PUKmedia یەکێتیی نیشتمانیی کوردستان

نوێترین کتێب


جیلوه‌كه‌ی عیشقه‌كه‌ی مه‌ولانا و شه‌مس

مه‌ولانا ده‌ڵێت: عیشق ، فڕینه‌ بۆ ئاسمان، دڕاندنی سه‌ت په‌رده‌یه‌، هه‌مان سات و هه‌مان زه‌مان.

ڕابیعه‌ی عه‌ده‌وی ده‌ڵێت: خودایه‌، من نه‌ له‌ترسی دۆزه‌خه‌كه‌ت، نه‌ بۆ خۆشی به‌هه‌شته‌كه‌ت ده‌گریم، گریانی من، هه‌ر به‌ ته‌نیا بۆ خۆم و عیشقه‌كه‌ی تۆیه‌.

عیشق نه‌ حه‌زه‌ و نه‌ ئاره‌زوو، نه‌په‌یوه‌ندییه‌كه‌ بۆ شكاندنی تاسه‌ و تێركردنی خواست و خولیاكانی جه‌سته‌ و ڕووح، به‌ڵكوو عیشق چه‌مكێكی قووڵی فه‌لسه‌فی و ڕووحییه‌.

عیشق له‌ چه‌مكی عیرفانیدا كان و سه‌رچاوه‌ی تیشكدان و گڕپژێنه‌.

شه‌مس كێ و له‌كوێوه‌ هات و ئه‌وداڵی چی بووه‌ ؟

شه‌مسه‌دین محه‌مه‌د عه‌لی مولكداد (1185-1248) له‌شاری ته‌ورێز له‌ دایكبووه‌ و له‌سه‌ر شوێن و جێگای مردنیشی ڕاوبۆچوونی جیاواز هه‌یه‌، هه‌ندێك لایان وایه‌ كه‌ شه‌مس له‌ دۆخێكی نادیاردا نه‌ماوه‌ و هیچ ئاسه‌وارێكی جێنه‌هێشتووه‌ و هه‌ندێكیش پێیان وایه‌ كه‌ شه‌مس به‌ ده‌ستی نه‌یاره‌كانی تیرۆر كراوه‌ و گۆڕ بزر بووه‌، هه‌ندێك تریش ده‌ڵێن له‌ساڵی 1284 له‌ شاری " خۆی" یه‌كێك له‌ شاره‌كانی پارێزگای ورمێ كۆچی كردووه‌ و هه‌ر له‌وشاره‌ش نێژراوه‌، له‌ڕاستیدا مه‌زارێك له‌ شاری خۆی هه‌ر به‌و ناوه‌ هه‌یه‌.

باس كردن له‌باره‌ی هه‌ڕه‌تی منداڵی و مێرمنداڵی و گه‌نجی شه‌مس كارێكی ئاسان نییه‌، به‌ڵام ده‌وترێت هه‌ر له‌ منداڵییه‌وه‌ شه‌مس خاوه‌نی توانایه‌كی ڕوحی سه‌یر بووه‌.

له‌وباره‌یه‌وه‌ شه‌مس ده‌ڵێت: له‌سه‌رده‌می منداڵیدا ئیشتیا و ئاره‌زووی خواردنم نه‌بووه‌، به‌سێ و چوار ڕۆژان تێپه‌ڕیون و من تامی شتێكم نه‌كردووه‌، باوكم گوویه‌تی چ خه‌مبارم، كوڕه‌كه‌م، چه‌ند ڕۆژێكه‌ وه‌ك ڕووژوه‌وان شتێكی نه‌خواردووه‌، من پێم گوتووه‌ بابه‌، من پێویستم به‌ خۆراك نییه‌، من نه‌ك هه‌ر برسی و لاواز نیم بگره‌ هێنده‌ به‌هێزم. ده‌توانم له‌و په‌نجه‌ره‌یه‌وه‌ له‌ شه‌قه‌ی باڵ بده‌م.

شه‌مس، هه‌ستی به‌ غوربه‌ت ودوور په‌رێزی له‌ هه‌موو كه‌س كردووه‌ هه‌تا باوكیشی، ئه‌وپێی وابووه‌ كه‌ هێلكه‌ مراوییه‌ و له‌ژێر مریشكیان ناوه‌.

شه‌مس له‌باره‌وه‌ باوكییه‌وه‌ ده‌ڵێت: باوكم هه‌رگیز له‌ من تێنه‌ده‌گه‌یشت و من له‌ شار و باوكی خۆم نامۆ و غه‌ریب بووم، باوكم هه‌رچی سۆز و خۆشه‌ویستیه‌كی پێده‌دام، من زیاتر لێی ده‌ترسام و پێم وابوو لێم ده‌دا و له‌ماڵێ ده‌رم ده‌كات.

ڕووحی شه‌مس دوور له‌ باوك و شاره‌كه‌ی هه‌میشه‌ دووی شتێكی دیكه‌ وێڵ بوو، ڕووحێكی بزێوی هه‌بوو.

شه‌مس زانسته‌كانی كیمیا و فه‌له‌ك و ئه‌ستێره‌ ناسی، لۆجێك و مه‌نتیق، كه‌لام و فه‌لسه‌فه‌ی زانیوه‌ و دوای گه‌یشتنی به‌ مه‌ولانا هه‌موو ئه‌و زانستانه‌ی شاردۆته‌وه‌.

