ئاماری شه‌ش مانگی رابردووی روداوه‌كانی هاتوچۆ

ئاماری شه‌ش مانگی رابردووی روداوه‌كانی هاتوچۆ


18/7/2021 09:49:00
چاپ کردن
بە وێنەوە    بە بێ وێنە
           
.

وته‌بێژی هاتوچۆی هه‌رێمیش ده‌ڵێت، له‌پێنج مانگی ئه‌مساڵدا زیاتر له‌ 40 هه‌زار ئۆتۆمبێل هێنراوه‌ته‌ هه‌رێم.

عه‌مید ئه‌سعه‌د مه‌لا كه‌ریم وته‌بێژی به‌ڕ‌ێوه‌به‌رایه‌تی پۆلیسی هاتووچۆی هه‌رێمی كوردستان به‌ PUKmedia ی راگه‌یاند: له‌پێنج مانگی سه‌ره‌تای ئه‌مساڵدا 216 كه‌س به‌ڕ‌وداوی هاتوچۆ له‌هه‌رێمی كوردستان گیانیان له‌ده‌ستداوه‌ كه‌ 62 یان له‌هه‌ولێرو 79 كه‌سیش له‌سلێمانی و 35 كه‌سیش له‌دهۆك و 7 كه‌سیش له‌سۆران و 13 كه‌سیش له‌گه‌رمیان و 12 كه‌سیش له‌ڕ‌اپه‌رین و 8 كه‌سیش له‌هه‌ڵه‌بجه‌ن ، هه‌ر له‌و ماوه‌یه‌دا 2670 كه‌سیش به‌هۆی رووداوی هاتووچۆ له‌هه‌رێم برینداربوون و 1509 رووداوی ئۆتۆمبێلیش له‌هه‌رێم له‌و پێنج مانگه‌ی 2021 دا روویانداوه‌.
وته‌بێژه‌كه‌ی پۆلیسی هاتوچۆی هه‌رێم ئاشكراشیكرد، تا كۆتایی مانگی 5 ی ئه‌مساڵ 40 هه‌زارو 767 ئۆتۆمبێلی جۆراوجۆر له‌ده‌ره‌وه‌ی هه‌رێمی كوردستان هێنراوه‌نه‌ته‌ ناو هه‌رێم و له‌به‌ڕ‌ێوه‌به‌رایه‌تیه‌كه‌مان تۆماركراوه‌و تائێستاش ژماره‌ی ئۆتۆمبێل له‌هه‌رێمی كوردستان كه‌ تابلۆی پارێزگاكانی هه‌ولێرو سلێمانی و دهۆكیان بۆ به‌ستراوه‌ به‌هه‌موو جۆره‌كانیه‌وه‌ گه‌یشتۆته‌ 1 ملیۆن و 861 هه‌زارو 612 ئۆتۆمبێل .
راشیگه‌یاند: له‌و ژماره‌یه‌ 941 هه‌زارو 298 ئۆتۆمبێلیان له‌پارێزگای هه‌ولێره‌و 606 هه‌زارو 500 له‌پارێزگای سلێمانی و 279 هه‌زارو 74 له‌پارێزگای دهۆكه‌و 1624 له‌گه‌رمیان و 3 هه‌زارو 62 له‌سۆران و 3 هه‌زارو 54 یان هه‌ڵگری تابلۆی گشتین.
سه‌باره‌ت به‌ژماره‌ی ماتۆر سیكل له‌هه‌رێم، به‌پێی ئاماری به‌ڕ‌ێوه‌به‌رایه‌تی هاتووچۆی هه‌رێم له‌ئێستادا 18 هه‌زارو 637 ماتۆسكیل به‌تابلۆی ژماره‌ رێپێدراو تۆماركراوه‌ كه‌ 7 هه‌زارو 650 له‌هه‌ولێرو 10 هه‌زارو 944 له‌سلێمانی و 43 ماتۆرسكیلیش له‌دهۆكن ، ئه‌مه‌ جگه‌ له‌بوونی ژماره‌یه‌كی زۆر له‌ماتۆرسكیلی بێ ژماره‌و نایاسایی له‌شاره‌كانی هه‌رێمی كوردستان.

