ئه‌مریكا لێكۆڵینه‌وه‌ له‌ دۆسیه‌ی 4 ھه‌زار كۆچبه‌ری عیراقی ده‌كات

.

وه‌زاره‌تی ده‌ره‌وه‌ی ئه‌مریكا رایگه‌یاندووه‌، لێكۆڵینه‌وه‌ له‌ دۆسیه‌ی 4 ھه‌زار كۆچبه‌ری عیراقی ده‌كات، هه‌ر كه‌سێك له‌وانه‌ به‌ به‌ڵگه‌نامه‌ی ناڕاسته‌وه‌ هاتبێته‌ ئه‌مریكا دیپۆرتی وڵاته‌كه‌ی ده‌كرێته‌وه‌.

وه‌زاره‌تی ده‌ره‌وه‌ی ئه‌مریكا له‌ راپۆرتێكدا ئاماژه‌ی به‌ئه‌وه‌كردوه‌ له‌ ئێستادا ده‌سه‌ڵاتدارانی وڵاته‌كه‌یان لێكۆڵینه‌وه‌ ده‌كه‌ن له‌ دۆسیه‌ی 4 ھه‌زار عیراقی كه‌ به‌ به‌ڵگه‌ی ناراسته‌وه‌ وه‌ك كۆچبه‌ر ھاتونه‌ته‌ ئه‌مریكا، ئه‌گه‌ربێت و ئه‌و تاوانه‌ بسه‌پێت به‌سه‌ریاندا ئه‌وه‌ ده‌یانگه‌رێننه‌وه‌ وڵاته‌كه‌ی خۆیان.

ھه‌ر له‌و راپۆرته‌ی وه‌زاره‌تی ده‌ره‌وه‌دا ھاتوه‌ تا ئیستا كه‌یسی 500 كۆچبه‌ریان یه‌كلابۆته‌وه‌ كه‌ له‌ تاوانی كوشتن و تیرۆره‌وه‌ تێوه‌گلاون، ئه‌وه‌ش وا ده‌كات به‌ زووترین كات ره‌گه‌زنامه‌ی ئه‌مریكیان لیبسێنرێته‌وه‌و ره‌وانه‌ی عیراق بكرێنه‌وه‌.

PUKmedia ئاژانسه‌كان