هەڵەبجە.. وەرگرتنی گەنمی جوتیاران دەستیپێکرد

.

پرۆسەی وەرگرتنی گەنمی جوتیاران لە بنکەی وەرگرتنی گەنم لەپارێزگای هەڵەبجە دەستیپێکرد و بڕیارە 17 هەزار تۆن گەنم وەربگیرێت.

عەبدولکەریم محەمەد بەڕێوبەری بنکەی وەرگرتنی گەنمی جوتیاران لەلێدوانێکدا بە PUKmedia ی ڕاگەیاند: 17 هەزار تۆن گەنم وەردەگرن لەم ساڵداو تا ئێستاش ئەو گەنمە پێیان گەیشتوە جۆرێکی باشه.

وتیشی: بڕەکە دیاری کراوەو بە پێی ڕێکەوتنی هەرێم و بەغدابووە، بەڵام گەر بڕەکە زیاتربوو لەوەی دیاری کراوە ئەوا هەوڵی دیکەیان بۆ دەدەین و گرفتەکانیان چارەدەکەین.

حکومەتی عیراق بۆ ئەم ساڵ 375 هەزار تۆن گەنم لە جوتیارانی هەرێمی کوردستان بە پێی ڕێکەوتنی هەردوولا وەردەگرێت.

PUKmedia فەرحان حەمەخان_هەڵەبجە