مێژووی ئه‌شكه‌وتی قزقاپان


15/6/2014 18:58:00
چاپ کردن
بە وێنەوە    بە بێ وێنە
           
ئه‌م ئه‌شكه‌وته‌ ده‌ستكردی مرۆڤه‌

ئه‌شكه‌وتی قزقاپان ده‌كه‌وێته‌ سه‌یرانگای چه‌می ره‌زان له‌ سنوری ئیداره‌ی قه‌زای دوكان و له‌ به‌رزایی نزیكه‌ی 10 مه‌تر له‌ قه‌دپاڵی شاخێك دروستكراوه‌، ئه‌م ئه‌شكه‌وته‌ ده‌ستكردی مرۆڤه‌و به‌ شێوه‌یه‌كی هونه‌ری زۆر سه‌رسوڕهێنه‌ر دروستكراوه‌، وه‌كو مێژوو ده‌گه‌ڕێته‌وه‌ بۆ سه‌رده‌می ماده‌كان به‌ڵام له‌ ئێستادا به‌هۆی كه‌می خزمه‌تگوزاری و كۆنییه‌وه‌ به‌ره‌و نه‌مان ده‌چێت.
په‌یره‌و جه‌وهه‌ر گه‌شتیارێك بوو و به‌ مه‌به‌ستی بینینی ئه‌شكه‌وتی قزقاپان سه‌ردانی كردبوو، سه‌باره‌ت به‌ خزمه‌تگوزارییه‌كانی ئه‌شكه‌وته‌كه‌ به‌ PUKmedia ی راگه‌یاند: ئه‌م ئه‌شكه‌وته‌ مێژوویه‌كی پڕ له‌ سه‌روه‌ری هه‌یه‌، ئه‌گه‌رچی رێگای هاتوچۆو پاركی ئۆتۆمبێل و په‌یژه‌و قادرمه‌ی بۆ كراوه‌، به‌ڵام داواكارین له‌ حكومه‌تی هه‌رێمی كوردستان و به‌ڕێوه‌به‌رایه‌تی شوێنه‌واری سلێمانی گرنگی زیاتری پێبدات، چونكه‌ هیچ هێمایه‌ك نییه‌ له‌سه‌ر رێگای گشتی سلێمانی - دوكان تا سه‌رنجت رابكێشێت بۆ ئه‌و شوێنه‌ مێژووییه‌و له‌ به‌رده‌م ئه‌شكه‌وته‌كه‌ش هیچ زانیارییه‌ك نییه‌ تا باسی دروستبوونی بكات كه‌ له‌ چ سه‌رده‌مێكه‌و بۆ چ مه‌به‌ستیك به‌كارهاتووه‌.
وتیشی: زۆر ناوچه‌ی تریش له‌ سنوری دوكان هه‌ن پێویسته‌ گرنگیان پێبدرێت تا سه‌رنجی گه‌شتیاران رابكێشێت و پاسه‌وان و خزمه‌تگوزاری بۆ دابینبكرێت وه‌ك كافتریاو ته‌والێت، به‌و داهاتانه‌ش خزمه‌تی ئه‌و شوێنانه‌ی پێبكرێت.

ئه‌ندازیار مه‌ولود محه‌مه‌د به‌ڕێوه‌به‌ری گه‌شتوگوزاری دوكان به‌ PUKmedia ی راگه‌یاند: ئێمه‌ له‌ ساڵانی رابردوو به‌ هاوكاری به‌ڕێوه‌به‌رایه‌تی گه‌شتوگوزاری سلێمانی به‌بڕی زیاتر له‌ 147 ملیۆن دینار هه‌ندێك خزمه‌تگوزاری سه‌ره‌تاییمان بۆ ئه‌شكه‌وتی قزقاپان كردووه‌، وه‌ك پاركێكی ئۆتۆمبێل و رێگای هاتوچۆو دانانی په‌یژه‌ بۆ سه‌ركه‌وتنی گه‌شتیاران تا به‌رده‌م ئه‌شكه‌وته‌كه‌.
وتیشی: داواكارین حكومه‌تی هه‌رێم گرنگی زیاتر بدات به‌ شوێنه‌واره‌ مێژووییه‌كانی دوكان چونكه‌ به‌ره‌و له‌ناوچوون ده‌ڕۆن، وه‌ك قه‌ڵای پاكۆره‌و ئه‌شكه‌وتی جاسه‌نه‌و شاخی پیره‌مه‌گرون، داواكاریشم حكومه‌ت بنكه‌یه‌كی شوێنه‌وارناسی و ستافێكی پسپۆر له‌ قه‌زای دوكان دابمه‌زرێنێت به‌ مه‌به‌ستی گرنگیدانی زیاتر به‌و شوێنه‌واره‌ مێژووییانه‌.

