PUKmedia یەکێتیی نیشتمانیی کوردستان

نوێترین کتێب


ده‌روازه‌ی عیشقی مه‌ولانا

له‌ڕێبازی سۆفیزمدا ڕه‌نگه‌ زوهد خه‌سڵه‌تێكی بنه‌ڕه‌تی خواپه‌رستی بێت كه‌ له‌شێوه‌ و شێوازه‌كانی دیكه‌ی خواپه‌رستی جودا بكاته‌وه‌. زوهد به‌ مانای خه‌ڵوه‌تكێشان و ته‌ریك كه‌وتن و دابڕان و خۆبرسیكردن و جێهێشتنی ته‌واوی خۆشی وچێژه‌ دنیاییه‌كان و ده‌ستبه‌رداربوونیان و مه‌ست بوون له‌ زیكری خوا له‌ پێناو گه‌یشتن به‌ نووری هه‌ق و ئاوێته‌بوون و توانه‌وه‌ له‌ زانی خودا بێت.

نووسه‌ر له‌م كتێبه‌دا باس له‌وه‌ ده‌كات كه‌ به‌ لای سۆفیزمه‌كانه‌وه‌ زوهد به‌ مانای پشتگوێ خستنی عه‌قڵ و فه‌لسه‌فه‌یه‌ و كاركردن له‌ قوڵایی دڵ و هه‌سته‌.
ئاماژه‌ به‌وه‌ كراوه‌ كه‌ مه‌ولانای ڕۆمی( جه‌لاله‌دینی ڕۆمی) به‌ پێچه‌وانه‌ی به‌شێك له‌ سۆفییه‌ ناوداره‌كان كه‌ بۆ گه‌یشتن له‌ بوون و جیهان له‌ ده‌ریای فه‌لسه‌فه‌دا نوقم بوون، ئه‌و هه‌میشه‌ له‌ ناخی دڵ و له‌به‌ر ڕۆشنایی تیشكی دڵ و نوورێك، خواپه‌رستی  و زوهدی ئه‌نجامداوه‌.

نووسه‌ر له‌م كتێبه‌دا باس له‌وه‌ ده‌كات كه‌ سۆفیزم له‌ ئیسلامدا ئه‌گه‌ر ڕیشه‌ی له‌گه‌ڵ ده‌ره‌وه‌ی خۆیدا هه‌بی كه‌ هه‌یه‌تی له‌ له‌سه‌ره‌تای بنجداكوتانی بزوتنه‌وه‌ی ئیسلام و جێكه‌وتنی ده‌سه‌ڵاتی ئایینی و ده‌ستپێكردنی فتوحانی ئیسلامی ده‌ركه‌وتووه‌ و ده‌شنووسێت كه‌ زولم و سته‌مێك كه‌ ده‌سه‌ڵاتی ئایینی له‌ نیمچه‌دووڕگه‌ی عه‌ره‌بی دژ به‌خێڵ و گروپه‌ نائیسلامییه‌كان و ئه‌وانه‌ی كه‌ شوێنكه‌وتووی ئایینێكی دیكه‌ بوون ئه‌نجامیدا كوشت و كوشتار و گه‌له‌كوژییه‌ك له‌ پڕۆسه‌ی فتوحات و داگیركاری میلله‌تانی ناعه‌ره‌بدا به‌ ده‌ستی سه‌ركرده‌ ئیسلامییه‌كان ڕوویان داوه‌ و ئه‌مه‌ش وای كردووه‌ كه‌ له‌لایه‌ن ڕوحییه‌كه‌ی ئیسلام لێڵ بێت و ئیدی موسڵمانانی ڕاسته‌قینه‌ و خواویست به‌و ئه‌نجامه‌ بگه‌ن كه‌ ده‌سه‌ڵاتی ئیسلام جگه‌ له‌ به‌رژه‌وه‌ندی ده‌سه‌ڵاتداران و خه‌لیفه‌ و بنه‌ماڵه‌كانیان شتێكی تری له‌به‌ر چاو ناگرێت.

