PUKmedia یەکێتیی نیشتمانیی کوردستان

نوێترین کتێب


پازلی كوردبوونی كورد

له‌ناو ئه‌ده‌بیات و سیاسه‌ت

خۆناسین، جیهان ناسین و مانا بۆ ژیان په‌یداكردن و كه‌سایه‌تی چێكردن له‌ پرسیاره‌ ساكاره‌كانه‌وه‌ ده‌ست پێده‌كا. ئه‌وه‌ی هه‌ر مندالێك ئیمكان په‌یدا ده‌كات پرسیاره‌كانی له‌ ناو بنه‌ماڵه‌، باخچه‌ی منداڵان، مه‌دره‌سه‌ و شوێنی تر بهێنێته‌ زمان، ده‌گه‌ڕێته‌وه‌ بۆ چه‌شنی بنه‌ماڵه‌، كۆمه‌ڵگا و ئه‌و وڵاته‌ی كه‌ منداڵ تێیدا گه‌وره‌ ده‌بێ.

گه‌وره‌ترین گرفتی هه‌ر مندالێكی كورد ئه‌وه‌یه‌، كه‌ له‌ سیسته‌مێكی دژ به‌خۆیدا بارده‌هێندرێ. كورد كه‌ كیانی خۆی نییه‌، سیسته‌می كۆمه‌ڵایه‌تی ئیداریی، فه‌رهه‌نگی و په‌روه‌رده‌ی خۆی نییه‌، هه‌ر له‌ منداڵییه‌وه‌، ناسنامه‌ و كه‌سایه‌تی نامۆ، زمانی نامۆ، فه‌رهه‌نگ و هه‌ستی نامۆ كه‌ دووره‌ له‌ زمان و فه‌رهه‌نگ و هه‌ستی خۆی، وه‌رده‌گرێ. ئه‌و منداڵه‌ كه‌ گه‌وره‌ بوو، هه‌موو ناكۆكییه‌كانی له‌ گه‌ڵ خۆی گه‌وره‌ كردووه‌، ڕه‌نگه‌ ئیمكانی خۆدیتنه‌وه‌ په‌یدا بكات و ڕه‌نگه‌ هه‌تا كۆتایی ژیان نامۆ له‌ گه‌ڵ پێكاته‌كانی خۆی بمێنێته‌وه‌ و هه‌ست به‌وه‌ نه‌كا كه‌ ئه‌و خۆی نه‌بووه‌!

من، نووسه‌ری ئه‌م دێڕانه‌، له‌ شارێكی گچكه‌ی كوردستان له‌ دایك بووم، له‌ ناو شار و گونده‌كانی خۆمان و له‌ ناو ئازه‌ری و فارس گه‌وره‌ بووم، ژیانم له‌ ناو و ده‌ره‌وه‌ی وڵات له‌ گه‌ڵ منداڵ و لاو و خه‌ڵكانی شوێن شوێنی جیهان وه‌ك شانۆگێڕ، شانۆپێداگۆگ و داڕێژه‌ری سیسته‌می فێربوون تێپه‌ڕ بووه‌. له‌ شاره‌كانی كوردستان وه‌ك شانۆگێڕ پێوه‌ندیم له‌ گه‌ڵ خه‌ڵك و بینه‌ر هه‌بووه‌، گوێم بۆ به‌سه‌رهاتی تاك تاكه‌كانی خه‌ڵك، هونه‌رمه‌ند و بیرمه‌ندانی وڵاته‌كه‌م شل كردووه‌. له‌ بیرم نه‌چۆته‌وه‌ كه‌ بینه‌رانی شانۆكانی مانگرتن و خودموختاری یانی چی له‌ شاره‌كانی شنۆ، مه‌هاباد، بۆكان، سه‌قز، سنه‌ چ هه‌ستێكیان بۆ زمانی دایكی خۆیان ده‌ربڕیوه‌. قسه‌ی مامۆستایه‌كی سه‌قزیی له‌ هاوینی ساڵی ١٣٥٨ پاش چل ساڵ له‌ گوێچكه‌مدا ده‌زرینگێته‌وه‌ كه‌ گووتی" یه‌كه‌م جاره‌ له‌ ژیانمدا شانۆ به‌ زمانی كوردی ده‌بینم و ده‌ژنه‌وه‌م". ئه‌وه‌شم له‌ بیر نه‌چۆته‌وه‌، كاتێك كه‌ ویستم "انشا" له‌ سه‌ر شاره‌كه‌م بنووسم هیچ سه‌رچاوه‌یه‌ك وه‌ك كتێب، گۆوار له‌ به‌ر ده‌ستدا نه‌بوو. ئه‌وه‌شم له‌ بیرنه‌چۆته‌وه‌ كه‌ چۆن له‌ ته‌ورێز و تاران له‌ ته‌مه‌نی مێرمنداڵیدا سوننی بوون و كوردبوون و وه‌ك ئه‌وان نه‌بوون و جیاوازبوون، گرفت بوو. هه‌مووی ئه‌م شته‌ ساكارانه‌ پرسیار ده‌خوڵقێنن. تۆ كێی، ئه‌وان كێن، بۆ ئه‌وان وه‌ك تۆ نیین و بۆ تۆ وه‌ك ئه‌وان نی؟ هه‌ركام له‌ ئێمه‌ به‌ پێی پلان و به‌رنامه‌ نامۆ له‌ گه‌ڵ خۆمان بارهێندراوین و بنه‌ماڵه‌كانمان خۆیان به‌رهه‌می هه‌مان كۆمه‌ڵگا و سیسته‌م بوون و ئه‌وانیش وه‌ك ئێمه‌ له‌ ناو ناكۆكییه‌كاندا كه‌سایه‌تیان خۆی گرتووه‌.

