riklam

خه‌سوه‌كانی سلێمانی زاواكانیان خۆشده‌وێت

ریپۆرتاژ‌ 03:45 PM - 2021-07-24
.

.

ژنێك: زاواكه‌م له‌ كچه‌كه‌م خۆشتر ده‌وێـت 

پیاوێك: خه‌سوم زۆر خۆشده‌وێت و هه‌رگیز له‌قسه‌ی ده‌رناچم.

توێژه‌رێكی كۆمه‌ڵایه‌تی: خه‌سوه‌كان ده‌یانه‌وێت به‌و خۆشویستنه‌ی  زاواكانیان كچه‌كانیان به‌ خته‌وه‌ربكه‌ن و خۆشترین ژیانیان هه‌بـێت.

مامۆستایه‌ كی ئاینی: ده‌بێت خه‌ سوه‌كان  له‌ نێوان بوك و زاوادا جیاوازی نه‌كه‌ن و به‌ خۆشه‌ ویستی و ڕێزه‌وه‌ مامه‌له‌ له‌گه‌ڵ یه‌ كتر بكه‌ن.

به‌ پێی ئه‌و به‌ دواداچونه‌ی PUKmedia  ئه‌نجامیداوه‌ خه‌سوه‌كانی سلێمانی زاواكانیان له‌كچه‌كانیان خۆشتر ده‌وێت و له‌ به‌رامبه‌ریشدا زاواكان ئه‌م هه‌ڵوێست و زیاتر خۆشویستنه‌ به‌كارێكی باش ده‌زانن و هه‌ندێك زاواش بۆچونیان وایه‌ خه‌سوه‌كانیان خۆشیان ناوێن و كێشه‌یان بۆ دروست ده‌كه‌ن .

له‌م ڕاپۆرته‌دا ورده‌كاری زیاتر خراوه‌ته‌ڕوو.

*له‌ سه‌رمن كچه‌كه‌ی خۆی نیگه‌ران ده‌كات

كاروان ئیبراهیم ,ته‌مه‌ن 37ساڵ ,سه‌باره‌ت به‌ په‌یوه‌ندی نێوان خۆی و خه‌سوی ده‌ڵێت: په‌ یوه‌ندییه‌كی باشم له‌گه‌ڵ خه‌ سوم هه‌یه‌و زۆر یه‌كترمان خۆشده‌وێت و له‌و بڕوایه‌دام منی زیاتر له‌ كچه‌كه‌ی خۆشتر بوێت.

كاروان وتیشی: هه‌ ندێكجار كه‌ له‌گه‌ڵ خێزانم ده‌بێته‌ شه‌ڕمان خه‌سوم كچه‌كه‌ی خۆی له‌سه‌ر من بـێتاقه‌ت و نیگه‌ران ده‌كات و پشتیوانی من ده‌كات، چونكه‌ ده‌زانێت من كه‌سێكی هێمن و له‌سه‌رخۆم و منیش ڕێزی ئه‌و زۆر ده‌گرم .

*زاواكه‌م خۆشتر ده‌وێت 

ڕووپاك عه‌لی ته‌مه‌ن 48 ساڵ ده‌رباره‌ی نێوانی خۆی و زاواكه‌ی ئاماژه‌ بۆ ئه‌وه‌ ده‌كات: له‌ نێوان زاواو كچ و كوڕه‌كه‌شمدا هیچ جیاوازییه‌ك ناكه‌م و بگره‌ زیاتریش زاواكه‌م خۆشترده‌وێت له‌ كچه‌كه‌م ئه‌ویش له‌ به‌رئه‌وه‌ی زیاتر ڕێزی كچه‌كه‌م ده‌گرێت و به‌رده‌وام ئه‌حواڵم ده‌پرسێت و له‌خۆشی و ناخۆشیدا له‌گه‌ڵمانه‌. 

ڕووناك ئه‌وه‌شی وت: كه‌ هه‌ركاتێك خواردنێكی خۆش دروست بكه‌م  به‌ تایبه‌ت ده‌چم به‌ دوای زاواو كچه‌كه‌مداو به‌ ئۆتۆمبێله‌كه‌ی خۆم ده‌یانهێنم بۆ ماڵی خۆمان، چونكه‌ زاواكه‌م كه‌سێكی بێده‌نگ و باش و سه‌نگینه‌ .

*له‌ كوڕه‌كه‌م دڵسۆزترمه‌ 

نه‌رمین جه‌لال ,ته‌مه‌ن 52ساڵ ,هه‌مان بۆچوونی ڕووناكی هه‌یه‌و ده‌ڵێت: زاواكه‌م كه‌سێكی زۆر باشه‌و زۆر خۆشم ده‌وێت و ڕێزم ده‌گرێت و له‌قسه‌م ده‌رناچێت ,نه‌رمین نه‌یشارده‌وه‌ كه‌ زاواكه‌ی له‌ كوڕه‌كه‌ی زیاتر دڵسۆزی نواندووه‌و له‌م باره‌یه‌وه‌ ده‌ڵێت: هه‌ركاتێك نه‌خۆش كه‌وتبم زاواكه‌م له‌ كوڕه‌كه‌م دڵسۆترم بووه‌ و بردوومی بۆ نه‌خوشخانه‌ و خه‌مخۆرم بووه‌و به‌ رده‌وام له‌ته‌ندروستی پرسیوومه‌ته‌وه‌ .