شه‌مس له‌ گه‌وره‌ترین سۆفییه‌كانی جیهان و له‌ یاخییه‌ك بووه‌ له‌ یاخییه‌كانی جیهان.

شه‌مس توانی جێگوڕكێی نێوان قورئان و وتار و مزگه‌وت و سه‌ماگه‌ و رووح و جه‌سته‌ی ڕۆمیدا پێكدێنێت. مه‌ولاناش جیلوه‌ی نووری ڕژاوی شه‌مس ده‌بینێ كه‌ له‌دڵیدا شه‌پۆلان ده‌دات و وجودی ده‌سووتێنێت.

شه‌مس تێگه‌یشتنێكی قوڵی بۆ عه‌شق و ئه‌وینی خودایی هه‌بووه‌ ئه‌و پێی وابووه‌ هه‌تا پله‌ی عیشقی مرۆڤ بۆ حه‌قیقه‌ت و ناسینی خالیق ڕوو له‌ باڵا بێت، ئه‌و پێی وایه‌ كه‌ خۆشه‌ویستی به‌رهه‌می مه‌عریفه‌یه‌ و ئه‌وی كه‌ خودا خۆشی ناوێت كه‌سێكه‌ خودا ناناسێت و هیچ مه‌عریفه‌یه‌كی له‌مه‌ڕ حه‌ق نییه‌.

ناوی كتێب/ جیلوه‌ی عیشقه‌كه‌ی مه‌ولانا و شه‌مس

ناوی نووسه‌ر/ پشكۆ نه‌جمه‌دین

بابه‌ت/ لێكۆڵینه‌وه‌ و شیعر

به‌رگ ودیزاین / ئه‌رده‌ڵان هه‌ڵه‌بجه‌یی

نۆبه‌تی چاپ/ چاپی یه‌كه‌م ساڵی2018

چاپخانه‌/ چوارچرا

تیراژ/ 1000 دانه‌

نرخ/ 4000 دینار

PUKmedia ناساندن/ جه‌واد حه‌یده‌ری


وێنە هەواڵ
  • image04
  • سه‌رۆك كۆمار له‌ناو خه‌ڵكی موسڵ

  • image04
  • مەكتەبی سیاسی لەحزوری شەهیدانی هەڵەبجەدا دەوەستێت

  • image04
  • 16-3/ رۆژێكی ره‌ش له‌مێژووی كورددا

  • image04
  • هه‌ڵه‌بجه‌.. په‌رده‌ له‌سه‌ر دیواربه‌ندی عومه‌ری خاوه‌ر لادرا

  • image04
  • گه‌نجانی كورد له‌هێزی فڕۆكه‌وانی عیراق خاوه‌ن ماڵن نه‌ك میوان

  • image04
  • وێنه‌ی یه‌كێك له‌هێرشكه‌ره‌كانی نیـوزلــه‌ندا

  • image04
  • گەشەسەندنی تەکنەلۆژیا لە ڕۆژگاری ئەمڕۆماندا!!

  • image04
  • ده‌ستگیركردنی باندی دزینی مووچه‌ی نه‌خۆشخانه‌ی شار


                                           

له‌به‌ریتانیا تاجه‌گوڵینه‌ بۆ قوربانیانی هه‌ڵه‌بجه‌ داده‌نرێت


كاروان جه‌مال تاهیر نوێنه‌ری حكومه‌تی هه‌رێمی كوردستان، له‌شاری (پۆرتسمس) له‌به‌ریتانیا سه‌ردانی (باخچه‌ی هه‌ڵه‌بجه‌)ی كردو تاج...


  ئاگری نه‌ورۆز له‌ئه‌ڵمانیا كرایه‌وه‌
  پاریس.. هونه‌رمه‌ندێكی كورد پێشانگایه‌ك ده‌كاته‌وه‌
                                           

مەحوی فێرگەیەک بۆ پێگەیاندنی بەهرەکان


فێرگەی موزیکی مەحوی، فێرگەیەکە بۆ پێگەیاندن و فێرکردنی هەموو ئەو فێرخوازانەی حەز و خولیای فێربونی موزیک و ئامێرە سونەتییەکانیان هەیە لە هەموو تەمەنە جیاوازەکان لە پایتەختی ڕۆشنبیری و لەم ...


  دیبەیتی ئالان تۆرێن و مەلا بەختیار
  دوای 11 ساڵ رۆژنامه‌نوسێكی كوردێك دیدار له‌گه‌ڵ بێشله‌ر ئه‌نجامده‌دات
                                           

نه‌ورۆزی 1979 له‌دایك بوونی رادیۆیه‌ك دنیایی هه‌ژاند

40ساڵه‌ ئێزگه‌ی ده‌نگی گه‌لی كوردستان، ده‌نگی كۆمه‌ڵانی خه‌ڵكی كوردستانه‌
له‌دامه‌زراندنی (ی.ن.ك) ه&zwn...


  نه‌ته‌وه‌كانی دیكه‌ش جل و به‌رگی كوردی ده‌پۆشن
  ئێزگەی دەنگی گەلی كوردستان یادی 40 ساڵەی دەكاتەوە


کاریکاتێر