رێگاچارە بۆ چارەسەركردنی درزی كەمەربەندی سۆران دەخرێتەڕوو
کوردستان 11:40 AM - 2021-07-22.
بەڕێوەبەری بەنداوی دەربەندیخان چەند رێگاچارەیەك بۆ چارەسەركردنی درزی كەمەربەندی سۆران دەخاتەڕوو و دەڵێت، ئەم رێگاچارانە لە زۆر شوێنی دنیا تاقی كراونەتەوە و سەركەوتنیان بەدەست هێناوە و دەبێت بەپەلە و پێش بارانبارین درزەكە بە گڵی تایبەت پڕبكرێتەوە.
رەحمان خانی بەڕێوەبەری بەنداوی دەربەندیخان بە PUKmedia ی راگەیاند: بۆ چارەسەركردنی درزی كەمەربەندەكەی سۆران دەبێت سەرەتا لێكۆڵینەوەیكی ورد و بەپەلە لە رووی جیۆلۆجی و ئەندازەوە بكرێت.
وتیشی: بۆ چارەسەركردنی درزەكە مەرج نییە هەموو گردەكە لاببرێت بەڵكو دەكرێت بە سوككردن و لێبڕینی گردەكە لە سەرەوە و رێكخستنەوەی سلۆپەكەی دەتوانرێت مەترسی داخلیسكان و داڕوخانی بارستەی گردەكە كەم بكرێتەوە.
ئاماژەی بەوەشدا كە پێویستە بەپەلە و پێش بارانبارین درزەكە بە گڵی تایبەت پڕبكرێتەوە، بۆ ئەوەی ئاوی تێنەچێت، تۆڕێكی جیۆدیسی روپێوی ورد دروستبكرێت لە ناو بارستە جوڵاوەكە و دەوروبەری كە تاڕادەیەك جێگیرە و بەردەوام چاودێری جوڵەی زەویە داخزاوەكە و درزەكە بكرێت.
وتیشی: هاوكات پێویستە ئاوی سەرزەوی و ژێرزەوی و باران لە ناوچەكە دور بخرێتەوە بە دروستكردنی تۆرێكی جۆگاو لێدانی بۆری كون كونی ئاسۆیی بۆ دابەزاندنی ئاستی ئاوی ژێر زەوی و گواستنەوەی بە ئاراستەی پێچەوانەی ڕێگاكە واتا بۆ دۆڵەكەی پشتەوەی.
رەحمان خانی وتیشی: دەكرێت گردەكەو دەوروبەری بچێنرێت بە دارو درەختی تایبەت كە روی سەرەوەی گڵەكە بپۆشێ و جێگیری بكات، تا رێگری لە داچوون و مژینی ئاوی سەرزەوی بكات،هاوكات گردەكەی بەرامبەریشی پێویستە سلۆپەكەی جێگیرتر بكرێت.
ئەوەشی وت: ئەم رێگاچارانە لە زۆر شوێنی دنیا تاقی كراونەتەوە و سەركەوتنیان بەدەست هێناوە.
ئەمەش لە كاتێكدایە پێشتر قائیمقامییەتی سۆران رایگەیاندبوو كە ئەمڕۆ 22-7-2021، رێگەی كەمەربەندی سۆران باپشتیان دادەخرێت بەهۆی دەستپێكردنی كاركردن بە مەبەستی هەڵگرتنی ناوچەی درزبردووی رێگاكە.
PUKmedia ژینەر محەمەد
هەواڵی زیاتر
-
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
01:12 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23