PUKmedia یەکێتیی نیشتمانیی کوردستان

نوێترین کتێب


كاره‌ساتی حه‌ڤده‌ شه‌هیده‌كه‌ی قڕگه‌

ڕۆژی سێشه‌ممه‌ 28-6-1983 چه‌ند مه‌فره‌زه‌یه‌ك له‌ مه‌ڵبه‌ندی یه‌كی سنووری شارباژێڕ به‌ره‌و گوندی وێڵه‌یه‌ر به‌رێ ده‌كه‌ون و سه‌عات سێی پاشنیوه‌ڕۆ ده‌گه‌نه‌ ئه‌و شوێنه‌.

به‌سه‌رپه‌رشتی شه‌هید شێخ حسێنه‌سوور و شه‌هید عه‌بدولڕه‌حمانی حه‌مه‌ی فه‌ره‌ج هاتنه‌ گوندی قڕگه‌، 85 پێشمه‌رگه‌ بۆ چالاكی به‌شدار بوون بۆ ئه‌وه‌ی گورزێك له‌ پیاوانی به‌عس بوه‌شێنن.

له‌گوندی قڕگه‌ پێشمه‌رگه‌كان له‌نیوه‌شه‌ودا به‌ دوو ته‌راكتۆر كه‌ بۆ گه‌ڕانه‌وه‌یان ئاماده‌كرابوون ده‌كه‌ونه‌ ڕێ، مه‌فره‌زه‌كه‌ی شێخ حسێن و چه‌ند پێشمه‌رگه‌یه‌كی تر به‌ دووری 700 مه‌تر له‌ گونده‌كه‌ كه‌وتنه‌ كه‌مینی جاشه‌كانی مه‌فره‌زه‌ خاسه‌ و تا به‌ره‌به‌یان شه‌ڕ ده‌بێت. له‌و شه‌ڕه‌دا 16 پێشمه‌رگه‌ و شۆفێری ته‌راكتۆره‌كه‌ شه‌هیدبوون، سێ پێشمه‌رگه‌ به‌ برینداری ڕزگاریان ده‌بێت و دوو پێشمه‌رگه‌ش به‌ برینداری ده‌ست جاشه‌كان ده‌كه‌ون كه‌ دواتر به‌ لێبوردن له‌ ساڵی 1984 ئازاد ده‌كرێن.

34 پێشمه‌رگه‌ی تراكتۆری دووه‌میش هه‌ریه‌كه‌و به‌لایه‌كدا هه‌وڵی خۆڕزگاركردنیان دابوو.

ئه‌م كتێبه‌ له‌چه‌ند به‌ش پێكدێت له‌ به‌شی یه‌كه‌مدا ژیاننامه‌ و بیره‌وه‌ری حه‌ڤده‌ گۆڵاڵه‌ سووره‌كه‌ی قڕگه‌ له‌خۆ ده‌گرێت كه‌ تێدا باس له‌ ژیان و به‌سه‌رهاتی ئه‌و حه‌ڤده‌ شه‌هیده‌یه‌.هه‌ر له‌و به‌شه‌ شێركۆ بێكه‌سی شاعیر، شیعرێكی بۆ حه‌ڤده‌ شه‌هیده‌ نووسیوه‌.

به‌شێكی تری ئه‌و كتێبه‌ بۆ شایه‌تحاڵه‌كانی ناگوندی قڕگه‌ ته‌رخان كراوه‌، له‌م به‌شه‌دا شایه‌تحاڵه‌كان باس له‌چۆنێتی كاره‌ساته‌كه‌ ده‌كه‌ن و ده‌یگێڕنه‌وه‌.
به‌شی دووه‌می كتێبه‌كه‌ تایبه‌ته‌ به‌ ڕزگاربوانی كاره‌ساته‌، ئه‌وانیش كاره‌ساته‌ وه‌ك چۆن ڕوویداوه‌ ده‌گێڕنه‌وه‌.

به‌شی سێیه‌می كتێبه‌كه‌ بۆ شایه‌تحاڵه‌كاتی ته‌راكتۆری دووه‌م ته‌رخان كراوه‌ كه‌ ئه‌وانیش باس له‌ ئازایه‌تی و قاره‌مانتێی پێشمه‌رگه‌ ده‌كه‌ن.
له‌م كتێبه‌دا چه‌ندین وێنه‌ خراونه‌ته‌ڕوو.

گوندی قڕگه‌

گوندی قڕگه‌ سێجار له‌سێ شوێنی جیاواز دروستكراوه‌ كه‌ هه‌رجارێك كاولبووه‌. له‌ئێستادا قڕگه‌ تێكه‌ڵ به‌ شاری سلێمانی بووه‌ و بووه‌ به‌ گه‌ڕه‌كێك له‌و شاره‌.

