PUKmedia یەکێتیی نیشتمانیی کوردستان

نوێترین کتێب


ئیبراهیم هه‌ورامانی زمانێكی ساده‌ و خه‌مێكی قوڵ

هێشتا كات ماوه‌ بۆ خۆشه‌ویست، ناوی نوێترین دیوانی ئیبراهیم هه‌ورامانییه‌ كه‌ لایه‌ن گروپی ڕۆشنبیری گوڵیار چاپ و بڵاوبۆته‌وه‌. 

دكتۆر جۆنسۆن ئه‌دیبی ناوداری به‌ریتانی پێی وایه‌ كه‌ شاعیر ده‌بێت دنیا له‌وه‌ی كه‌ هه‌یه‌ باشتر و جوانتر نیشان بدات. هه‌ورامانیش ده‌یه‌وێت له‌شارێك كه‌ كۆمه‌ڵكوژ كراوه‌ و ئێستاش له‌ شه‌قام و كۆڵانه‌كانی برینداری كیمیاباران ده‌بیندرێت، هه‌ڵه‌بجه‌یه‌كی جوان و جیاواز بخاته‌ڕوو، هه‌رچه‌ند تا ئێستاش كچانی هه‌ڵه‌بجه‌ نه‌ك هه‌ر گۆزه‌ی سه‌رشانیان ده‌شكێت، به‌ڵكوو ڕۆژێ سه‌دجار دڵیان ده‌شكێ. كۆڕانی شاره‌كه‌ش له‌ شه‌ودا له‌دایك ده‌بن و هه‌ر له‌ شه‌ویشدا ده‌خوێنه‌وه‌. منداڵی شاره‌كه‌ش هه‌رچه‌ند قامیش ده‌كه‌نه‌ ئۆتۆمبێل و سواری ده‌بن و ده‌ڕۆن، به‌ڵام هه‌ر ناگه‌ن به‌ به‌هه‌شت و قامیشه‌كانیش ده‌بنه‌ خۆڵه‌مێش.

 
ئه‌م  كۆمه‌ڵه‌ شیعره‌ی ئیبراهیم هه‌ورامانی هه‌رچه‌ند زمانێكی ساده‌ و بێ گرێ و گۆڵ و پاراوی هه‌یه‌، به‌ڵام هاوكات هه‌ستێكی ناسك و خه‌مێكی قوڵ له‌دوای یه‌ك به‌ یه‌كی وشه‌كانیدا هه‌ست پێده‌كرێ، بۆ نموونه‌ شاعیر ده‌ڵێ:

من ئیبراهیمم
به‌ڵام له‌و كاته‌وه‌ی تۆم ناسیووه‌
بوومه‌ته‌ فه‌رهاد  ل.142

ئه‌وه‌ی كه‌ جوانی و به‌ها به‌ شیعر ده‌به‌خشێت به‌ر له‌هه‌موو شتێك وێنه‌یه‌، وێنه‌یه‌ك كه‌ بتوانێ له‌ زه‌ین و مێشكی خوێنه‌ر و بینه‌ر و بیسه‌ر جێی خۆی بكاته‌وه‌، چونكه‌ شیعر ته‌نها په‌یام و مه‌فهوم و چه‌مك نییه‌. به‌ڕای زۆربه‌ی ڕه‌خنه‌گران شیعر خۆی جۆرێكه‌ له‌ بیركردنه‌وه‌ و دروستكردنی دونیایه‌كی تایبه‌ت.
شاعیر ده‌ڵێ:

دڵی من،
هه‌ر زستانان سارد نییه‌
به‌هارانیش...
هاوینانیش...
پایزانیش...  ل 98

هه‌ورامانی له‌هه‌ندێك له‌ شیعره‌كانیدا ئه‌وه‌مان پێده‌ڵێت كه‌ ئه‌ركی سه‌ره‌كی شیعر سه‌ره‌تا ده‌بێت وێنه‌ بێت، ئه‌ویش وێنه‌یه‌كی نوی، وێنه‌یه‌كی كه‌ ئه‌ندێشه‌یه‌كی نوێیش به‌دوادا هاتبێت.

پاڵتۆكه‌ت له‌لام جێبهێڵه‌
ده‌زانی
ئه‌گه‌ر زستانیش نه‌بێت
ماڵه‌كه‌ی من
هه‌ر سارده‌!  ل118


ئه‌وه‌ی له‌م كۆمه‌ڵه‌ شیعره‌ی هه‌ورامانیدا ده‌بیندرێ ئه‌وه‌یه‌ كه‌ ئازار و خه‌مێكی قورس ناخی شاعیری داگیركردووه‌ و شاعیر هه‌رچی ده‌كات ناتوانێ هه‌موو ئازاره‌كانی هه‌ڵڕێژێت و په‌نا بۆ وێنه‌ ده‌بات به‌ر له‌وه‌ی په‌نا بۆ په‌یام ببات.

ئیبراهیم هه‌ورامانی له‌م كۆمه‌ڵه‌ شیعره‌یدا هه‌رچی ده‌كات ناتوانێ ئه‌وه‌ی له‌ ناخی دایه‌ له‌گه‌ڵ خوێنه‌ر دابه‌ش بكات و خه‌فه‌ته‌كانی هه‌ڵده‌گرێت بۆ ناو پریسكه‌ی دڵی.

 جه‌واد حه‌یده‌ری

PUKmedia


وێنە هەواڵ
  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد

  • image04
  • هەولێر...كۆگایەك گڕدەگرێت

  • image04
  • قەزای سۆران.. لەڕووداوێكی هاتووچۆدا دوو برا گیانیان لەدەستدا

  • image04
  • د.رێواز فایەق بەسەرۆكی پەرلەمان هەڵبژێردرا


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت


ئۆزگور محه‌مه‌د ئۆغڵو: پارێزگای ئامه‌د له‌بواری گه‌شتوگوزار پێشكه‌وتنێكی به‌رچاوی به‌خۆیه‌وه‌ بینیوه‌و ساڵانه‌ش (3) ملیۆن و (50...


   سزای ته‌مه‌لی: پیلان هه‌یه‌ بۆ سڕینه‌وه‌ی كورد
  یەكێتیی لە هەموو جومگەكانی بڕیاردان پۆستی دەبێت
                                           

پەرلەمانتارێك: سەردانی وەفدی هەرێم بۆ بەغدا "ئەنجامی زۆرباش"ی دەبێت

دوای پێكهێنانی كابینەی نوێی وەفدی باڵای حكومەتی هەرێم بەسەرۆكایەتی مەسرور بارزانی سەرۆكی حكومەت و قوباد تاڵەبانی جێگری سەرۆكی حكومەت و ئەندامێتی هەریەك لە وەزیرانی (ناوخۆ- دارایی –پ...


  هه‌كاریی، جوگرافیای كاره‌سات و كۆڵنه‌دانی یه‌كێتی
  بڕیارێك نرخی ئۆتۆمبێل له‌هه‌رێم به‌رزده‌كاته‌وه‌


کاریکاتێر