PUKmedia یەکێتیی نیشتمانیی کوردستان

لاهور شێخ جەنگی:چاوەڕوانی مژدەو گۆڕانكاریی گەورەبن


11/10/2015 23:00:00
چاپ کردن
بە وێنەوە    بە بێ وێنە
           
لماوەی 24 سەعاتدا 120 تۆن چەك و تەقەمەنی دەگاتە رۆژئاوای كوردستان

لاهور شێخ جەنگی رایدەگەیەنێت: پاش گفتوگۆیەكی چڕ و پڕ لەگەڵ لایەنە دیپلۆماسی و تایبەتمەندەكانی ئەمریكا, خۆشبەختانە شانازی ئەوەمان پێبڕاوە كە بتوانین ببینە هۆكار بۆ دابینكردنی پشتیوانیی بەردەوام بۆ هێزە شەڕڤانەكان لە رۆژئاواو دەتوانم پێتان رابگەیەنم كە, بڕیارە یەكەم كاروانی ئەم هاوكارییە راستەوخۆیەی ئەمریكا زیاتر لە 120 تۆن چەك و تەقەمەنی و كەرەستەی پێویست, لەماوەی كەمتر لە 24 سەعاتدا بگاتە دەست خوشك و برا خەباتگێڕەكانمان لەناوچە كوردستانییەكانی سوریا.

لاهور شێخ جەنگی بەرپرسی ئاژانسی پاراستن و زانیاری\زانیاری هەرێم لەپەیامێكیدا بەناونیشانی (خوشك و برایانی خۆشەویست, چاوەڕوانی مژدەو بەهیوای گۆڕانكاریی گەورەبن) كە لەسەر پەیجی تایبەتی خۆی لەتۆڕی كۆمەڵایەتی فەیسبوك بڵاویكردوەتەوە دەڵێت: دوو ساڵ لەمەوبەرو هەر لەم رۆژانەی مانگی ئۆكتۆبەردا, پاش پەیوەندی و گفتوگۆیەكی درێژخایەن لەگەڵ لایەنە سەربازی و سیاسی و تایبەتمەندەكانی ویلایەتە یەكگرتووەكانی ئەمەریكا, توانیمان بۆ یەكەمجار لەمێژووی خەباتی كوردستانی رۆژئاوادا, دەیان تۆن چەك و تەقەمەنی بۆ شەڕڤانانی رۆژئاوا دابین بكەین، لەوكاتەدا كە چەكدارانی داعش دەیانویست كۆبانی داگیرو خەڵكەكەی شەهید بكەن یان بەكەنیزی بیانگرن, بەو هاوكاریانەی دۆستانمان و خۆڕاگریی خوشك و برا شەڕڤانەكانمان توانرا كە باڵانسی هێز لە رۆژئاوا لە بەرژەوەندی كورد بگۆڕدرێت.

ئەوەشی نوسیوە: ئێستاش كە كێبڕكێی جیهانی و ناوچەیی بۆ گۆڕین و جیاكردنەوەی ناوچەكانی دەسەڵات و نفوز لە دەوروبەرمان پێی ناوەتە قۆناغێكی خێراو پڕ لە ئاڵۆزی و مەترسی و دەرفەت, دوبارە و پاش گفتوگۆیەكی چڕ و پڕ لەگەڵ لایەنە دیپلۆماسی و تایبەتمەندەكانی ئەمریكا, خۆشبەختانە شانازی ئەوەمان پێبڕاوە كە بتوانین ببینە هۆكار بۆ دابینكردنی پشتیوانیی بەردەوام بۆ هێزە شەڕڤانەكان لە رۆژئاواو دەتوانم پێتان رابگەیەنم كە, بڕیارە یەكەم كاروانی ئەم هاوكارییە راستەوخۆیەی ئەمەریكا, زیاتر لە 120 تۆن چەك و تەقەمەنی و كەرەستەی پێویست, لەماوەی كەمتر لە 24 سەعاتدا بگاتە دەست خوشك و برا خەباتگێڕەكانمان لەناوچە كوردستانییەكانی سوریادا.