من كه‌ خۆم كۆی پرسیار بووم، نه‌ده‌كرا له‌ سه‌ر سه‌كۆی شانۆ درۆ به‌ بینه‌ر بڵێم، ده‌بوو به‌ شوێن ڕاستییه‌كاندا بگه‌ڕێم و بیخه‌مه‌ به‌ر چاوی بینه‌ر بۆ ئه‌وه‌ی پرسیار لایان درووست بكرێ. كار له‌ گه‌ڵ منداڵ و لاوان له‌ كوردستان و ئێران و به‌ دڕێژایی سی ساڵ له‌ مه‌دره‌سه‌ و ئاموزشگا و زیندان و لێره‌ و له‌وێی ئاڵمان، خوودی ئینسانی له‌ لام كرد به‌ پرسیار.

 لێره‌وه‌ تۆ چ بته‌وێ و چ نه‌ته‌وێ به‌ره‌و فه‌لسه‌فه‌ هانده‌درێی بۆ ئه‌وه‌ی له‌ ئینسان، له‌ بوون، له‌ نه‌بوون، له‌ ژیان، له‌ خۆت، له‌ نه‌ته‌وه‌كه‌ت له‌ كورد تێبگه‌ی، له‌ چاره‌نووسی پڕ له‌ ئازاری خه‌ڵكه‌كه‌ت تێبگه‌ی و پرسیار بكه‌ی بۆ و بۆچی زیاده‌ له‌ هه‌موو نه‌ته‌وه‌كانی جیهان تۆ وڵات و كیانت نییه‌، بۆچی ئه‌م پرسیاره‌ له‌ ناو نه‌ته‌وه‌كه‌ی تۆدا نه‌بۆته‌ بیر و هزر، بۆچی نووسه‌ران، شاعیران و نوخبه‌كانی سیاسی له‌ جه‌غزیی دیاریكراویی فكریی، ئایینی، ناوچه‌یی تێنه‌په‌ڕیون و  بۆچی ئازار له‌ ناو كورد كۆتایی پێنه‌هاتووه‌، بۆچی سیاسی كورد به‌رده‌وام خۆیان له‌ كاره‌ساته‌كاندا دیتۆته‌وه‌؟

هه‌موو ئه‌و پرسیارانه‌ و پرسیاری تر، ئه‌مجاره‌ نه‌ك له‌ ڕێگای شانۆنامه‌ به‌ڵكوو له‌ رێگای ئه‌م كتێبه‌وه‌ ڕووبه‌ڕووتان ده‌كرێته‌وه‌ بۆ ئه‌وه‌ی دیالۆگ و دانووستان له‌ نێوانمدا پێك بێ.

كتێبه‌كه‌ بۆ هه‌ر كه‌س و هه‌موو كه‌س نووسراوه‌ و باسه‌ ڕه‌ق و قوورس و كلاسییه‌كان خزێندراونه‌ته‌ تۆی زمانی ئاسایی. بابه‌ته‌كان وا داڕێژراون كه‌ ده‌كرێ جیاواز به‌كاربهێندرێن.

