هاوسەرۆك: بەشداریكردنی ئێزدییەكان لە رێككەوتننامەی شنگال گرنگە بۆ ئارامی قەزاكە
ی.ن.ک 01:42 PM - 2021-06-22.
ئەمڕۆ سێ شەممە 22-6-2021، لاهور شێخ جەنگی هاوسەرۆكی یەكێتیی نیشتیمانیی كوردستان لە شاری سلێمانی پێشوازیكرد لە ماتیۆ تولەر باڵیۆزی ئەمەریكا لە عیراق و رۆب واڵەر كونسوڵی گشتیی ئەمەریكا لە هەرێمی كوردستان و وەفدێكی هاوڕێیان.
لە دیدارێكدا بیروڕا ئاڵوگۆڕكرا دەربارەی دوا پێشهات و گۆڕانكارییەكانی عیراق و هەرێمی كوردستان لە هەموو ئاستەكان، لەگەڵ دۆزینەوەی ڕێگەچارەی گونجاو بۆ زاڵبوون بەسەر ئاڵنگارییەكاندا.
هەردوولا هاوڕا بوون لەسەر یەكڕیزیی نێوان لایەنەكان لە پێناو ئارامی و سەقامگیریی سیاسیی هەرێم.
هاوسەرۆك لاهور شێخ جەنگی ئاماژەیكرد بە پێكهێنانی لیستی هاوپەیمانی كوردستان كە لە نێوان یەكێتیی و بزوتنەوەی گۆڕان بۆ هەڵبژاردنەكانی داهاتوو لە پێناو یەكڕیزی و بەهێزیی پێگەی كورد لە بەغدا.
وتیشی: هاندەر دەبین بۆ لایەنەكانی تر كە دوای هەڵبژاردن بێنە ژێر چەتری ئەو هاوپەیمانیەتییە، چونكە ئێمە وایدەبینین بەیەكەوە بەهێزترین و دەتوانین تەواوی مافەكانی كورد لە بەغدا بەدەستبهێنین.
راشیگەیاند: ئێمە بەشداریی شەڕی دۆڕاوی براكوژی ناكەین و داوا دەكەین بە ئاشتی كۆتایی بەو گرژیانە بهێنرێت كە لە ئارادان.
دووپاتیشی كردەوە: وەك یەكێتیی نیشتمانیی كوردستان، ئامادەیی خۆمان دەربڕیوە بۆ چاكسازیی و یەكخستنی هێزی پێشمەرگەی كوردستان، جەختیشیكردەوە، كە ڕاگرتنی بنەمای هاوسەنگی و باڵانسی هێز و یەكسانی لە فەرماندەیی و مەشق و چەكدا دەبێتە مایەی زەمینەیەكی گونجاو بۆ یەكخستنی هێزی پێشمەرگە و هەرێمی كوردستانیش دەببێتە خاوەنی هێزێكی نیزامی مەشقپێكراوی تۆكمەی نیشتمانی.
هاوسەرۆك بەردەوامی مانەوەی هێزەكانی هاوپەیمانی نێودەوڵەتی لە عیراق بە پێویست زانی بۆ هاوكاریكردنی سوپای عیراق و هێزی پێشمەرگە بە تایبەت لە شەڕی روبەڕوبوونەوەی تیرۆر، ئاماژەی بە دۆخی شنگال كرد و جەختیكردەوە لەسەر پەراوێزنەخستن و بەشداریپێكردنی ئێزدییەكان لە چوارچێوەی ڕێككەوتنامەی شنگال كە فاكتەرێكی گرنگە بۆ دابینكردنی ئارامی قەزاكە.
لە بەشێكی تری دیدارەكەدا هاوسەرۆك لاهور شێخ جەنگی پێزانینی خۆی پێشكەش بە رۆب واڵەر كونسوڵی گشتیی ئەمەریكا لە هەرێمی كوردستان كرد بە بۆنەی كۆتاییهاتنی ئەركەكەی و لە هەرێم، هیوای سەركەوتنمان بۆ خواست لە ئەركەكانی داهاتووی.
وتیشی: وەك سەرۆكایەتی یەكێتیی نیشتمانیی كوردستان پشتیوانی بۆ هەوڵ و چالاكی رێكخراوەكانی مافی مرۆڤ لە هەرێمی كوردستان دەردەبڕین.
لای خۆیەوە باڵیۆزی ئەمریكا هاوڕایی خۆی دوپاتكردەوە بۆ سەرنج و روانینەكانی هاوسەرۆكی یەكێتیی نیشتیمانیی كوردستان و سوپاسی پشتیوانیەكانی بەرێزیانكرد لە چاكسازی و یەكخستنەوەی هێزی پێشمەرگە.
PUKmedia تایبەت
هەواڵی زیاتر
-
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27
ئەمانەش ببینە
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
10:17 PM - 2024-03-27
زۆرترین خوێنراو
-
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28 -
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
کوردستان 12:56 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
کوردستان 11:57 AM - 2024-03-28