وه‌زاره‌تی دارایی: كێشه‌ی سندوقی شێرپه‌نجه‌ به‌سیاسی كراوه‌

.

وه‌زاره‌تی دارایی و ئابوری بۆ ڕای گشتی له‌باره‌ی پاره‌ی شێرپه‌نجه‌ روونكردنه‌وه‌یه‌ك بڵاوده‌كاته‌وه‌و ئاماژه‌ بۆ ئه‌وه‌ده‌كات، سندوقی شێرپه‌نجه‌ هیچ په‌یوه‌ندی به‌ئێمه‌وه‌ نیه‌.

ده‌قی روونكردنه‌وه‌كه‌...
1- كێشه‌ی سندوقی شێرپه‌نجه‌ به‌ دوور و نزیك په‌یوه‌ندی به‌ وه‌زاره‌تی دارایی و ئابورییه‌وه‌ نییه‌ و حساباتیان تایبه‌ته‌ و خۆیان به‌بێ گه‌ڕانه‌وه‌ بۆ وه‌زاره‌تی دارایی و ئابوری و پاره‌ی لێ خه‌رج ده‌كه‌ن.

2- ڕێژه‌ی 2% په‌یوه‌ندی  به‌ سندوقی شێرپه‌نجه‌ی خه‌رجیه‌كانه‌وه‌ نییه‌ و رێنمایه‌كی كۆنه‌ و په‌یوه‌ندی به‌ خه‌رجكردنی شایسته‌ی دارایی ده‌رمانه‌وه‌ هه‌یه‌.
3- وه‌زاره‌تی دارایی و ئابوری له‌گه‌ڵ به‌ڕێوبه‌ری گشتی  بانكی ناوه‌ندی هه‌رێم لقی سلێمانی (كاك عه‌بدولڕه‌حمان) و به‌ڕێوه‌به‌ری گشتی ته‌ندروستی(د. سه‌باح) ڕێكه‌وتوون. كه‌ پاره‌ی كڕینی ده‌رمان چاره‌سه‌ر بكه‌ن و به‌پێی سیوله‌ پاره‌یان بۆ خه‌رج بكرێت وه‌كو ساڵانی پێشوو.
4- كێشه‌ی سندوقی شێرپه‌نجه‌ و كێ سه‌رپه‌رشتیاری بووه‌ كێشه‌یه‌كی سیاسییه‌ و وه‌زاره‌تی دارایی و ئابوری لێی به‌رپرسیار نییه‌.
5- له‌ رۆژی 15/6/2021 كێشه‌ی(بدل عیادات) و (میلاكات) به‌ هه‌ماهه‌نگی له‌گه‌ڵ سه‌رۆكایه‌تی دیوانی ئه‌نجومه‌نی وه‌زیران چاره‌سه‌ركراوه‌و به‌بێ ئه‌وه‌ی په‌یوه‌ندی راسته‌وخۆی به‌ داراییه‌وه‌ هه‌بووبێت.
6- كێشه‌ی پێدانی ره‌زامه‌ندی داواكاری نه‌خۆشخانه‌ی هیوا بۆ وه‌رگرتنی 500 ملیۆنی مانگانه‌ له‌ ڕێگه‌ی وه‌زاره‌تی ته‌ندروستیه‌وه‌ بۆ ئه‌نجومه‌نی وه‌زیران به‌رزكراوه‌ته‌وه‌، ئه‌وه‌ش دوور و نزیك په‌یوه‌ندی به‌ وه‌زاره‌تی دارایی و ئابورییه‌وه‌ نییه‌.
7- وه‌زاره‌تی دارایی و ئابوری هه‌روه‌كو پیشه‌ی خۆی به‌رده‌وام ده‌بێت له‌سه‌ر هاوكاری و چاره‌سه‌ركردنی كێشه‌كانی ته‌ندروستی له‌ هه‌موو هه‌رێمی كوردستان.

PUKmedia راگه‌یاندنی وه‌زاره‌تی دارایی