هەرێم.. وەرگرتنی گەنمی جوتیاران دەستپێدەکات

.

وەزارەتی بازرگانی و پیشەسازی هەرێم دوای ئاگاداری حکومەتی عیراق دەست بەوەرگرتنی گەنمی جوتیاران دەکات و داواش لە جوتیاران دەکات پابەندی رێنماییەکان بن.

لەو بارەیەوە نەوزاد شێخ کامیل بەڕێوەبەری گشتی بازرگانی هەرێم بە PUKmedia ی راگەیاند: لەلایەن وەزارەتی بازرگانی حکومەتی عیراقەوە ئاگادار کراوینەتەوە کە دەست بە وەرگرتنی گەنمی جوتیاران بکەین لە هەرێمی کوردستان.

وتیشی: داوا لە سایلۆکان کراوە کە لە سبەینێ سێ شەممە ٢٢_٦_٢٠٢١ دەست بە وەرگرتنی گەنم بکرێت.

بەڕێوەبەری گشتی بازرگانی هەرێم  داواشی لە جوتیاران کرد کە پابەندی رێنماییەکانی رێکاری گەیاندنی گەنمەکە بن بۆ سایلۆکان.

PUKmedia بیلال بارزان