وتیشی: له‌و ژماره‌ ئۆتۆمبێڵانه‌ی هه‌رێم 1 ملیۆن و 100 هه‌زارو 119 یان ئۆتۆمبێلی تایبه‌تن كه‌ 630 هه‌زارو 9 ئۆتۆمبێل له‌هه‌ولێرو 321 هه‌زارو 226 یان له‌سلێمانی و 148 هه‌زارو 884 یان له‌دهۆكه‌.
سه‌باره‌ت به‌ژماره‌ی ئۆتۆمبێلی كرێ له‌هه‌رێمی كوردستان به‌هه‌موو جۆره‌كانی تاكسی و پاس ، وته‌بێژی هاتووچۆی هه‌رێم ئاشكرایكرد: تا 31/5/2021 ژماره‌ی ئۆتۆمبێلی كرێ له‌هه‌رێمی كوردستان بریتیه‌ له‌ 96 هه‌زارو 846 ئۆتۆمبێلی كرێ كه‌ 44 هه‌زارو 116 یان له‌هه‌ولێرو 34 هه‌زارو 965 یان له‌سلێمانی و 17 هه‌زارو 765 یان له‌دهۆكه‌.
سه‌باره‌ت به‌ئۆتۆمبێلی بارهه‌ڵگریش، عه‌مید ئه‌سعه‌د رایگه‌یاند: تا هه‌مان به‌رواری ئه‌مساڵ 422 هه‌زارو 782 ئۆتۆمبێلی بارهه‌ڵگری تابلۆی كوردستان به‌هه‌موو جۆرو قه‌باره‌كانیه‌وه‌ له‌هه‌رێم تۆماركراوه‌ كه‌ 201 هه‌زارو 667  له‌هه‌ولێرو 153 هه‌زارو 197 له‌سلێمانی و 67 هه‌زارو 918 له‌پارێزگای دهۆكه‌.
هه‌ر به‌پێی ئاماره‌كانی به‌ڕ‌ێوه‌به‌رایه‌تی گشتی پۆلیسی هه‌رێم تا 1/6/2021 له‌هه‌رێمی كوردستان 1 ملیۆن و 859 هه‌زارو 291 مۆڵه‌تی شوفێری جۆراوجۆر دراوه‌ به‌هاووڵاتیانی هه‌رێم كه‌ 1 ملیۆن و 641 هه‌زارو 637 یان له‌ڕ‌ه‌گه‌زی شوفێری نێرن و 217 هه‌زارو 654 یان له‌ڕ‌ه‌گه‌زی شوفێری مێینه‌ن كه‌ 573 هه‌زارو 434 له‌پارێزگای هه‌ولێرو 621 هه‌زارو 460 یان له‌پارێزگای سلێمانی و 393 هه‌زارو 75 یان له‌پارێزگای دهۆك و 82 هه‌زارو 489 یان له‌سۆران و 145 هه‌زارو 506 یان له‌گه‌رمیان و 43 هه‌زارو 327 یش له‌ڕ‌اپه‌رینن .
گوتیشی : له‌ماوه‌ی 5 مانگی سه‌ره‌تای ئه‌مساڵ 27 هه‌زارو 186 مۆڵه‌تی شوفێری تازه‌ له‌لایه‌ن هاووڵاتیانه‌وه‌ له‌هه‌موو ناوچه‌كانی هه‌رێم به‌هه‌موو جۆره‌كانی تایبه‌ت و گشتی و كشتوكاڵی و بیناسازی و ماتۆرسیكل و كه‌مئه‌ندامیه‌وه‌ ده‌رهێنراوه‌.
له‌باره‌ی مه‌رجی هێنانی ئۆتۆمبێڵی جۆری ئه‌مریكی بۆ هه‌رێمی كوردستان، عه‌مید ئه‌سعه‌د وتی : مه‌رجه‌كان له‌ئێستادا بریتین له‌وه‌ی ئۆتۆمبێڵه‌كه‌ ژێرئاو (غه‌رق) نه‌كه‌وتبێت و شاسیه‌كه‌شی له‌حیم و بڕ‌اوه‌ نه‌بێت و ئه‌یرباكی ئه‌گه‌ر ته‌قیبێت و سیستمی وڵاتی ئه‌مریكا كرابێت له‌پشكنینی كوردستان ده‌ربچێت و كێشه‌ی نه‌بێت ، مه‌رجی تریش بریتیه‌ له‌وه‌ی لایه‌نه‌ لێدراوه‌كانی كاریگه‌ری نه‌بێت له‌سه‌ر شاسی ئۆتۆمبێله‌كه‌و هه‌روه‌ها مۆدێلیشیان 2019 ، 2020 ، 2021 بن .
