێژی خوێندنه‌وه‌ش نسبیه‌ و له‌كه‌سێكه‌وه‌ ده‌گۆڕێت بۆ كه‌سێكی تر بۆ نمونه‌؛ خوینه‌ر هه‌یه‌ چێژ له‌ تێكسته‌ فكری و فه‌لسه‌فیاكان ده‌بینێت، هه‌یه‌ تێكسته‌ ئه‌ده‌بی و هه‌شه‌ به‌ تێكسته‌ مێژووییه‌كان  و..هتد.

به‌شێكیتری ئه‌م كتێبه‌ ئه‌وه‌یه‌ كه‌ له‌پرۆسه‌ی خوێندنه‌وه‌دا تۆ چیژی ڕاپه‌ڕین ده‌بینیت واته‌ تۆ ڕاده‌په‌ڕیت له‌ چه‌قبه‌ستن و دۆگمای واته‌ باوه‌ربوون به‌ یه‌ك ڕه‌هه‌ند و یه‌ك تێروانین.كتێب چێژی گه‌شتكردنت پێده‌به‌خشێت به‌ناو دنیا ڕسته‌و وشه‌ جۆراو جۆرو جیاوازه‌كاندا. له‌پاڵ ئه‌مانه‌شدا له‌ پرۆسه‌ی خوێندنه‌وه‌دا خوێنه‌ر ده‌توانیت چێژی لۆژیكی بكات هه‌موو شته‌كان و ڕووداوه‌كان وا به‌سانای به‌لایدا تێنه‌پیڕن ،به‌ڵكو ده‌توانێت لۆژیكانه‌ ڕاڤه‌ بۆ هه‌موو ڕووداوه‌كان و تێكسته‌كان بكات.

كتێب ده‌تكاته‌ كه‌سێكی خاوه‌ن ئه‌قڵی به‌راوردكارانه‌ و ئیدی تۆ هه‌ست به‌چێژی مه‌عریفی ده‌كه‌یت.له‌م كتێبه‌وه‌ به‌راوردێكی باشی مێژووی كراوه‌ كه‌ سیاسه‌تمه‌دارو ده‌سته‌ڵاتدارانی ڕابردوو به‌و ئیمكانیه‌ته‌ كه‌مه‌یانه‌وه‌ خوێنه‌وارتربوون ڕێگه‌یان نه‌داوه‌ بێبه‌ش بن له‌ چێژی خوێندنه‌وه‌ بۆ نموونه‌ ئه‌میرێكی فارس خاوه‌نی 117000 كتێب بووه‌ له‌كاتی گه‌شته‌كانی به‌پشتی حوشتر بردوونی له‌گه‌ڵ خۆی، به‌ڵام له‌ دنیا مۆدێرندا به‌تایبه‌تی ده‌وڵه‌تانی پاشكه‌وته‌ و دواكه‌وتوو، به‌تایبه‌ت ڕۆژهه‌ڵاتی ناوه‌ڕاست، ده‌سته‌ڵاتداران له‌بری ئه‌وه‌ی چێژ له‌و سه‌رمایه‌ گه‌وره‌یه‌ی كتێب ببینن، به‌پێچه‌وانه‌وه‌ چیژ له‌وه‌ ده‌بینن به‌ پاره‌ ئه‌وچێژه‌ له‌و كه‌س وڕۆشنبیرانه‌وه‌ وه‌رگرنه‌وه‌.

