ته‌ندروستی عیراق له‌باره‌ی ڤاكسینه‌كانی كۆرۆنا دڵنیایی ده‌دات

.

وته‌بێژی وه‌زاره‌تی ته‌ندروستی و ژینگه‌ی عیراق ته‌ئكید ده‌كاته‌وه‌ كه‌ سه‌رجه‌م ڤاكسینه‌كان سه‌لامه‌ت و كاریگه‌رن.

سه‌یف به‌در وته‌بێژی وه‌زاره‌تی ته‌ندروستی و ژینگه‌ی عیراق له‌ لێدوانێكدا بۆ میدیاكان ئاماژه‌ی به‌وه‌داوه‌، رێژه‌ی توشبووان به‌ ڤایرۆسی كۆرۆنا به‌رده‌وام له‌ زیادبوندایه‌، هۆكاره‌كه‌شی بۆ پابه‌ندنه‌بونی هاووڵاتیان به‌ رێكاره‌ خۆپارێزیه‌كان به‌تایبه‌تیش به‌كارنه‌هێنانی ده‌مامك و وه‌رگرنه‌گرتنی ڤاكسینه‌كانی كۆرۆنا گه‌ڕاندووه‌ته‌وه‌.

وته‌بێژه‌كه‌ی ته‌ندروستی عیراق راشیگه‌یاندووه‌ ، هه‌رسێ جۆره‌كانی ڤاكسین ئه‌سترازینیكا، سینۆفارم و فایزه‌ر ، سه‌لامه‌تن و كاریگه‌ریه‌كی به‌رچاویان هه‌یه‌ له‌ رێگریكردن له‌ توشبوونی هاووڵاتیان به‌ ڤایرۆسی كۆرۆنا ، ئاماژه‌ی به‌وه‌شكردووه‌ ، رێگه‌ نادرێت جگه‌ له‌یه‌ك كه‌س زیاتر له‌گه‌ڵ نه‌خۆشدا بچێته‌ نه‌خۆشخانه‌كان، چونكه‌ ده‌بێته‌ دروستكردنی قه‌ره‌باڵغی ده‌بێته‌ هۆكارێك بۆ زیادبوونی ژماره‌ی توشبووانی كۆرۆنا.

PUKmedia ته‌ندروستی عیراق