رێككهوتنی (یهكێتی و گۆڕان)
بیروڕا 11:18 AM - 2016-05-08عادل موراد
دیدو بۆچوونهكانم لهسهر رێككهوتنی نێوان (یهكێتی و گۆڕان)
لهبهر رۆشنایی بارودۆخی ئێستای كوردستان و عیراق و ناوچهكهو به لهبهرچاوگرتنی ههلومهرجی ههستیاری سیاسی و ئابووری و سهرههڵدانی قهیرانی جۆراوجۆر له ههرێمی كوردستان، بهپێویستی دهزانم دیدو بۆچوون و روانینی خۆم لهسهر پرسه ههنووكهییهكان بخهمهڕوو، بهئومێدی ئهوهی سوودی لێ وهبگیرێت بۆ دهست خستنهسهر كهلێنهكان و دهستنیشانكردنی چارهسهری گونجاو بۆ قهیرانی سیاسی و لێك ترازان له نێوان پارت و لایهنه سیاسییهكان و دانانی بهرنامهی هاوچهرخی گونجاو، بۆ پتهوكردنی بنهماكانی چاكسازی ریشهیی له دامودهزگاكانی حكومهتی ههرێم، بنهبڕكردنی گهندهڵی و ناشهفافیهت و نههێشتنی ناعهدالهتی و پاراستنی سهروهری یاساو بههاكانی دیموكراتی له ههرێمی كوردستان.
ههر لهو پێناوهشدا نزیك بوونهوهو رێككهوتنی یهكێتی و گۆڕان لهم قۆناغهدا دهستپێكێكی گرنگه بۆ دانانی بهرنامهی هاوبهش بهئاراستهی ئهنجامدانی چاكسازی سیاسی و دارایی، كه واژۆكردنی رێككهوتنی سیاسی لهنێوانیاندا جگه لهوهی هیواو ئومێدێكی نوێ ئهبهخشێته جهماوهری كوردستان، ههنگاوێكی گرنگیشه بۆ رێكخستنهوهو پتهوكردنی نێوماڵی كوردی و پاراستنی یهكڕیزی نیشتمانی، بۆ كۆتاییهێنان بهململانێی ناتهندروستی نێوان پارت و لایهنه سیاسییهكان، كه جگه له دواخستنی پڕۆسهی دیموكراتی و پهكخستنی دامودهزگا شهرعییهكان و ئیفلیجكردنی پهرلهمان و حكومهتی ههرێم و بارگرانی سهرشانی هاووڵاتیان و گهیاندنی وێنهیهكی خراپی حوكمڕانی بهدونیای دهرهوه هیچی تری لێ نهچنرایهوه.
بۆیه بهپێویستمزانی له چهند خاڵێكدا بۆچوونهكانم وهك نهخشهڕێگهیهك بخهمهڕوو، بههیوای ئهوهی سوودی لێ وهربگیرێت بۆ دهۆڵهمهندكردنی خاڵ و بنهماكانی رێككهوتنهكه.
خاڵه پێشینهكان كه دهبنه كۆڵهكهی رێككهوتنی گۆڕان و یهكێتی:
1- یهكخستنی ههڵوێستی ههردوولا لهسهر شێوازی پهیوهندییهكان لهگهڵ پارت و لایهنه سیاسییهكانی ههرێم و ئایندهی پهیوهندییهكانمان لهگهڵ حكومهتی عیراق و ئایندهی پهرلهمانتارو نوێنهرهكانمان له بهغداد.
2- روانینی وڵاتانی دراوسێ و ناوچهكه بۆ ئایندهی دۆزی رهوای كوردو كردنهوهی دهرگای گفتوگۆی جدی لهگهڵ بهغدا، له ئهگهری كۆكبوونی ههردوولاو پارته سیاسیدهكانی تری كوردستان لهسهر خستنهڕووی پرسی ریفڕاندۆم لهم كاتهدا.
3- ههوڵدان بۆ بهشداریپێكردنی پارێزگای كهركوك و ناوچه دابڕێنراوهكانی تر له ههڵبژرادنهكانی داهاتوو كه له ههرێم ئهنجام دهدرێن.
4- یهكخستنهوهو راگهیاندنی ههڵوێستی روونی گۆڕان و یهكێتی بهرامبهر به شێوازی پهیوهندییهكان لهگهڵ پارته سیاسییهكانی پارچهكانی تری كوردستان، بهتایبهتی رۆژئاواو رووداوهكانی.
5- رێكخستنهوهو پهرهپێدانی پهیوهندییهكانی ههردوولا لهگهڵ پارت و لایهنه سیاسییهكانی ههرێمی كوردستان و بهتایبهتی پارتی و لایهنه ئیسلامییهكان (یهكگرتوو، كۆمهڵ، بزووتنهوه) و حزبهكانی (ئاینده، پارێزگاران، سۆشیالیست، شیوعی، رزگاری.. هتد) و ئهو لایهنانهی كه نوێنهریان نییه له پهرلهمانی كوردستان، بهمهبهستی دروستكردنی ههڵوێستی هاوبهش لهسهر ئاستی پهرلهمانی كوردستان و ئهنجومهنی نوێنهرانی عیراق و ئهنجومهنی پارێزگاكان.
6- نههێشتن و بهرهنگاربوونهوهی ناعهدالهتی و پهراوێزخستنی یهكێتی و گۆڕان له حكومهت و دامودهزگاكانی تری ههرێم، رهتكردنهوهی ههرجۆره فهرق و جیاوازییهك له دابهشكردنی بودجهو داهات له نێوان شارهكانی ههرێمدا.
7- خستنهوهگهڕی پهرلهمان و حكومهتی ههرێم و رێزگرتن له سهروهری یاسا.
8- دانانی بهرنامهی هاوبهش بۆ چارهسهركردنی پرسهكانی (دهستور، سهرۆكایهتی ههرێم، سیستمی حوكمڕانی).
9- خستنهڕووی بهرنامهی چاكسازی ریشهیی له ههموو جومگهكانی دهسهڵات و رووبهڕووبونهوی گهندهڵیدا.
له پاش دهستهبهركردنی ئهو خاڵانهی سهرهوه، دهستبكرێت بهجێبهجێكردنی قۆناغی دووم له رێككهوتنهكه، كه بهدیدی ئێمه دهبێ ئهم خاڵانهی لای خوارهوه لهخۆبگرێت:
1- یهكگرتنی ههردوو فراكسیۆنی یهكێتی و گۆڕان له پهرلهمانی كوردستان و ئهنجومهنی نوێنهرانی عیراق.
2- یهكگرتنهوهی فراكسێونهكانی پارێزگاكان و ئهنجومهنه خۆجێیهكانی ههردوولا.
3- یهكگرتنهوهی سهندیكاكان، كۆمهڵهكان، رێكخراوه دیموكراتییهكان.
4- بهشداریكردن له ههڵبژاردنی ئاینده بهیهك لیست، بهسیستهمی لیستی داخراو.
5- ئامادهكردنی زهمینهی لهبار بۆ تێكهڵاوكردنی رێكخستنهكان (مهڵبهندهكان، مهكتهبهكان، جڤات و ژوورهكان).
6- بهستنی كۆنگرهی یهكگرتوو، بهئاراستهی دهستنیشانكردنی سهركردایهتی و مهكتهبی سیاسی و ئهنجومهنی باڵای چاودێری.
PUKmedia عادل موراد
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25