لاهور شێخ جهنگی: دهبێت زیاتر گرنگی به پێشمهرگه بدهین و گوزهرانیان باشبكهین
ی.ن.ک 08:37 PM - 2021-07-07.
ئهمڕۆ لاهور شێخ جهنگی هاوسهرۆكی یهكێتیی نیشتمانیی كوردستان له هۆڵی تهلاری هونهر له شاری سلێمانی لهگهڵ سهرجهم فهرمانده و ئهفسهرانی هێزهكانی بهرگریی فریاكهوتن كۆبووهوه.
لهو كۆبوونهوه فراوانهدا كه ههریهك له لیوا چهتۆ ساڵح بریكاری وهزیری ناوخۆ و مستهفا چاوڕهش فهرماندهی هێزهكانی حهفتا و وهستا ڕهسوڵ ڕاوێژكاری سهربازیی هاوسهرۆكان و جهلال شێخ ناجی لێپرسراوی ههواڵگریی پێشمهرگه و لیوا كاكهمهند كاكه ڕهش فهرماندهی فهرماندهیی پێشمهرگهی بهرگریی فریاكهوتن و عهبدوڵا كانی بهردینه لێپرسراوی مهڵبهندی پێشمهرگه ئامادهیبوون، لاهور شێخ جهنگی ئاماژهی به به گیانفیدایی و قارهمانییهتی ئهو هێزه نیشتیمانپهروهره كرد و ڕایگهیاند: له ناخی دڵمهوه سوپاسی ماندووبوون و قوربانیدانهكانتان دهكهم كه له ڕابردوودا له ڕیزی پێشهوهی بهرگریكردندا بوون دژی داعش و به خوێنی خۆتان بهرگریتان له خاك و خهڵكی كوردستان كرد و چهندین داستانی بهرهنگاریتان تۆمار كردووه و خاوهنی دهیان شههید و بریندارن.
دواتر لاهور شێخ جهنگی بارودۆخی گشتیی عێراق و ههرێمی كوردستانی بۆ ڕوونكردنهوه و سیاسهت و بهرنامهی یهكێتیی بۆ باسكردن له دوای كۆنگرهی چوارهم، هاوكات دهستكهوتهكانی دوای كۆنگرهی خسته ڕوو و ڕایگهیاند: ئهو دهستكهوتانه به پشتیوانی و هۆشیاریی كادرهكانمان و سهركردایهتیی یهكێتیی به دهستهاتوون، به تایبهت له ڕووی گهشهكردنی ڕێكخراوهیی و نوێكردنهوهی ئۆرگانهكان و پێشخستنی پهیوهندییهكان لهگهڵ سهرجهم لایهنه كوردستانی و عێراقییهكان و بههێزیی پێگهی یهكێتیی له بهغدا.
جهختیشیكردهوه كه یهكێتیی به ستراتیژێكی نوێ و به شێوهیهكی ژیرانه مامهڵهی لهگهڵ ڕووداو و گۆڕانكارییهكاندا كردووه به لهبهرچاوگرتنی بهرژهوهندیی باڵای میللهتهكهمان ڕووبهڕووی ئاڵنگارییهكان بووهتهوه.
لاهور شێخ جهنگی ئاماژهی به بهردهوامیی مهترسییهكان كرد و ڕایانگهیاند: ئهم دۆخه پێویستی به تهبایی و یهكڕیزیی ههموو لایهنهكان ههیه بۆ ئهوهی مهترسییهكان لهسهر ههرێمهكهمان دووربخهینهوه، ئهگهر وریا نهبین زیانی زۆر بهر ئهزموونهكهمان دهكهوێت، ههر بۆیه دهبێت زیاتر گرنگی به هێزی پێشمهرگه بدهین و پڕچهك بكرێن و مهشق و ڕاهێنانی سهربازی و پێداویستییهكانیان بۆ دابین بكرێت و گوزهرانیان باش بكرێت، لهو چوارچێوهیهشدا یهكێتیی نیشتمانیی كوردستان هاندهری پرۆسهی یهكخستنی پێشمهرگهیه و ئامانجیهتی كه ههرێمهكهمان هێزێكی دامهزراو و نیزامیی مهشقپێكراوی تۆكمهی ههبێت بهو مهرجهی باڵانسی هێز تێدا پارێزراو بێت و سهركردایهتییهكهی ڕوون بێت.
لهكۆتاییدا هاوسهرۆك ئاماژهی به گرنگی و چارهنوسسازی ههڵبژاردنی داهاتوو كرد و جهختیكردهوه كه پێكهێنانی هاوپهیمانیی كوردستان له نێوان یهكێتیی و بزوتنهوهی گۆڕان ههنگاوێكی ئازایانهی ههردوولایه بۆ ئارامی و كۆتاییهێنان به ململانێی سیاسی و ڕهچاوكردنی بهرژهوهندیی باڵای میللهتهكهمانه بۆ هێنانهدی یهكڕیزیی نیشتمانی و نهتهوهیی و بههێزیی دهنگی كورده له بهغدا، تا لهو ڕێگهیهوه و به چهكی دهستوور و خهباتی پارلهمانی مافهكانی گهلی كورد بهدهست بهێنین و مووچهی مووچهخۆران و شایسته داراییهكان زامن بكهین.
PUKmedia
هەواڵی زیاتر
-
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
04:11 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
12:02 PM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
10:52 AM - 2024-04-23 -
سەرۆککۆماری تورکیا سەردانی ھەولێری کرد
10:28 PM - 2024-04-22
ئەمانەش ببینە
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
ئەمڕۆ خەڵاتی زێرینی بلە دابەشدەکرێت
09:29 AM - 2024-04-23
سەرۆککۆماری عیراق و تورکیا: کێشەکان بە دیالۆگ چارەسەربکرێن
03:19 PM - 2024-04-22
زۆرترین خوێنراو
-
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
کوردستان 11:33 AM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
ی ن ک 10:52 AM - 2024-04-23 -
ئەمڕۆ خەڵاتی زێرینی بلە دابەشدەکرێت
کوردستان 09:29 AM - 2024-04-23 -
سەرۆککۆماری تورکیا سەردانی ھەولێری کرد
کوردستان 10:28 PM - 2024-04-22 -
قەبارەی ئاڵوگۆڕی بازرگانی نێوان عیراق و تورکیا بەرزدەبێتەوە
عیراق 09:50 PM - 2024-04-22 -
دارا خەیلانی: یەکێتی پابەندە بە هەڵبژاردنی پەرلەمان لەوادەی خۆیدا
کوردستان 08:40 PM - 2024-04-22 -
كونسوڵخانەی ئەمریكا: پشتیوانی لە ئازادی میدیا دەكەین
کوردستان 05:20 PM - 2024-04-22 -
هاوخەمییەكان بۆ كۆچیدوایی عەلی شامار پێشمەرگە و تێكۆشەری دێرین
ی ن ک 05:15 PM - 2024-04-22