نووسه‌ر مه‌به‌ست له‌ سۆفیزم ده‌خاته‌ڕوو و نووسیویه‌تی، له‌ڕاستیدا سۆفیزم هه‌وڵی زیندووكردنه‌وه‌ی لایه‌نه‌ ڕوحییه‌كه‌ی ئیسلام و گرتنه‌به‌ری ڕێبازێكه‌ له‌ ته‌قوا و زوهد و خواپه‌رستی نه‌ به‌رژه‌وه‌ندی مادی و خۆشییه‌كانی ژیان و هیچ پاداشتێكی ئه‌و دنیاش جگه‌ له‌ سووتان له‌ عه‌شقی خودا و هه‌وڵدان بۆ فه‌نابوون له‌ ئه‌وینی خالقدا هیچی تر ناناسێت.

نووسه‌ر پێی وایه‌ سۆفیزم پڕۆسه‌یه‌كی خواناسییه‌ بۆ ناسین و تێگه‌یشتنی گه‌وره‌یی و میهره‌بانی و دڵئاوه‌لایی خوای خالیق و سڕینه‌وه‌ی خه‌سڵه‌ته‌كانی ترس و تۆقاندن له‌ دڵی مه‌خلوقی باوه‌ڕدار، به‌ واته‌یه‌كی تر ئه‌مه‌ ڕێبازێكه‌ بۆ جێگوڕكێی ماناكانی ترس له‌ خوا و غه‌زه‌بی خوا به‌ عاشقبوونی جوانییه‌كان و دڵۆڤانییه‌كانی خودا و سڕینه‌وه‌كانی مه‌وداكانی نێوان خالق و مه‌خلوق و توانه‌وه‌ له‌ ڕوحی یه‌كتردا. ئه‌وه‌ ئه‌و زوهده‌یه‌ كه‌ سۆفی سه‌رخۆش ده‌كات و پله‌پله‌ پێگه‌ی ئه‌و له‌ پڕۆسه‌ی توانه‌وه‌ له‌ عیشقی پاشای خۆیدا باڵا ده‌كات.

له‌به‌شێكی تری كتێبه‌كه‌یدا نووسه‌ر باس له‌وه‌ ده‌كات كه‌ سۆفییه‌كان نه‌ ڕیا ده‌كه‌ن و نه‌ ڕیاكاری له‌پێناو گه‌یشتن به‌ خۆشه‌ویستی خوا. ئه‌وان له‌پێناو خۆشه‌ویستی خوا پشت له‌ هه‌موو خۆشییه‌كانی ژیان ده‌كه‌ن و به‌ هیوای چوون بۆ به‌هه‌شت و پاداشه‌كانی قیامه‌ت هه‌وڵناده‌ن، به‌ڵكوو ته‌نها بۆ گه‌یشتن به‌ خۆشه‌ویستی خوا هه‌وڵده‌ده‌ن و ئه‌وان مردن به‌ سه‌فه‌ری ویسال بۆ گه‌یشتن به‌ خوا ده‌زانن و پێیانوایه‌ ئه‌گه‌ر له‌ پێناو خوادا بتوێنه‌وه‌ ئه‌وه‌ ده‌بن به‌ یه‌ك و ئیدی پاداشه‌كان هیچ مانایه‌كیان نامێنێت.

له‌باره‌ی مێژووی سه‌رهه‌ڵدانی سۆفیزمی ئیسلامی و تایبه‌تمه‌ندی و ڕه‌گه‌ز و پێكهاته‌كانی ڕاو بۆچوونی جیاواز هه‌یه‌، به‌ڕای ڕیچارد هارتمان و ماكس هورتن سۆفیزمی ئیسلامی و ڕه‌گه‌ز و پێكهاته‌كانی له‌ فیكری هیندۆنیزمه‌وه‌ وه‌رگیراوه‌، پێی وایه‌ كه‌ سۆفیزمی ئیسلامی له‌ سه‌ده‌ی سێی كۆچی سه‌ریهه‌ڵداوه‌ و لێوانلێوه‌ له‌ فیكری هیندۆییزم.

