د.سۆران پێشوازی کرد لە سکرتێری حزبی چەپی کوردی سوریا

.

ئەمڕۆ ٢٠٢١/٦/٢٠ د.سۆران جەمال تاهیر ئەندامی مەکتەبی سیاسی و لێپرسراوی مەکتەبی پەیوەندییەکان پێشوازی کرد لە دۆستی دێرینی سەرۆک مام جەلال بەڕێز محەمەد موسا، سکرتێری حزبی چەپی کوردی سوریا.

لە دیدارێکدا باس لە دوایین گۆڕنکاری ناوچەکە کرا، تیشک خرایە سەر دۆخی نەخوازراوی رۆژئاوا کە لەئێستا پێوستی بە هاوکاری نێودەوڵەتی هەیە، یەکێتی هەردەم لەگەڵ ئەوە بووە کە کە کێشەکان بە گفتوگۆ چارەسەر بکرێت و دوور بکەوینەوە لە گرژی و شەڕ.

دواتر باس لە هەڵبژاردنەکانی داهاتووی عیراق کرا، جەختکرایەوە کە ئەمە هەڵبژاردنێکی چارەنووسسازە بۆ گەلی کوردو دەبێت هەموومان بە گڕوتینەوە بەشداری ئەم هەڵبژاردنانە بکەین.

PUKmedia تایبەت