روانگه‌ و نه‌یارانی له‌ كۆڕێكدا

.

ئێواره‌ی ئه‌مڕۆ 19-6-2021، له‌ هۆڵی ناوه‌ندی ڕۆشنگه‌ریی چاودێر، بنكه‌ی روناكبیریی گه‌لاوێژ، كۆڕێكی به‌ ناونیشانی (روانگه‌ و نه‌یارانی) بۆ نوسه‌ر و روناكبیر فوئاد مه‌جید میسری ساز كرد.

له‌ كۆڕه‌كه‌دا كه‌ ژماره‌یه‌ك له‌ نوسه‌ران و مامۆستایانی زانكۆ ئاماده‌بوون و له‌ گفتوگۆیه‌كی كراوه‌دا له‌گه‌ڵ نوسه‌ر فوئاد مه‌جید میسری چه‌ند بابه‌تێكی ڕه‌خنه‌یی و مێژووی روانگه‌ باسی له‌سه‌ركرا.

 دواتر خه‌ڵاتی رێزلێنانی بنكه‌ی گه‌لاوێژ پێشكه‌ش به‌ نوسه‌ر و روناكبیر فوئاد مه‌جید میسری كرا.

فوئاد مه‌جید میسری له‌ ساڵی 1945 له‌ سلێمانی گه‌ڕه‌كی مه‌ڵكه‌ندی له‌ دایكبووه‌.

*خوێندنی سه‌ره‌تایی و ناوه‌ندیی و ئاماده‌یی هه‌ر له‌ سلێمانی ته‌واو كردووه‌.
*له‌ساڵی 1972 ه‌وه‌، ده‌ستی كردووه‌ به‌ نووسین و به‌ ره‌خنه‌ی ئه‌ده‌بی ده‌ستیپێكردووه‌.
*یه‌كێكه‌ له‌و نووسه‌رانه‌ی زۆرترین بابه‌تی ره‌خنه‌یی له‌سه‌ر بابه‌ته‌كانی ئه‌ده‌بیاتی (روانگه‌) نوسیوه‌و له‌ بڵاوكراوه‌كانی (هاوكاری، رۆشنبیری نوێ‌، رۆژی كوردستان، بیری نوێ‌، ژین) دا بڵاویكردووه‌ته‌وه‌.

PUKmedia ڤینۆس تۆفیق