تەندروستی عیراق هۆشداری دەدات

.

وەزارەتی تەندروستی عیراق لەبەیاننامەیەكدا هۆشداری شەپۆلی سێیەمی كۆرۆنا دەدات.

وەزارەتی تەندروستی عیراق لەبەیاننامەكەیدا ئاشكرایكردوە:" ژمارەی تووشبووانی كۆرۆنا لەعیراق لەبەرزبوونەوەدایەو ئەمەش مەترسی هاتنی شەپۆلی سێیەمی كۆرۆنا دەكرێت لەوڵات".

ئەوەشی وتووە:" سەرەڕای كوتانی هاووڵاتیان بەڤاكسینی كۆرۆنا بۆ بەرزبوونەوەی بەرگری لەشیان بەڵام لەوڵاتانی دەوروبەرو جیهان ژمارەی تووشبووان بەردەوام لەبەرزبونەوەدایە".

رونیشكراوەتەوە:" بۆیە پێویستە هاووڵاتیان پابەندی رێنماییە تەندروستیەكان بن و هەموو لایەك هەوڵی هوشیاركردنەوەی زیاتری هاووڵاتیان بدەن".

جەختیشكراوەتەوە:" بەیاننامەكەی وەزارەتی تەندروستی عیراق بەپشت بەستنە بەوئامارانەی كە رۆژانە لەپارێزگاكان تۆمار دەكرێن.

PUKmedia ئاژانسەكان