موسڵ.. هێزه‌ ئه‌منییه‌كان ده‌ست به‌سه‌ر ژماره‌یه‌ك موشه‌كدا ده‌گرن

.

وه‌زاره‌تی ناوخۆی عیراق ده‌ستبه‌سه‌راگرتنی ژماره‌یه‌ك موشه‌كی له‌ رۆژئاوای پارێزگای موسڵ راگه‌یاند.

شانه‌ی راگه‌یاندنی ئه‌منی عیراق رایگه‌یاند: هێزه‌كانی سه‌ر به‌ فه‌رمانده‌ی ئۆپه‌راسیۆنه‌ سه‌ربازییه‌كانی رۆژئاوای موسڵ له‌ناوچه‌ی عه‌لكانه‌ی سه‌ربه‌ ناحیه‌ی ره‌بیعه‌ له‌ رۆژئاوای پارێزگای موسڵ ده‌ستیان به‌سه‌ر پێنج موشه‌كی گرتوه‌.

به‌پێی راگه‌یه‌نراوه‌كه‌ی شانه‌ی راگه‌یاندنی ئه‌منی، ئه‌وكه‌سانه‌ی كه‌ ئه‌و موشه‌كانه‌یان له‌وشوێنه‌دا جێگیركردووه‌، به‌رله‌وه‌ی هێزه‌ ئه‌منییه‌كان بگه‌نه‌ ئه‌وشوێنه‌، هه‌ڵاتون.

PUKmedia راگه‌یاندنی شانه‌ی ئه‌منی عیراق