*بانێك و دووهه‌وا 

زۆر جار ئه‌وه‌ ده‌وترێت كه‌ خه‌سوه‌كان زاواكانیان خۆشتر ده‌وێت و ڕقیان له‌ بوكه‌كانیانه‌ ,ئه‌م بۆچوونه‌ش زۆرجار  لێكجیابوونه‌وه‌ی بوك و كوڕی به‌ دوای  

خۆیدا هێناوه‌و به‌ هۆی خراپ مامه‌ڵه‌كردنی خه‌سوه‌كێشه‌ی گه‌وره‌ی خوڵقاندووه‌.

001.jpg

* زۆر رقی لێمه‌ 

 سروه‌ كه‌ریم خوێندكاری زانكۆیه‌و ماوه‌ی 7مانگه‌ ژیانی هاوسه‌ری پێكهێناوه‌ به‌ وته‌ی خۆی خه‌سوی زۆر خراپه‌ له‌گه‌ڵیداو هه‌میشه‌ دژایه‌تی ده‌كات ئه‌و ده‌ڵێت: خه‌سوم زۆر ڕقی لێمه‌و دژایه‌تیم ده‌كات و ته‌نانه‌ت لای هاوسه‌ره‌كه‌شم شكاتم لێده‌كات، به‌ڵام من وه‌ك دایكی خۆم ڕێزی لێده‌گرم، به‌ڵام خۆزگه‌ منیشی وه‌ك زاواكه‌ی و كچه‌كانی خۆشده‌ویست .

*پێداویستیه‌كانی بۆدابین ده‌كه‌م

  هونه‌ر عه‌زیز ته‌مه‌ن 37ساڵ ,مامۆستایه‌و ماوه‌ی ساڵێك و دوومانگه‌ ژیانی هاوسه‌ری پێكهێناوه‌ ,ئه‌و ڕای وایه‌ خۆت ده‌توانیت وابكه‌یت خه‌سوت خۆشی بووێیت له‌م باره‌وه‌ وتی: خه‌سوم زۆر خۆشی ده‌وێم و باشه‌ له‌ گه‌ڵمداو هه‌موویان ئه‌وه‌یان ده‌وێت من باشبم بۆ كچه‌كه‌ یان و پێداویستییه‌كانی ژیانی بۆ دابین بكه‌م وهه‌ربۆیه‌ خۆشیان ده‌وێم و منیش خه‌سوم خۆشده‌وێت و له‌قسه‌ی ده‌رناچم.

*به‌خته‌وه‌ری كچه‌كانیان ده‌وێت 

سروه‌ عومه‌ر، توێژه‌ری كۆمه‌ڵایه‌تیه‌ بۆPUKmedia  سه‌باره‌ت به‌خۆشه‌ویستی خه‌سوو به‌رانبه‌ر به‌ زاوا كانیان پێیوایه‌, كچان لای دایكیان خۆشه‌ویستن بۆیه‌ كاتێك هاوسه‌رگیری ده‌ كه‌ ن وا هه‌ستده‌كه‌ن زاواكانیان هه‌موو پێداویستی و ئه‌ركه‌خێزانیه‌كان بۆ كچه‌كانیان ڕێكده‌خه‌ن و ته‌نها به‌خته‌وه‌ری كچه‌كانیان ده‌وێت ,له‌لایه‌كی تریشه‌وه‌ ئه‌وه‌نده‌ی زاوا گوێ بۆ داخوازی و داواكارییه‌كانی خه‌سو ده‌گرێت نیو ئه‌وه‌نده‌ كوڕه‌كانیان گوێیان بۆ ناگرن.

سروه‌ وتیشی: پێویسته‌ ڕێزو خۆشه‌ویستی له‌نێوان خه‌سوزاواو هه‌روه‌ها به‌رامبه‌ر به‌بوكه‌كانیش هه‌بێت و له‌ ڕووی ده‌رونی و كۆمه‌ڵایه‌تییه‌وه‌ یه‌كتر ئاسوده‌بكه‌ن و وه‌ خه‌سوه‌كان ده‌یانه‌وێت به‌وخۆش ویستنه‌ی زاواكانیان كچه‌ كانیان به‌خته‌وه‌ربن و خۆشترین ژیانیان هه‌بێت .

مامۆستا محه‌مه‌د حسێن، زانای ئاینییه‌، بۆ  PUKmediaوتی: ئه‌و جۆره‌ په‌یوه‌ندییه‌ له‌نێوان خه‌سو بۆ بوك و زاوا ده‌بێت زیاتر ڕه‌نگدانه‌وه‌ی خۆشه‌ویستی و ڕێزبێت و دایك و ڕۆڵانه‌ بێت، چونكه‌ ئیسلام ڕێزو شكۆی نێوان هاوسه‌ره‌كان و خه‌سو خه‌زورانی به‌گرنگه‌وه‌ باسكردووه‌،

PUKmedia     ڕاپۆرتی ...  ڕێباز حه‌سه‌ن كه‌ڵهوڕیی

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket