كۆمەكی سەربازیی پێشكەشی دژە تیرۆری عیراق دەکرێت

.

هێزەكانی هاوپەیمانی نێودەوڵەتی، ئەمڕۆ پێنجشەممە 17ی حوزەیرانی 2021 لەچوارچێوەی پرۆسەی وورەی پۆڵایین، چەك و كەلوپەلی سەربازی بەبەهای 6 ملیۆن دۆلار پێشكەشی دەزگای دژە تیرۆری عیراق كرد.

هاوپەیمانی نێودەوڵەتی دژی داعش، لەراگەیەنراوێكدا ئاماژەی بەوەدا كە بە سەرپەرشتی فەرماندەی ئۆپراسیۆنە هاوبەشەكان، هێزەكانی هاوپەیمانی/ هێزی ئەركە هاوبەشەكان، لەچوارچێوەی پرۆسەی وورەی پۆڵایین (CJTFOIR) بڕێك چەك و كەلوپەل و ئوتۆمبێلی سەربازی بە بەهای بە 6ملیۆن و نیو دۆلار پێشكەشی دەزگای دژە تیرۆری عیراقی كرد.

راشیگەیاند، ئامانج لەم كۆمەك و هاوكارییە سەربازییانە، پشتیوانكردنە لە هێزە ئەمنیی و سەربازییەكانی عیراق  و سەرخستنی ئەركەكانی لەبەرەنگاربوونەوەو تێكشاندنی تیرۆرستانی داعش، ئاماژەی بەوەشدا كە ئەم هاوكاری و یارمەتییانە بەشێكە لەبەرنامەی سندوقی داراییدانی مەش و دابینكردنی پێداویستییەكان لەبەرەنگاربوونەوەی تیرۆرستانی داعش كە لەساڵی 2014ەوە جێبەجێ دەكرێت و وەزارەتی بەرگری ئەمریكا لەسەر بودجەی تایبەتی خۆی بۆ پرۆسەی وورەی پۆڵایین پارەی بۆ دابینكردووە.

راگەیەنراوەكە ئاماژەی بەوەشداوە كە ئەو بەرنامەیە لەلایەن پرۆسەی ووردەی پۆڵایینەوە سەرپەرشتی دەكرێت و ئامانج لێی پشتیوانیكردنە لەحكومەتی عیراق لەجەنگیدا دژ بەتیرۆرستانی داعش.

PUKmedia راگەیاندنی هاوپەیمانی نێودەوڵەتی