ماكس هورتن به‌ڵگه‌ دێنێته‌وه‌ كه‌ زۆرینه‌ی سۆفییه‌ گه‌وره‌كانی ئیسلامی له‌بنه‌چه‌دا عه‌ره‌ب نین بۆ نموونه‌ ئیبراهیمی ئه‌دهه‌م، بایه‌زیدی بوستامی، یه‌حیا بن معازی ئه‌لرازی و ... هتد. ئه‌و پێی وایه‌ سۆفیزم له‌ ده‌ستپێكدا له‌ خۆراسان ده‌ركه‌وتووه‌ و بڵاو بۆته‌وه‌. موسڵمانه‌كانیش خۆیان دانیان به‌وه‌داناووه‌ و كاریگه‌ری هیندۆنیزمیان له‌سه‌ره‌.

زوهدی ئیسلامی سه‌ره‌تا شێواز و گیانێكی هیندی تێدایه‌ و له‌بنه‌ڕه‌تدا بیرۆكه‌یه‌كی هیندییه‌.

ماسنیۆن زانای فه‌ره‌نسی پێی وایه‌ كه‌ سه‌رچاوه‌ی تێرمه‌كانی سۆفیزم چوارن.

1-    قورئانه‌ و ئه‌میش گرنگترینه‌

2-    زانسته‌ عه‌ره‌بییه‌ ئیسلامییه‌كان ( حه‌دیس و نه‌حو و فیقهه‌)

3-    تێرمه‌كانی ئاخێوه‌رانی سه‌ره‌تا

4-    زمانی زانستێك له‌ڕۆژهه‌ڵاتدا و له‌شه‌ش سه‌ده‌ی سه‌ره‌تای كریستانیزم له‌ زمانه‌كانی یۆنانی و فارسی پێكهاتووه‌ و بووه‌ به‌ زمانی زانست و فه‌لسه‌فه‌.

له‌به‌شێكی تری ئه‌م كتێبه‌دا نووسه‌ر گوڵچینێمی له‌ شیعر و حیكمه‌ته‌كانی مه‌ولانا جه‌لاله‌دینی ڕۆمی خستۆته‌ڕوو ، ئه‌مه‌ش چه‌ند نموونه‌یه‌ك له‌ حیكمه‌ته‌كانی مه‌ولانای ڕۆمی:

(1)


تۆ كه‌ به‌ دوو باڵه‌وه‌ خولقێنراویت
چما پێتخۆشه‌ به‌ گاگۆڵكێ، ژیان بگوزه‌رێنیت.

(2)

تۆ  تنۆكێك نیت له‌ ده‌ریا
زه‌یایه‌كی هه‌ڵكشاویت له‌ دڵۆپێك

(3)

هه‌تا نزیكتر ببییه‌وه‌،
تێده‌گه‌یت من چه‌ند دوورم.

(4)

بۆ ئه‌وه‌ی فێری په‌یڤین ببین
ماوه‌یه‌ك له‌ بێده‌نگیمان گه‌ره‌كه‌.


