لاهور شێخ جەنگی پێشوازی لەحەیدەر عەبادی دەكات
ی.ن.ک 03:18 PM - 2021-07-12.
هاوسەرۆك لاهور شێخ جەنگی و حەیدەر عەبادی جەختیان لە مامەڵەكردنێكی حەكیمانە كردەوە لەسەر ئەو پیلانگێڕییە ناوخۆیی و دەرەكیانەی كە ڕووبەڕووی هەرێمی كوردستان و یەكێتیی بووەتەوە
ئەمڕۆ ١٢ـی ٧ـی ٢٠٢١، لاهور شێخ جەنگی هاوسەرۆكی یەكێتیی نیشتمانیی كوردستان، لە شاری سلێمانی پێشوازی كرد لە حەیدەر عەبادی، سەرۆكوەزیرانی پێشووتری عیراق و سەرۆكی هاوپەیمانیی نەسر.
لە دیدارێكدا كە هەر یەك لە رزگار عەلی كارگێڕی مەكتەبی سیاسی و د.سۆران جەمال تاهیر ئەندامی مەكتەبی سیاسیی یەكێتیی و ئاڵا تاڵەبانی سەرۆكی فراكسیۆنی سەوز لە ئەنجومەنی نوێنەران ئامادەی بوون، گفتوگۆ كرا دەربارەی بارودۆخی سیاسی و ئابووری و ئەمنیی عێراق و هەرێمی كوردستان و پرسی هەڵبژاردنەكانی داهاتوو.
هاوسەرۆك لاهور شێخ جەنگی جەختیكردەوە لەسەر پێویستی چڕكردنەوەی هەوڵی سەرجەم لایەنە كوردستانی و عیراقییەكان و گرتنەبەری دیالۆگی جدی بە ئامانجی گەیشتن بە دیدی هاوبەش بۆ چارەسەری ڕاستەقینەی كێشەكان و زاڵبوون بەسەر ئاڵنگارییەكان و هێنانەدی یەكڕیزیی نیشتیمانی لەسەر كۆی مەسەلە هەستیار و چارەنووسسازەكان كە وڵات لە هەموو كێشە و دووبەرەكی و پەرت بوونێك دەپارێزێت و ئارامی و خۆشگوزەرانی و سەقامگیری بۆ هاووڵاتیانی عیراق و كوردستان دەهێنێتەدی.
لە دیدارەكەدا هەردوولا هاوڕابوون لەسەر مامەڵەكردنێكی حەكیمانە لەسەر ئەو پیلانگێڕییە ناوخۆیی و دەرەكیانەی كە ڕووبەڕووی هەرێمی كوردستان و یەكێتیی بووەتەوە، لەو ڕووەوە هاوسەرۆك لاهور شێخ جەنگی سوپاسی پشتیوانی و هەڵوێستە واقیعییەكانی حەیدەر عەبادی كرد و دڵنیایی دایە كە پاراستنی یەكێتیی لای ئێمە لە ڕیزی پێشەوەیە.
لە بەشێكی تری دیدارەكەدا باس لە كێشە هەڵپەسێردراوەكانی نێوان حكومەتی هەرێمی كوردستان و حكومەتی فیدراڵ كرا، لاهور شێخ جەنگی رایگەیاند: وەك هاوسەرۆكی یەكێتیی نیشتمانیی كوردستان هەڵوێستی حزبەكەم دووپات دەكەمەوە بۆ بەردەوامیی گفتوگۆكان و پەنابردنە بەر دەستوور و پابەندبوونی هەردوولا بە ڕێككەوتنەكانی نێوانیان و لە پێناو چارەسەركردنی ریشەیی كێشە هەڵپەسێردراوەكان و دابینكردنی شایستە داراییەكانی هەرێمی كوردستان و مووچەی مووچەخۆران.
لە كۆتایی دیدارەكەدا باس لەهەڵبژاردنەكانی داهاتووی ئەنجوومەنی نوێنەرانی عیراق كرا و بەڕێوەچوونی هەڵبژاردنێكی پاك و بێگەرد لە وادەی دیاریكراوی خۆیدا بەگرنگزانرا بۆ سەركەوتنی پرۆسەكەو ئەنجامدانی چاكسازیی و گۆڕانكاریی لە وڵاتدا.
PUKmedia نوسینگەی رۆژنامەوانیی لاهور شێخ جەنگی
هەواڵی زیاتر
-
قوباد تاڵەبانی: هیچ هۆکارێک بوونی نییە بۆ دواخستنی هەڵبژاردن
08:53 PM - 2024-04-17 -
سەرۆک بافڵ: لەکۆتاییهێنان بە ئازارەکانی ئێزدییەکان بەردەوامدەبین
02:40 PM - 2024-04-17 -
عەمار حەکیم و قاسم ئەعرەجی سەردانی مەزاری سەرۆک مام جەلال دەکەن
11:06 AM - 2024-04-17 -
پێنج کاندیدی هەڵبژاردن دووردەخرێنەوە
09:57 AM - 2024-04-17
ئەمانەش ببینە
کوردستان 10:06 PM - 2024-04-17 سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
سبەی ئەنجومەنی سەرکردایەتی یەکێتی کۆدەبێتەوە
09:42 PM - 2024-04-17
ههوڵی هاوتاكردنی مووچهی وارسی شههیدان لهگهڵ عیراق دهدرێت
06:03 PM - 2024-04-17
قوباد تاڵەبانی: سەرکردەمان زۆرەو دەوڵەتمەدارمان کەمە
04:11 PM - 2024-04-17
سەرۆک بافڵ: هەڵبژاردن گەشە بە ئەزموونەکەمان دەدات
04:02 PM - 2024-04-17
زۆرترین خوێنراو
-
قوباد تاڵەبانی: سەرکردەمان زۆرەو دەوڵەتمەدارمان کەمە
کوردستان 04:11 PM - 2024-04-17 -
سەرۆک بافڵ: هەڵبژاردن گەشە بە ئەزموونەکەمان دەدات
کوردستان 04:02 PM - 2024-04-17 -
سەرۆک بافڵ: لەکۆتاییهێنان بە ئازارەکانی ئێزدییەکان بەردەوامدەبین
کوردستان 02:40 PM - 2024-04-17 -
قوباد تاڵەبانی: هەڵبژاردن نەکرێت زیان بەر هەرێم دەکەوێت
کوردستان 02:26 PM - 2024-04-17 -
نەسیمی نیسانی
بیروڕا 12:44 PM - 2024-04-17 -
عەمار حەکیم و قاسم ئەعرەجی سەردانی مەزاری سەرۆک مام جەلال دەکەن
ی ن ک 11:06 AM - 2024-04-17 -
"ململانێکانى رۆژهەڵاتى ناوەڕاست" لە دیداری سلێمانی دا
کوردستان 10:41 AM - 2024-04-17 -
پێنج کاندیدی هەڵبژاردن دووردەخرێنەوە
کوردستان 09:57 AM - 2024-04-17