كتێبه‌كه‌ له‌م به‌شانه‌ پێكهاتووه‌: "چوونه‌ ناو باس، ئه‌ده‌بیات، پیرۆزی و شانازی، كه‌سه‌ری شاعیران، خانی و حاجی و هێمن، ڕۆشه‌نگه‌ر ڕۆشه‌نگه‌ریی نوخبه‌، ڕۆشه‌نگه‌ر و  ڕۆشه‌نگه‌ریی، ئایین و پێناسه‌ی ڕۆشه‌نگه‌ر، خۆیی بوون، كورد- پارس، ڕۆشه‌نگه‌ر و مێژوو، ڕۆشه‌نگه‌ركوژیی سانترالیزه‌كردن، حاجی، خانی و خودا، ڕۆشه‌نگه‌ری ناو ئه‌فسانه‌كان، ڕۆشه‌نگه‌ری سیما خۆشكێن ، ڕۆشه‌نگه‌ر و ناسنامه‌ی ونبوو، جه‌غزه‌كان، بیره‌وه‌رییه‌كان، كه‌سایه‌تی چه‌ند پارچه‌، كوردستان و ده‌ریا!، ژێرخانی بنكۆڵكراو، خوداكان، پارسه‌كان، فه‌لسه‌فه‌، فه‌لسه‌فه‌بافی، دین، دیكتاتوری نه‌رم، دین ده‌وڵه‌ت، سیاسه‌ست، سیاسه‌ت و ئێرانی تۆتالیتێر، سیاسه‌ت و ئایین و دیكتاتۆری ئێران، دایك و بابی سیاسه‌ت،  كۆمه‌ڵگای ئایینی و سیاسه‌ت، كه‌سایه‌تی، كورد و سیاسه‌تی گه‌ڕانه‌وه‌، پرسیاری گرنگ"كتێبه‌كه‌ ده‌كرێ له‌ ڕێگای ئه‌م ئادره‌سه‌وه‌ داوا بكرێ [email protected]  . ٣٠% سی له‌ سه‌دی فرۆشی كتێبه‌كه‌ بۆ منداڵانی بێ سه‌رپه‌ره‌ستی ڕۆژهه‌ڵاتی كوردستان ته‌رخان ده‌كرێ و سی له‌ سه‌د ده‌درێته‌ ئه‌و ناوه‌ندانه‌ی كتێبه‌كه‌ ده‌فرۆشن. كتێبه‌كه‌ له‌ ڕێگای پۆسته‌وه‌ بۆ داواكار ده‌نێدرێ و بایی ١٠ ئۆیڕۆیه‌.

برایم فه‌ڕشی

PUKmedia


وێنە هەواڵ
  • image04
  • كوتان دژی نه‌خۆشی ئیفلیجی منداڵان ده‌ستپێده‌كات

  • image04
  • رانیه‌.. شه‌شه‌مین فیستیڤاڵی كه‌لتوره‌ جیاوازه‌كان به‌ڕێوه‌چوو

  • image04
  • خوێندنگه‌ی بڕیاری شه‌هید ئاسۆ.. زه‌نگی خوێندن لێدرا

  • image04
  • ئه‌ڵمانیا پشت به‌ ڕاهێنه‌رێكی كورد ده‌به‌ستێت

  • image04
  • هاوردە كردنی هەنگوین قەدەغە دەكرێت

  • image04
  • كۆبوونه‌وه‌ی وه‌فدی باڵای عیراق و ئه‌نجومه‌نی وه‌زیرانی هه‌رێم

  • image04
  • عومەری سەید عەلی بە ڕێکخەری گشتی بزوتنەوەی گۆڕان هەڵبژێردرایەوە

  • image04
  • 28 ساڵ خزمه‌تی بێ دابڕان


                                           

كۆمیتەی فینلاند كۆدەبێتەوە


رۆژی 20-9-2019،  لە شاری ئێسپۆی  فینلاند كۆونەوەی دەستەی كۆمیتەی رێكخستنی یەكێتیی نیشتیمانیی كوردستان، بەسەرپەرشتی جەبار جومعە لێپرسراوی كۆمیتە بەرێوەچوو.

...


  گه‌نجێكی كورد له‌به‌ریتانیا ده‌كوژرێت
  ئوسترالیا.. كه‌رتی ڕێكخستنی له‌ كوینزلاند كۆبووه‌وه‌
                                           

لەهەرێم رێژەی هەژاری بۆ 5.5%و بێكاری بۆ 9% دابەزیوە


حاڵەتە دەدەن، ئەگەر حكومەتیش هەرێمیش هەست بكات غەدر دەكرێت لە دانیشتووانی كوردی ناوچە دابڕێنراوەكان‌و لەپێش پڕۆسەی سەرژمێری دۆخی ئەو ناوچانە ئاسایی...


  لەیلا زەریا ئەلبومێكی 14 تراكی بڵاودەكاتەوە
   قادر عه‌زیز: به‌ستنی كۆنگره‌یه‌كی سه‌ركه‌وتوو
                                           

گه‌رمیان.. ده‌رگای خوێندن به‌ڕووی 80 هه‌زار خوێندكار ده‌كرێته‌وه‌

ئه‌مڕۆ 21ی ئه‌یلولی 2019 به‌ئاماده‌بوونی سه‌رپه‌رشتیاری ئیداره‌ی گه‌رمیان و به‌ڕێوه‌به‌ری گشتی په‌روه‌رده‌ی گه‌ر...


  گه‌شتێك به‌ناو ئه‌كادیمیای تۆپی پێی سلێمانی
  دیموكراسی تونس تاقانەیە‌‌


کاریکاتێر