ناوی كتێب/ ده‌روازه‌ی عیشقی مه‌ولانا

ناوی نووسه‌ر/ پشكۆ نه‌جمه‌دین

بابه‌ت/ لێكۆڵینه‌وه‌

به‌رگ و دیزاین/ ئه‌رده‌ڵان هه‌ڵه‌بجه‌یی

نۆبه‌تی چاپ/ چاپی یه‌كه‌م 2017

چاپخانه‌/ چوارچرا

تیراژ/ 1000 دانه‌

نرخ/ 4000 دینار

( مافی ئه‌م كتێبه‌ پارێزراوه‌، به‌بێ ڕه‌زامه‌ندی نووسه‌ر، هیچ لایه‌نێك ڕێگه‌پێدراو نییه‌ بۆ له‌به‌ر گرتنه‌وه‌ی ئه‌م كتێبه‌، جا ئه‌گه‌ر به‌شێوه‌یه‌كی ئه‌ڵكترۆنی، كاغه‌زی، وێنه‌یی، ده‌نگی، یان هه‌ر شێوازێكی تری له‌به‌رگرتنه‌وه‌ بێت)

PUKmedia ناساندن جه‌واد حه‌یده‌ری


وێنە هەواڵ
  • image04
  • سه‌رۆك كۆمار له‌ناو خه‌ڵكی موسڵ

  • image04
  • مەكتەبی سیاسی لەحزوری شەهیدانی هەڵەبجەدا دەوەستێت

  • image04
  • 16-3/ رۆژێكی ره‌ش له‌مێژووی كورددا

  • image04
  • هه‌ڵه‌بجه‌.. په‌رده‌ له‌سه‌ر دیواربه‌ندی عومه‌ری خاوه‌ر لادرا

  • image04
  • گه‌نجانی كورد له‌هێزی فڕۆكه‌وانی عیراق خاوه‌ن ماڵن نه‌ك میوان

  • image04
  • وێنه‌ی یه‌كێك له‌هێرشكه‌ره‌كانی نیـوزلــه‌ندا

  • image04
  • گەشەسەندنی تەکنەلۆژیا لە ڕۆژگاری ئەمڕۆماندا!!

  • image04
  • ده‌ستگیركردنی باندی دزینی مووچه‌ی نه‌خۆشخانه‌ی شار


                                           

له‌به‌ریتانیا تاجه‌گوڵینه‌ بۆ قوربانیانی هه‌ڵه‌بجه‌ داده‌نرێت


كاروان جه‌مال تاهیر نوێنه‌ری حكومه‌تی هه‌رێمی كوردستان، له‌شاری (پۆرتسمس) له‌به‌ریتانیا سه‌ردانی (باخچه‌ی هه‌ڵه‌بجه‌)ی كردو تاج...


  ئاگری نه‌ورۆز له‌ئه‌ڵمانیا كرایه‌وه‌
  پاریس.. هونه‌رمه‌ندێكی كورد پێشانگایه‌ك ده‌كاته‌وه‌
                                           

مەحوی فێرگەیەک بۆ پێگەیاندنی بەهرەکان


فێرگەی موزیکی مەحوی، فێرگەیەکە بۆ پێگەیاندن و فێرکردنی هەموو ئەو فێرخوازانەی حەز و خولیای فێربونی موزیک و ئامێرە سونەتییەکانیان هەیە لە هەموو تەمەنە جیاوازەکان لە پایتەختی ڕۆشنبیری و لەم ...


  دیبەیتی ئالان تۆرێن و مەلا بەختیار
  دوای 11 ساڵ رۆژنامه‌نوسێكی كوردێك دیدار له‌گه‌ڵ بێشله‌ر ئه‌نجامده‌دات
                                           

نه‌ورۆزی 1979 له‌دایك بوونی رادیۆیه‌ك دنیایی هه‌ژاند

40ساڵه‌ ئێزگه‌ی ده‌نگی گه‌لی كوردستان، ده‌نگی كۆمه‌ڵانی خه‌ڵكی كوردستانه‌
له‌دامه‌زراندنی (ی.ن.ك) ه&zwn...


  نه‌ته‌وه‌كانی دیكه‌ش جل و به‌رگی كوردی ده‌پۆشن
  ئێزگەی دەنگی گەلی كوردستان یادی 40 ساڵەی دەكاتەوە


کاریکاتێر