سوید.. شۆڕش قادر وه‌ك نوێنه‌ری حكومه‌تی هه‌رێمی كوردستان ده‌ستبه‌كار بوو

سوید.. شۆڕش قادر وه‌ك نوێنه‌ری حكومه‌تی هه‌رێمی كوردستان ده‌ستبه‌كار بوو


23/6/2021 10:36:00
چاپ کردن
بە وێنەوە    بە بێ وێنە
           
.

ڕۆژی 21-6-2021 له‌شاری ستۆكهۆڵم پایته‌ختی وڵاتی سوید به‌ئاماده‌بوونی دابان شه‌ده‌ڵه‌ جێگری لێپرسراوی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان و وه‌فدی یاوه‌ری وكارمه‌ندان و فه‌رمانبه‌رانی نوێنه‌رایه‌تی حكومه‌تی هه‌رێمی كوردستان له‌ سوید، شۆڕش قادر ڕه‌حیم وه‌ك نوێنه‌ری حكومه‌تی هه‌رێمی كوردستان ده‌ستبه‌كار بوو.

 سه‌ره‌تای ڕێوڕه‌سمه‌كه‌ دابان شه‌ده‌ڵه‌ به‌ناوی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان پیرۆزبایی ئاراسته‌ی شۆڕش قادر ڕه‌حیم وه‌ك نوێنه‌ری حكومه‌تی هه‌رێمی كوردستان كرد، شه‌ده‌ڵه‌ باسی له‌ گرنگی و هه‌بوونی نوێنه‌رایه‌تی حكومه‌تی هه‌رێمی كوردستانی كرد و تێدا ئاماژه‌ی به‌وه‌ كرد سه‌رۆكی حكومه‌تی هه‌رێم و جێگری سه‌رۆكی حكومه‌تی هه‌رێم زۆر به‌بایه‌خه‌وه‌ ئه‌ڕوانه‌ نوێنه‌رایه‌تی حكومه‌ت له‌ وڵاتی سوید، به‌وپێیه‌ی ژماره‌یه‌كی یه‌كجار زۆری ڕه‌وه‌ندی كوردی تێدا ده‌ژی و ئه‌مه‌و له‌مێژه‌ وڵاتی سوید چ حكومه‌ت و چ په‌رله‌مان و زۆربه‌ی زۆری پارته‌ سیاسییه‌كانی سوید دۆستی كورد و كوردستانن.

 دابان شه‌ده‌ڵه‌ له‌درێژه‌ی وته‌كه‌یدا باسی ڕۆڵی گرنگی ده‌ستبه‌كار بوونی شۆڕش قادری كرد كه‌پێشتر به‌سه‌ركه‌وتویی كاری نوێنه‌رایه‌تی كردووه‌ و كه‌سێكی چست و چالاكه‌ و توانیه‌تی په‌یوه‌ندی دۆستایه‌تی حكومه‌تی هه‌رێم و وڵاتی سوید پته‌وتر بكات.

دابان شه‌ده‌ڵه‌ به‌ناوی لێپرسراوی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان هیوای سه‌ركه‌وتنی بۆ شۆڕش قادر ڕه‌حیم خواست.

له‌كاتی یه‌كه‌م ساتی ده‌ستبه‌كار بوونیدا وه‌ك نوێنه‌ری حكومه‌تی هه‌رێمی كوردستان له‌ سوید شۆڕش قادر ڕه‌حیم وتی: هێنده‌ی من بزانم و زۆر له‌وه‌ش زیاتر وڵاتی سوید بایه‌خێكی ته‌واوی داوه‌ به‌ هه‌رێمی كوردستان له‌ئان و زه‌مان و كاته‌هه‌ستیاره‌كاندا سوید هه‌میشه‌ هاوكاری حكومه‌تی هه‌رێمی كوردستان بووه‌،جارێكی تر ده‌ستبه‌كار بوونی من بۆ ئه‌م پۆسته‌ مایه‌ی شانازیمه‌ و زیاتر هه‌وڵی نزیك بوونه‌وه‌ی حكومه‌تی هه‌رێم و وڵاتی سوید ده‌ده‌م، هه‌وڵی زیاتر ئه‌خه‌مه‌ كار بۆ گه‌شه‌سه‌ندنی په‌یوه‌ندییه‌كانمان له‌ته‌ك حیزبه‌ سویدییه‌كان و كه‌سایه‌تییه‌ به‌ناوبانگه‌كانی سوید له‌سه‌رو هه‌موویانه‌وه‌ وه‌زیره‌كان و ئه‌ندام و سه‌رۆك په‌رله‌مان، به‌ڵێنی وه‌فاداری و ڕاستگۆیی خۆم هه‌م بۆ سه‌رۆك و جێگری سه‌رۆكی حكومه‌تی هه‌رێم ده‌ده‌م هه‌وڵی زیاتر ده‌ده‌م بمه‌ پردێكی ڕاستگۆیی نێوان سوید و حكومه‌تی هه‌رێمی كوردستان و حكومه‌تی عێراقی فیدراڵ.


 
PUKmedia  فه‌لاح ئه‌حمه‌د ڕه‌شید- سوید

وێنە هەواڵ
  • image04
  • ٢٢/٧/١٩٧٩ لە بەندیخانەی موسڵ شەهید مەلا عەلی لە سێدارە درا

  • image04
  • ده‌وڵه‌مه‌نترین پیاوی سه‌رزه‌وی گه‌شتێك بۆ بۆشایی ئاسمان ده‌كات

  • image04
  • نزیكه‌ی 180 كه‌س له‌جیهاندا به‌هۆی لافاوه‌ گیانیان له‌ده‌ستدا

  • image04
  • .

  • image04
  • باوکە گیان رێنیشاندەر و رابەری مێژووییمان

  • image04
  • بەڕێوەبەری تەندروستی زیقار دەستی لە كاركێشایەوە

  • image04
  • 63 ساڵ بەسەر شۆڕشی 14ی تەموز تێدەپەڕێت

  • image04
  • ئاستی ئاوی دەریاچەی دوكان 8 مەتر كەمی كردووە


                                           

ئەڵمانیا.. كچە كوردێك خەڵاتی شاژنە دیانای پێبەخشرا


كچە كوردێكی پەنەباری ئەڵمانیا بە ناوی رۆدی عەلی خەڵاتی شاژنە دیانای پێبەخشرا كە هاوكات ئەندامی ئەنجومەنی شاری مونستەرە.

لەپای هەوڵ ...


  شیکارییەک بۆ پەیوەندییەکان و دەستپێک و سەرهەڵدان و ئاکامەکانی
   ئه‌ڵمانیا مه‌دالیای ئازایه‌تی ده‌به‌خشێته‌ كوردێك
                                           

ئیبراهیم ڕەوف: شیعر لای من ناسنامەیە


ئیبراهیم ڕەوف شاعیرو ڕەخنەگرو ڕۆژنامەنووس ساڵی 1961 لە شارۆچكەی دەربەندیخان لەدایك بووە،  ساڵانیكە شیعر دەنوسێت و هەروەها وەك  ڕەخنەگرێكی پەخشانی كو...


  گه‌لاوێژ سه‌قزی: به‌چه‌ندین زمانی جیاواز گۆرانیم وتووه‌
  گوڵستان ئه‌حمه‌د له‌شه‌ش پاڵه‌وانێتی پله‌ی یه‌كه‌م به‌ده‌ستده‌هێنێت


کاریکاتێر