پەرلەمانی عیراق لەسەر ناردنی پشكی هەرێم روونكردنەوە دەدات

.

دارایی پەرلەمانی عیراق داوا لە حكومەتی عیراق دەكات پابەندبێت بەناردنی پشكی هەرێم و دەشڵێت: یاسای بودجە نەخشە رێگایەكی رونی دیاریكردوەو مایەی گۆڕانكاری و موجامەلەكردنی نیە. 

لیژنەی دارایی پەرلەمانی عیراق لەبارەی ناردنی پشكی هەرێم راگەیەنراوێكی بڵاوكردەوەو دەڵێت: داوا لەئەنجومەنی وەزیران دەكەین پێویستە پابەندی دەق و ناوەرۆكی یاسای بودجەی فیدراڵی 2021 بێت كە پەیوەندی بەمیكانیزمی خەرجكردنی پشكی هەرێمی كوردستانەوە هەیەو هیچ لێكدانەوەیەكی جیاواز هەڵناگرێت.

لیژنەكە ئەوەشی رونكردوەتەوە: یاسای بودجە نەخشە رێگایەكی رونی دیاریكردوەو مایەی گۆڕانكاری و موجامەلەكردنی نیە، چونكە پابەندبوونی حكومەتی هەرێم و حكومەتی عیراقی دیاریكردوە، هەر لایەنێكیش پێشێلی ئەو دەقە بكات كە لەیاسای بودجەدا هاتوە بەرپرسیارێتی یاسایی دەكەوێتە ئەستۆ.

PUKmedia