قڕگه‌، یان قوڕگه‌، قڕانی گا، قه‌راڵگه‌، قوڕگه‌ڕی، چه‌ند ناوێكی هه‌یه‌، قڕگه‌ كه‌وتۆته‌ بناری چیای گوێژه‌ له‌ باكووری خۆرهه‌ڵاتی سلێمانی له‌ئێستا تێكه‌ڵی شاره‌كه‌ بووه‌ و بووه‌ به‌ گه‌ڕه‌كێكی سلێمانی. له‌ باكووری گوندی قڕگه‌ زه‌نجیره‌ چیای ئه‌زمه‌ڕ و گوێژه‌ و پاناوك و بێرێ و پاڵی حه‌مه‌ خۆشناو و قوته‌ی مه‌حمودخانی دزلی، 1600 مه‌تر به‌رزه‌ له‌ ده‌ریاوه‌.

پێشتر له‌ ڕووی كارگێڕییه‌وه‌ سه‌ر به‌ ناحیه‌ی عه‌ره‌ب بووه‌ و پێش خاپووركردنی له‌ساڵی 1985 نزیكه‌ی 180 ماڵی تێدا بووه‌ و ژماره‌ی دانیشتوانه‌كه‌ی 1000 كه‌س بوون.

قڕگه‌ ته‌نها گوندێك نه‌بووه‌ له‌ قه‌دپاڵی شاخێك، به‌ڵكوو قوتابخانه‌ی بیری گه‌شی شۆڕشگێڕی و چینایه‌تی و هزری مرۆیی و پێشكه‌وتنخوازیش بووه‌ و لانه‌ی ڕابوون و به‌رخودان و بێشه‌ی دلێرانی بیرو بازوو بووه‌ و هه‌موو حزب و لایه‌نه‌كان قه‌زرداری گوندی قڕگه‌ن.

ناوی كتێب/ كاره‌ساتی حه‌ڤده‌ شه‌هیده‌كه‌ی قڕگه‌

ناوی نووسه‌ر/ ئاوات ئه‌بوبكر ئه‌حمه‌د

بابه‌ت/ بیره‌وه‌ری و ڕووداوی واقعیی مێژوویی

چاپ یه‌كه‌م/ ساڵی 2018 سلێمانی

تیراژ/ 1000 دانه‌

چاپخانه‌/ چاپ و په‌خشی حه‌مدی

له‌سه‌ر ئه‌ركی  مه‌كته‌بی ئیداره‌ و دارایی یه‌كێتیی نیشتمانیی كوردستان چاپكراوه‌.

PUKmedia

 

 

 


وێنە هەواڵ
  • image04
  • ئه‌ڵمانیا پشت به‌ ڕاهێنه‌رێكی كورد ده‌به‌ستێت

  • image04
  • هاوردە كردنی هەنگوین قەدەغە دەكرێت

  • image04
  • كۆبوونه‌وه‌ی وه‌فدی باڵای عیراق و ئه‌نجومه‌نی وه‌زیرانی هه‌رێم

  • image04
  • عومەری سەید عەلی بە ڕێکخەری گشتی بزوتنەوەی گۆڕان هەڵبژێردرایەوە

  • image04
  • 28 ساڵ خزمه‌تی بێ دابڕان

  • image04
  • 11ی سێپته‌مبه‌ر.. سه‌ره‌تاییه‌ك بۆ یه‌كهه‌ڵوێستی جیهان دژی تیرۆر

  • image04
  • سه‌رۆكایه‌تی په‌رله‌مان له‌گه‌ڵ یه‌كێتی كۆده‌بنه‌وه‌

  • image04
  • .


                                           

گه‌نجێكی كورد له‌به‌ریتانیا ده‌كوژرێت


پێشنیوه‌ڕۆی دوێنێ دووشه‌ممه‌ 16/9/2019 له‌ وڵاتی به‌ریتانیا گه‌نجێكی كورد ده‌كه‌وێته‌ بۆسه‌ی گروپێكی مافیاوه‌و به‌شێوه‌یه&...


  ئوسترالیا.. كه‌رتی ڕێكخستنی له‌ كوینزلاند كۆبووه‌وه‌
  دانیمارك.. یادی شه‌هید دكتۆر سادقی شه‌ره‌ف كه‌ندی ده‌كرێته‌وه‌
                                           

لەهەرێم رێژەی هەژاری بۆ 5.5%و بێكاری بۆ 9% دابەزیوە


حاڵەتە دەدەن، ئەگەر حكومەتیش هەرێمیش هەست بكات غەدر دەكرێت لە دانیشتووانی كوردی ناوچە دابڕێنراوەكان‌و لەپێش پڕۆسەی سەرژمێری دۆخی ئەو ناوچانە ئاسایی...


  لەیلا زەریا ئەلبومێكی 14 تراكی بڵاودەكاتەوە
   قادر عه‌زیز: به‌ستنی كۆنگره‌یه‌كی سه‌ركه‌وتوو
                                           

گه‌شتێك به‌ناو ئه‌كادیمیای تۆپی پێی سلێمانی

له‌ ته‌نیشت یاریگای وه‌رزشی یانه‌ی سلێمانی ناسراو به‌ ( مه‌لعه‌به‌كه‌) له‌ گه‌ڕه‌كی چوارباخ كه‌ یه‌كێكه‌ له&zwnj...


  دیموكراسی تونس تاقانەیە‌‌
   دوورخستنه‌وه‌ی بۆڵتۆن دوورخستنه‌وه‌ی جه‌نگه‌


کاریکاتێر