راشیگەیاندوە: ئەم هەواڵە, مژدەیەكە بۆ ئازادیخوازو دڵسۆزانی دۆزی رەوای گەلەكەمان لە هەر كوێیەك بن و گۆڕانكارییەكی گەورەشە كە لە داهاتوی ململانێ و پێكدادانی هێزو زلهێزەكاندا زەمانەتی مانەوەو بەهێزبونی پێگەی كورد و كوردستان دەكات، بۆ ئەوەش كە هەرێمی كوردستان لەم بارودۆخە ئاڵۆزەدا, ئاسایشی نەتەوەیی و بەرژەوەندییە باڵاكانی خەڵك و سیستمەكەی پاڕێزراو بێت, سەرباری سەرەخۆشی لە كەسوكار و بنەماڵەی شەهیدانی رۆژانی رابردوو, داواكارم لەلاو و گەنجانی وڵاتەكەم هیوای خۆیان لەدەستنەدەن و هەوڵبدەن كە دەنگ و داواكانیان لە كەناڵی مەدەنی و یاسایی و رێكخراوەوە بگەیەنن. چونكە چارەنوسی خۆپیشاندانە جەماوەرییەكانی وڵاتانی دەوروبەرمان, ئەوەیان نیشانداوین كە توندوتیژی, ئارامی دروست ناكات و هیچ هێز و لایەنێكیش ناتوانێت خواستی رەوای خەڵكەكەی لەبەرچاو نەگرێت. داهاتوو بۆ ئێوەیە.

PUKmedia 

وێنە هەواڵ
  • image04
  • به‌ڕێوه‌به‌ری ئاسایشی سلێمانی له‌گه‌ڵ هاووڵاتییه‌كی خاوه‌ن پێداویستی تایبه‌ت

  • image04
  • هه‌ڵمه‌تی نیشتمانیی رۆشنبیری هاتوچۆ

  • image04
  • وەفدێكی مەكتەبی راگەیاندنی یەكێتی سەردانی پارێزگای هەڵەبجەیان كرد

  • image04
  • سه‌ده‌یه‌ك به‌سه‌ر راگرتنی جه‌نگی جیهانی یه‌كه‌م تێده‌په‌ڕێت

  • image04
  • سێهه‌مین فێستیڤاڵی هه‌نگوین له‌ سلێمانی

  • image04
  • هەڵبژاردنەكانی نوێنەران و پیرانی ئەمریكا به‌ڕێوه‌چوو

  • image04
  • په‌لكه‌ زێڕینه‌ی سلێمانی

  • image04
  • یه‌كه‌م دانیشتنی خولی نوێی په‌رله‌مان ئه‌نجامدرا


                                           

یه‌كێتی به‌شداری سینمارێك له‌ دانیمارك ده‌كات


یه‌كێتیی نیشتمانیی كوردستان به‌شداری سیمینارێك ده‌كات كه‌ له‌لایه‌ن پارتی دیموكراتی كورد سه‌باره‌ت به‌ دۆخی ڕۆژئاوای كوردستان ڕێكخرابوو.

...


  كۆمیته‌ی ئه‌ڵمانیا كۆنفرانسی ئه‌نجامداو ده‌سته‌یه‌كی نوێی هه‌ڵبژارد
  رۆژی فیلمی كوردی له‌ ئه‌مستردام به‌ڕێوه‌چوو
                                           

ره‌هبه‌ر سه‌ید برایم: خه‌ڵك فه‌رمانڕه‌وایی یه‌كێتی قبوڵه‌


ئه‌ندامێكی سه‌ركردایه‌تی یه‌كێتی له‌ چاوپێكه‌وتنێكدا له‌گه‌ڵ PUKmedia رایده‌گه‌یه‌نێت، وه‌...


  قوباد تاڵه‌بانی: یه‌كێتی به‌ره‌و به‌رزبوونه‌وه‌‌ و به‌هێزتربوون ده‌ڕوات
  شێخمووس : ته‌نیا لایه‌نێك ناتوانێت حوكمڕانیى هه‌رێم بكات
                                           

داعش زیاتر له‌ 200 گۆڕی به‌كۆمه‌ڵی له‌ عیراق درووست كردووه‌

 له ‌پاش نزیكه‌ی ساڵێك له‌ ڕاگه‌یاندنی سه‌ركه‌وتنی هێزه‌ ئه‌منییه‌كانی عیراق به‌سه‌ر گرووپی داعشدا، هێشتا جێپه‌نجه‌ی ...


  دیندار زێباری:پێویسته‌ داموده‌زگا شه‌رعییه‌كانی شه‌نگال بگه‌ڕێنه‌وه‌
  سه‌ده‌یه‌ك به‌سه‌ر راگرتنی جه‌نگی جیهانی یه‌كه‌م تێده‌په‌ڕێت


کاریکاتێر