ته‌ها ئه‌حمه‌د شاره‌زا له‌ بواری مێژوو، سه‌باره‌ت به‌و ئه‌شكه‌وته‌ به‌ PUKmedia ی راگه‌یاند: ئه‌شكه‌وتی قزقاپان ده‌كه‌وێته‌ نزیك گوندی زه‌رزی و له‌ به‌رزایی نزیكه‌ی 10 مه‌تر له‌ قه‌دپاڵی شاخێك دروستكراوه‌، ئه‌م ئه‌شكه‌وته‌ ده‌ستكردی مرۆڤه‌و به‌ شێوه‌یه‌كی هونه‌ری زۆر سه‌رسوڕهێنه‌ر دروستكراوه‌، وه‌كو مێژوو ده‌گه‌ڕێته‌وه‌ بۆ سه‌رده‌می ماده‌كان (ده‌وڵه‌تی میدیا)ی باپیره‌گه‌وره‌ی كورد، ساڵانی سه‌ده‌ی شه‌شه‌می پێش زایین دروستكراوه‌، پێكدێت له‌ به‌رهه‌یوانێك و سێ ژوور كه‌ هه‌ر ژوورێكیان به‌ رووبه‌ری 2.5 بۆ 3 مه‌تر ده‌بێت و له‌ناو هه‌ر ژوورێكدا قه‌برێك هه‌یه‌، پێده‌چێت مه‌به‌ستی سه‌ره‌كی دروستكردنه‌كه‌شی بۆ پاراستنی ئه‌و قه‌برانه‌ بووبێت، ئه‌و وێنه‌یه‌شی له‌ به‌رده‌می هه‌یوانه‌كه‌ هه‌ڵكه‌ندراوه‌ پێده‌چێت وێنه‌ی پادشای سێهه‌می ماده‌كان و پادشایه‌كی لیدیه‌كان بێت كه‌ رێككه‌وتنێكیان له‌ دوای شه‌ڕی پێنج ساڵه‌یان مۆركردووه‌.

PUKmedia شاڵاو ئه‌حمه‌د - دوكان

وێنە هەواڵ
  • image04
  • نیشتمان تەرمی مەریەمی قازی لە ئامێز گرت

  • image04
  • 29 ساڵ به‌سه‌ر كۆڕه‌و تێده‌په‌ڕێت

  • image04
  • تره‌مپ ئامێرێكی نوێی پشكنینی كۆرۆنای راگه‌یاند

  • image04
  • دەزگای تەندروستی پێشمەرگە پرۆژەی لە یادمانن رادەگەیەنێت

  • image04
  • كه‌ره‌نتین شارۆچكه‌ی خه‌لیفانیشی گرته‌وه‌

  • image04
  • پۆلیسی هندستان به‌مشێوه‌یه‌ رێگری له‌هاتنه‌ ده‌ره‌وه‌ی هاووڵاتیان ده‌كه‌ن

  • image04
  • 27ی ئازار رۆژی جیهانی شانۆ‌

  • image04
  • لاهور شێخ جەنگی چارەسەری كەموكورتییەكانی نەخۆشخانەی شەهید ئاسۆ لە ئەستۆ دەگرێت


                                           

ترۆدۆ پیرۆزبایی نه‌ورۆز له‌ ڕه‌وه‌ندی كوردی ده‌كات


جه‌ستن ترودۆ سه‌رۆك وه‌زیرانی كه‌نه‌دا ، رۆژی 19-3-2020، به‌بۆنه‌ی جه‌ژنی نه‌ورۆزه‌وه‌، پیرۆزبایی له&zw...


  كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو
  دانیمارك..یادی ڕۆژی شەهید کرایەوە
                                           

%63ی شه‌هیدانی كوردستان له سنووری سلێمانییه‌


مافناس، ئه‌دیب له‌تیف محه‌مه‌د، به‌ڕێوه‌به‌ری گشتیی كاروباری شه‌هیدان و ئه‌نفالكراوانی سلێمانی له‌دیدارێكیدا له‌گه‌ڵ كوردستانی ...


  44 ساڵ لەمەوبەر کتێبخانەیەک سلێمانی روناککردەوە
  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
                                           

با CPJ وردتر كار بكات

د. دیندار زێباری رێكخه‌ری راسپارده‌ نێوده‌وڵه‌تییه‌كان له‌ حكومه‌تی هه‌رێمی كوردستان له‌ڕاگه‌یه‌ندراوێك...


  حه‌فتاو سێ ساڵه‌ كورد بێ قازییه‌
  ته‌ندروستی سلێمانی داوای درێژكردنه‌وه‌ی قه‌ده‌غه‌ی هاتوچۆ ده‌كات


کاریکاتێر