فەرید ئەسەسەرد:ئەنجامەکانی هەڵبژاردن هاوپەیمانی یەکێتی و گۆڕان بەردەوام دەکات
ی.ن.ک 03:12 PM - 2021-06-23.
سکرتێری ئەنجومەنی سەرکردایەتی یەکێتی لە چاوپێکەوتنێکدا باس لە هاوپەیمانی یەکێتی و گۆڕان دەکات و دەڵێت هاوپەیمانییەکە لەسەر بنەمایەکی راست و بەهێز دروست کراوەو متمانەیەکی بەهێز لەنێوانمان هەیە و سەرکەوتنی ئەنجامەکانی هەڵبژاردن وا دەکات هاوپەیمانی یەکێتی و گۆڕان بەردەوام بێت و وادەکات لەداهاتوو پەیوەندیەکان پتەوتر بکرێن و هەنگاوی باشتر بنێت.
فەرید ئەسەسەرد سکرتێری ئەنجومەنی سەرکردایەتی یەکێتیی نیشتمانیی کوردستان لە چاوپێکەوتنێکیدا لە رادیۆی دەنگی گەلی کوردستان لەبارەی لیستی هاوبەشی هاوپەیمانی یەکێتی و گۆڕانەوە وتی: ئەمە یەکەم جار نییە دوو لایەن یان چەند لایەنێک لەهەڵبژاردندا هاوبەشی بکەن و پێکهێنانی ئەم هاوپەیمانییە بەڕای ئێمە پێویستە و هەم یەکێتی و هەم گۆڕانیش پێویستیان بەم یەک لیستییە بوو، بۆئەوەی پتەوتر بەشداری هەڵبژاردن بکەن و ئەنجامێکی بەهێزترمان هەبێت.
وتیشی: هاوپەیمانی یەکێتی و گۆڕان لەسەر بنەمایەکی راست و بەهێز دروست کراوەو متمانەیەکی بەهێز لەنێوانمان هەیەو ئەمە کارێکی یاساییە و هەموو حزبێک مافی خۆیەتی بە هاوبەشی بەشداری هەڵبژاردن بکات و سەرکەوتنی ئەنجامەکانی هەڵبژاردنیش وا دەکات هاوپەیمانی یەکێتی و گۆڕان بەردەوام بێت و وادەکات لەداهاتوو پەیوەندیەکان پتەوتر بکرێن و هەنگاوی باشتر بنێین و لەو بڕوایەشداین چیتر پەیوەندی یەکێتی و بزوتنەوەی گۆڕان بەرەو خراپی ناچێت.
ئاماژەی بەوەشکرد، لەگەڵ لایەنە ئیسلامییەکان لێک تێگەیشتنمان هەیە بەڵام نەگەیشتوینەتە هاوپەیمانی و لایەنەکانی تر وایان پێ باش بوە بەتەنیا بەشداری بکەن و ئەوەش مافی خۆیانە و پێشمان وایە پێکهێنانی هاوپەیمانی ئێمەش هیچ کاتێک مەترسی نییە بۆسەر هیچ لایەنێک.
لەبارەی پەیوەندیەکانی هەرێم و بەغداشەوە وتی: دەبێت لایەنە سیاسیەکانی هەرێم رەخنە لەخۆمان بگرین کە ماوەیەک بەغدامان فەرامۆش کردبوو کە زیانی بۆ هەرێم و بۆ لایەنەکان و بۆ بەغداش هەبوو، هەلەیەک بوو کردمان بەڵام بەم دواییانە توانیمان قەرەبووی بکەینەوە، لە ئێستاشدا بڕیاری یەکێتی ئەوەیە کە ئیتر پێبڕی بەغدا نەبین و بەردەوام هەماهەنگیمان هەبێت و هەندێک دامودەزگاشمان هەبێت بەبەردەوامی نوێنەرایەتی ئێمە بکات لە بەغدا و لە مەکتەبی سیاسی و لە ئەنجومەنی سەرکردایەتیش ئەم پرسە بوە بە بڕیار، لەم سەردانانەی کۆتاییش بۆمان دەرکەوت کە هیچ کام لە لایەنەکانی بەغدا گرژییان بەرامبەر حکومەتی هەرێم و بەتایبەت یەکێتی نییە.
PUKmedia تایبەت
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18