كتێبی چیژی خوێندنه‌وه‌ ئه‌و ڕاستیه‌مان بۆ ده‌رده‌خات كه‌ خوێندنه‌وه‌ توانای گێرانه‌وه‌مان زیاده‌كات زمانمان پاراو و ڕه‌وان ده‌كات وله‌ هه‌مو كاتدا بابه‌تی قسه‌كردنمان لێنابڕێت و هه‌میشه‌ قسه‌ی تازه‌ت پێیه‌ ئه‌مه‌ش چێژی ئه‌وه‌ت ده‌داتێ كه‌ تۆ له‌ناو كۆڕۆكۆبونه‌دا قسه‌كانت به‌پێز و به‌به‌هاتربێت. خویندنه‌وه‌ فێری كۆڵنه‌دانت ده‌كات له‌ناو دیره‌كاندا جینگل ده‌خۆیت تا له‌ نهێنیه‌ شاراوه‌كانی جیهان و كلتوره‌ جیاوازه‌كانی جیهان تێبگه‌یت بۆیه‌ ئه‌وچێژه‌ی له‌م كێبه‌ ده‌یبینی ئاویته‌ ده‌بێت له‌گه‌ڵ هه‌ر تێكستێكی تازه‌دا كه‌ ده‌یخوێنینه‌وه‌. ئه‌م كتێبه‌ ڕێگایه‌كه‌ بۆ ناسینی چێژه‌جیاوازه‌كانی خوێندنه‌وه‌ وهه‌ڵبژاردنی ئه‌وتێكستانه‌ی كۆ خۆمان چیژی لێده‌بینین و ده‌مان كات به‌ كه‌سێكی بیركه‌ره‌وه‌ دور له‌ تێڕوانینی دۆگمای.


حه‌مه‌شوان كه‌مال

PUKmedia


وێنە هەواڵ
  • image04
  • .

  • image04
  • جوتیاره‌ نموونه‌ییه‌كه‌ی هه‌ڵه‌بجه‌ به‌رهه‌مه‌كانی ده‌باته‌ هه‌ولێر

  • image04
  • یادی له‌دایكبوونی پێغه‌مبه‌ر(د.خ) له‌هه‌ولێر

  • image04
  • كۆبوونەوەی لوتكە لەهەرێم بەڕێوەدەچێت

  • image04
  • سێ سه‌رۆكایه‌تییه‌كه‌ی هه‌رێم كۆده‌بنه‌وه‌

  • image04
  • هێرۆخان لەدەباشان پێشوازی لەكافیە سلێمان سكرتێری یەكێتی ژنان كرد

  • image04
  • فێستیڤاڵی هەنار لەهەڵەبجە

  • image04
  • فێستیڤاڵی هەنار لە هەڵەبجە


                                           

وەفدێكی كۆمیتەی بەریتانیا كەرتی لیڤەرپوڵ بەسەردەكاتەوە


وەفدێكی  كۆمیتەی بەریتانیا بەسەرپەرشتی قەیس قاسم  لێپرسراوی كۆمیتە و شێخ ئیسماعیل بەرپرسی چاودێری و بەدوادا چوون، سەردانی شاری لیڤەرپولیان كرد و لەگەڵ ژمارەیەك كادیرو ئەندامی  یەكیتی...


  یۆنان.. كورد داكۆكیكاری هێنانه‌دی ئاشتی و سه‌قامگیریی و چه‌سپاندنی دیموكراسییه‌
   له‌ دانیمارك ڕۆژی كۆبانێ به‌ڕێوه‌چوو
                                           

عومەر شێخ موس: سەركردایەتیی كورد لەسیاسەت تێ نەگەیشتووە


عومەر شێخ موس، سیاسەتمەداری كورد، كە خەڵكی رۆژئاوای كوردستانە جەخت لەسەر ئەوە دەكاتەوە، ئەو پشتتێكردنەی ئەمەریكا لە رۆژئاوای كوردستان ئەگەر هەیە لە دژی هەرێمی كوردستانیش دووبارە ببێتەوە و دەشڵێت: ب...


  حاجی مەسیفی: بۆ دانانی پارێزگاری كەركوك چیتر سەبرمان نەماوە
  موكه‌ڕه‌م تاڵه‌بانی: به‌ بارزانیم وت ڕیفراندۆم سودی بۆ كوردستان نابێت
                                           

101 ساڵ بەسەر راگرتنی جەنگی جیهانی یەكەم تێدەپەڕێت

ئەمڕۆ 11-11-2019، 101 ساڵ بەسەر راگرتنی جەنگی جیهانی یەكەمدا تێدەپەڕێت كەیەكەمین جەنگ بوو بۆ یەكەمجار سوود لە فرۆكە و تانك و تۆپ وەرگیرا، چەكی كیمیایی دەیان هەزار كەسی ...


  رۆنی رەشكە .. خواردن و چارەسەر
  لەدایکبوون و ژیان لە پێش مردنەوەن


کاریکاتێر