ھاووڵاتیان بە گرنگییەوە لە رێككەوتنی یەكێتی و گۆڕان دەڕوانن
ی.ن.ک 09:23 AM - 2021-07-11.
لێپسراوان و ھاووڵاتیانی شارەزوور باس لە گرنگی ھاوپەیمانێتی نێوان یەكێتیی نیشتیمانیی كوردستان و بزووتنەوەی گۆڕان دەكەن، ئاماژە بەگرنگی رێككەوتنی نێوان ھەردوولا دەكەن و پێیانوایە ھەنگاوی لەو جۆرە لەبەرژەوەندی خەڵكی كوردستانە و دەبێتە ھۆی كەمكردنەوەی گرژی نێوان لایەنەسیاسیەكان، یەكێتی نیشتمانی كوردستان بەردەوام دەرگای كراوەبووە بۆ ئەنجامدانی ھاوپەیمانی و رێكەوتن لەگەڵ ھەر لایەنێك ئەگەر لەبەرژەوەندی كۆمەڵانی خەڵكی كوردستاندا بێت.
زیدان تەھا ھاوڵاتی لە قەزای شارەزوور بە PUKmedia ی راگەیاند: ڕێكەوتنی یەكیتی نیشتمانی كوردستان و بزوتنەوەی گۆڕان بە ڕیكەوتنیكی گرنگ و بەرھەمدار دەبینم، چونكە ھەمان دریژكراوەی ئەو ڕیكەوتنەیە كەوا لە حزوری بەڕیز جەلال تاڵەبانی و نەوشیروان مستەفا كران،
وتیشی : ئەم ڕیكەوتنە دەبێتە زەمانەتی یەگرتوووی یەك ھەڵویستی دوو حیزبی جیاواز ، زەمانەتیكیش دەبیتە بۆ پاشكۆ نەبوونیان بۆ ھیچ پارتیكی تر.
ئاماژەی بۆ ئەوەشكرد: بەم شیوەیە دەتوانن خزمەتی زیاتر و،برەوی زیاتر بە سنوری جوگرافیی خۆیان بدەن.
بەمۆ سەید ئەمین لێپسراوی ڕێكخستنی كۆمیتەی وارماوە بە PUKmedia ی ڕاگەیاند :- رێكەوتنی نێوان یەكێتی نیشتمانی كوردستان و بزوتنەوەی گۆڕان لەچوارچێوەی ئەو ھەوڵانەیە كە یەكێتی بۆ نزیكبوونەوەی لایەنەكان لەیەكتری ئەنجامی دەدات، بەتایبەتی دوای كۆنگرەی چوارەم یەكێتی گفتوگۆو دانوستاندەكانی لەگەڵ زۆربەی لایەنەكان دەست پێكردوە و دەرگاشی كراوەیە بۆ ھەموو ئەوانەی دەیانەوێ لەپێناو بەرژەوەندی خەڵكی كوردستان ھاوپەیمانی یان ھەرجۆرە رێكەوتنێكی دیكە لەگەڵ یەكێتی بكەن.
وتیشی: ڕێكەوتن ڕۆلیكی زۆری دەبێت، ئەمەش وادەكات ببیتە ھۆی ڕەخساندنی كەشێكی ئارام لەناوچەكەدا ، وەك لای ھەموان ڕون و ئاشكرایە لەماوەی ڕابڕدوودا بەھۆی ململانێی سیاسییەوە پاریزگای سلیمانی بەتایبەت دۆخێكێ خراپ و ناھەمواری بەڕیكرد.
ئاماژەی بەوەشكرد: پەكخستنی ھەندێ پرۆژە ھەبووە بەھۆی ململانێی حیزبییە وە كاریگەری ھەبووە ئەم یەك دەنگییەو ھاو پەیمانییە زۆر گرنگە، رێكەوتنی لەوجۆرە وادەكات پێگەی كورد لە بەغدا بەھێز و باشتر بێت ، چونكە كورد بەیەگرتووی و بچییتە بەغداد باشترە، نەك پارچە پارچە ئەو كاتە لاواز دەبیت ھەر لایەنیك بەشی خۆی پی ئەدرێت.
ئەوەشی خستەڕوو : ھەمیشە یەك پارچە ویەك پاكێج ویەك بەرنامە سود ی بۆ ھاووڵاتیان دەبێت، نەك چەند بەشێك و چەند بەرنامەیەك.
سەفەر ئەوبەری ھەڵسوڕاوی بزوتنەوەی گۆڕان بە PUKmedia ی ڕاگەیاند: سەبارەت بە رێكەوتنی نێوان یەكێتی و گۆڕان پێمانوایە ئەو رێكەوتنە ھەنگاوێكە بۆ ھاوسەنگی ھێزو دانانی یەك بەرنامەی بۆ كاركرن لە بەغدا، پێشتریش رێكەوتن لە نێوان ھەردوولا ھەبووە بەتایبەتی رێكەوتنی دەباشان بەسەرۆكایەتی ھەفاڵ مام جەلال و كاك نەوشیروان.
وتیشی: رێكەوتنەكە گرنگ بەڵام لەوە گرنگتر ئەوەیە بەردوام بێت ئەم ھاوپەیمانییە لە دوای ھەڵبژاردنیشەوە برەوی پی بدرێت و كاربە بەرنامەكانی ھاوپەیمانیتییكە بكرێت ، چۆنیەتی بەرێوەبردنی ھەڵبژاردنی پەرلەمانی عیراق ئەمساڵ ئەگەر بەجدی كاری لەسەر بكەین رەنگدانەوەی زۆر ئیجابی باشی دەبێت لەسەر ھاووڵاتیانی خەڵكی كوردستان.
ئاماژەی بەوەشكرد: ھاوپەیمانی لەم شێوەیە سودی بۆ بەغدایش دەبێت بەیەك دەنگ بچنە بەغداد بۆ بەدەست ھێنانی مافی ھاوڵاتیانی ھەرێمی كوردستان ، ھەروەھا سودیشی دەبێت بۆ ناوچە دابڕاوەكان بە ھەمان شێوە رەنگدانەوەی باشی ئەبێت .
ئاماژەی بەوەشكرد: پێویستە كورد تەباو یەك دەنگ بێت، لەناوخۆی خۆێدا ھاوپەیمانی لەم شێوەیە گرنگە كارلەسەر بەرنامەو ڕێبازی بكرێت وبەردەوام بێت، ھیوادارم ئەم ڕێكەوتنە ببێتە ھۆی ئارامی و ئاشتی بەتایبەت لە پارێزگای ھەڵەبجەو سلێمانی كە لەماوەی پێشوو نائارامیی پێوە دیار بوو بەتایبەت لەپارێزگای سلێمانی.
PUKmedia محەمەد عەبدولڕەحمان-شارەزوور
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25