له‌لایه‌كی تر موقه‌ده‌م فازڵ حاجی حسێن به‌ڕ‌ێوه‌به‌ری راگه‌یاندنی پۆلیسی هاتوچۆی هه‌ولێر سه‌باره‌ت به‌ئۆتۆمبێله‌ بێ سه‌ره‌تاكان به‌ PUKmedia ی راگه‌یاند: ماوه‌یه‌ك له‌مه‌وبه‌ر سه‌رژمێریه‌كمان بۆ ئۆتۆمبێڵه‌ بێ سه‌ره‌تاكان كرد كه‌ زیاتر له‌ 19 هه‌زار ئۆتۆمبێل بوون له‌هه‌موو هه‌رێمی كوردستان ، تائێستاش هیچ بڕ‌یارێك نیه‌ كه‌ ئۆتۆمبێله‌ بێ سه‌ره‌تاكان به‌گشتی و ئۆتۆمبێڵی تۆیۆتا ساڵۆَنی جۆری (مه‌لیكه‌) به‌ڕ‌ه‌سمی تۆماربكرێن و نه‌ له‌ئێستاو نه‌ له‌داهاتووش ئه‌و بڕ‌یاره‌یان بۆ ده‌رناكرێت ئێمه‌ش نازانین چاره‌نووسی ئه‌و جۆره‌ ئۆتۆمبێڵانه‌ چیان لێدێت ، به‌ڵام پێمانوایه‌ پێویستیان به‌چاره‌سه‌ر هه‌یه‌ ، به‌ڵام مه‌رج نیه‌ چاره‌سه‌ریان به‌تۆماركردنیان بێت ، تائێستاش بریارێكی تایبه‌ت بۆ جۆره‌ ئۆتۆمبێلێك نه‌دراوه‌ تاكو بڵێین بۆ جۆری تۆیۆتا ناسراو له‌كوردستان به‌ (مه‌لیكه‌) درابێت ، بۆیه‌ كه‌ وتمان ئۆتۆمبێلی بێ سه‌ره‌تا واتا هه‌موو جۆره‌كان ده‌گرێته‌وه‌ ، به‌ڵام ئه‌و جۆره‌ له‌هه‌موو ئۆتۆمبێله‌ بێ سه‌ره‌تاكانی تر حاله‌تێكی قورستری هه‌یه‌ بۆ پێدانی ژماره‌ بۆی ، چونكه‌ به‌پێی یاسای هاتووچۆی عیراق ئه‌و جۆرانه‌ سوكان گۆڕ‌دراون كه‌ به‌و شێوه‌یه‌ش بێت ، ئه‌وا به‌هیچ بڕ‌یارێك تۆمارناكرێت و ئه‌وه‌شی وتراوه‌ ته‌نیا پڕ‌وپاگه‌نده‌ی بازاری ئۆتۆمبێل بوو .
باسی له‌وه‌شكرد، ئێستاش ئۆتۆمبێلی مۆدێل كۆن له‌هه‌ولێر ده‌مرێنرێت ، به‌ڵام خاوه‌نه‌كه‌ی ناچارناكرێت به‌مراندن یا سكراب كردن به‌ڵكو هه‌ر ئۆتۆمبێلێك كه‌ تووشی رووداوی هاتووچۆ یا سووتان بێت یا بچێته‌ پشكنینی هه‌زه‌و چه‌ند جارێك له‌وێ ده‌رنه‌چێت و به‌كه‌ڵكی لێخوڕ‌ین نه‌یه‌ت و ئه‌گه‌ری چاككردنی نه‌بێت به‌و پێیه‌ی مۆدێله‌كه‌ی كۆن بووه‌ ، ئه‌وكات خاوه‌نه‌كه‌ی به‌هۆی تۆمارنه‌كردنی ناچار ده‌بێت ئۆتۆمبێله‌كه‌ی سكراب بكات و ژماره‌كه‌ی بفرۆشێته‌وه‌.
سه‌باره‌ت به‌هێنانی ئۆتۆمبێلی تاكسی مۆدێل نوێ ، موقه‌ده‌م فازڵ حاجی وتی : له‌ئێستادا هیچ بڕ‌یارێك نه‌دراوه‌ كه‌ تاكسی مۆدێل به‌رز بهێنرێته‌ هه‌رێم ، ئاماژه‌ی به‌وه‌شكرد، له‌ئێستادا 96 كامێرای چاودێری خێرایی ئۆتۆمبێل به‌هه‌موو جۆره‌كانی جێگیرو جوڵاوه‌ له‌هه‌ولێر هه‌یه‌.


PUKmedia ره‌وه‌ست نه‌وزاد - هه‌ولێر

وێنە هەواڵ
  • image04
  • لەسلێمانی بەسەرپەرشتی بافڵ تاڵەبانی و عومەر سەید عەلی كۆبوونەوەی باڵای یەكێتیی و گۆڕان بەڕێوەچوو

  • image04
  • تێكۆشەری دێرین حاجی ئیبراھیم شاڵی كۆچی دوایی كرد

  • image04
  • بافڵ تاڵه‌بانی پێشوازی له‌ هه‌ركی جه‌وهه‌رئاغای كوڕی سه‌رۆكی عه‌شیره‌تی هه‌ركی ده‌كات

  • image04
  • قوباد تاڵەبانی:كاری پێكەوەیی یەكێتی و گۆڕان دوا سپاردەو ئامانجی مام جەلال و كاكە نەوە بوو

  • image04
  • هه‌ڵمه‌تی ده‌ستگیركردنی ئۆتۆمبێلی بێ سه‌ره‌تا ده‌ستیپێكرد

  • image04
  • ٢٢/٧/١٩٧٩ لە بەندیخانەی موسڵ شەهید مەلا عەلی لە سێدارە درا

  • image04
  • ده‌وڵه‌مه‌نترین پیاوی سه‌رزه‌وی گه‌شتێك بۆ بۆشایی ئاسمان ده‌كات

  • image04
  • نزیكه‌ی 180 كه‌س له‌جیهاندا به‌هۆی لافاوه‌ گیانیان له‌ده‌ستدا


                                           

ئەڵمانیا.. كچە كوردێك خەڵاتی شاژنە دیانای پێبەخشرا


كچە كوردێكی پەنەباری ئەڵمانیا بە ناوی رۆدی عەلی خەڵاتی شاژنە دیانای پێبەخشرا كە هاوكات ئەندامی ئەنجومەنی شاری مونستەرە.

لەپای هەوڵ ...


  شیکارییەک بۆ پەیوەندییەکان و دەستپێک و سەرهەڵدان و ئاکامەکانی
   ئه‌ڵمانیا مه‌دالیای ئازایه‌تی ده‌به‌خشێته‌ كوردێك
                                           

شاده‌ عه‌لی ئه‌ده‌ب و هونه‌ر كۆده‌كاته‌وه‌


شادان عه‌لی ئه‌حمه‌د ناسراو به‌ شاده‌ عه‌لی دانیشتووی شاری سلێمانیه‌، هه‌ر له‌و شاره‌دا قۆناغه‌كانی خوێندنی ته‌واو كردووه‌...


  ئیبراهیم ڕەوف: شیعر لای من ناسنامەیە
  گه‌لاوێژ سه‌قزی: به‌چه‌ندین زمانی جیاواز گۆرانیم وتووه‌
                                           

له‌باره‌ی هه‌ولێره‌وه‌ زیاتر بزانه‌

به‌كوردی ھه‌ولێره‌و به‌زمانی عه‌ره‌بی پێی ده‌ڵێن ئه‌ربیل، ئه‌م شاره‌ شارێكی دێرینی كوردستانه‌، ئێستا ناوه‌ندی پارێزگای ھه‌...


  پێنجوێن.. وشکەساڵی زیان لەبەرهەمی جوتیاران دەدات
  کچە شێوەکارێک: بەپۆرترێت هەستەکان لە روخساری مرۆڤ دەردەخەم


کاریکاتێر