هاووڵاتی لە نێوان ئایدۆلۆژیا و خوشگوزەرانیدا

هاووڵاتی لە نێوان ئایدۆلۆژیا و خوشگوزەرانیدا


16/6/2021 12:27:00
چاپ کردن
بە وێنەوە    بە بێ وێنە
           
.

 لە روسیا بانگەشەی ئایدۆلۆژیای دەسەتلاتداران وبانگەشەی خۆشگوزەرانی هاوڵاتیان بە شەڕی نێوان سەلاجە و تەلەفزیون ناودەبرێت، وەكو ئاماژەیێك بۆ سەلاجەی بەتاڵ لە خواردن و چەواشەكاری گوتارەكانی تەلەفزیۆن كە لەسەر وەتەری نەتەوەیی و نیشتیمان پەروەری یاری دەكات .

لە ئێستادا مشتومرێكی زۆر هەیە كەوا كامەیان لە پێشترە تێر كردنی سكی برسی یان خەبات كردن لە پێناوی ئایدلۆژیا ؟ خۆشگوزەرانی هاوڵاتی یان ئایدیای نەتەوەی و ئایینی ؟

شەوێكیان كەسێكی زۆر هەژار سەردانیكردم و داوای كرد یەك لە كوڕەكانی لە شوێنێك دامەزرێنم بەڵكو لەم هەژاریە تۆزێك باری شانی سوك بێت، كە سەیری جلەكانیم كرد هەژاری زۆری پێوە دیار بوو تەنانەت جلەكانی دوریبووەوە . لە خۆم پرسی ئایا هەر چوار پارچەی كوردستان رزگار بكەین بۆ ئەم پیاوە هەژار و داماوە چ مانا و تامێكی هەیە ئەگەر حالی بەم حالە بمینێت ؟؟!!! 

شۆڕشی گەلی كوردستان تەنها بۆ دروست كردنی قەوارەكی سەربەخۆ نەبووە بەڵكو بە درێژایی مێژووی ڕزگاری خوازی گەلەكەمان خۆشگوزەرانی هاووڵاتیان و دابین كردنی ژیانێكی ئازاد و پڕ ئاسودەیی و بە كەرامەت یەكێك لە ئامانجە سەرەكیەكان بووە، هەمیشە دەبێت گەل چەقی خەبات و كاركردنمان بێت، لە كۆتاییدا دەبێت هەموو شتێك لە خزمەتی گەل بێـت تەنانەت نیشتمانیش. لێرەدا با لەخۆمان بپرسین ئایا ئێمە توانیمان ئەم ئامانجە جێبەجێ بكەین ؟ ئەگەر وەڵاممان  بەڵێ بوو ئەی بۆ گەنجەكانمان بە لێشاو كۆچ دەكەن ؟

لە پاش راپەرینە شكۆدارەكەی گەلەكەمان ساڵی 1991 نەوەیەك دروست بووە كە داگیركەری دەرەكی نەبینیوە بەڵكو لێبرینی موچە و پاشەكەوت و كەمی خزمەتگوزاری و بێ كارەبایی و بێ ئاوی و پیسكردنی  ژینگە وگەندەڵی بینیوە.

لێرەدا دەپرسین ئایا ئایدۆلۆژیا گرینگترە یان خۆشگوزەرانی هاوڵاتیان ؟  كامیان قێزەونترە داگیركەری دەرەكی یان ستەمكاری ناوەخۆ ؟

با نموونەی چین بێنینەوە كە مەترسیدارترین دكتاتۆریەتە لە جیهان چونكە لە پاڵ سیستەمی دیكتاتۆریەت دەستكەوتەكانی حكومەتەكەیان یەكجار زۆرن،  لەبەر ئەم دەسكەوتانە هاووڵاتی چینی وا هەست دەكات كە حكومەتەكەی هی خۆیتی و لە خزمەتی ئەوە ، بۆیە تا ڕادەیێكی زۆر ئامادەیە چاوپۆشی لە دكتاتوریەتەكەی بكات . حزبی شیوعی صینی بۆ شەرعیەتی حكومڕانی دەمێكە پشت نابەستێت بە ئایدۆلۆژیای ماركس یان ماو . بەڵكو پشت دەبەستێت بە دەسكەوتەكانی حكومەتەكەی لە گەشەی ئابوری و پێشكەشكردنی خزمەتگوزاریەكان .

لە بەرامبەردا  لە ناوچەی ئێمە ئایدۆلۆژیای نەتەویی ( لە كوردستان و لە فەڵەستین و …….  ) و ئایدۆلۆژیای ئاینی ( سونی و شیعی كە هەموو ناوچەكەی گرتۆتەوە ) هەرەسی هێناوە چونكە زیاتر ڕویان لە ئایدۆلۆژیا ( یان ئیدعای ئایدۆلۆژیا ) كرد لەسەر حسابی خۆشگوزەرانی هاووڵاتی و گەشەی ئابووری و نەیانتوانی هاوسەنگی و سەقامگیری لە ناو كۆمەڵگا بەدەست بێنین، تەنانەت تێوەگلانی بەشێك لەو ووڵاتانە لە گەندەڵی گومانیشی خستە سەر راستی بانگەشەیان بۆ  ئایدۆلۆژیاكەیان .

پێویستە هەرچی زووە لەبری ئەو گوتارە نەتەوەیی و ئاینیانە ڕوو لە بوژانەوەی مرۆیی و پێشكەش كردنی خزمەتگوزاری باشتر  بە هاوڵاتیان بكەین ( ئیماراتی عربی باشترین نمونەیە ) . 

هەر بۆیە دەبینین زۆر لە هەرێمەكان وەكو كیوبك لە كەنەدا كە خۆشگوزەرانی و پێشكەشكردنی خزمەتگوزتریەكان ئەوەندە باشە هەمیشە لە راپرسیەكان میلەتەكەیان دەنگ بو مانەوە لەگەل كەنەدا دەدەن . لەهەمان كاتدا چەندین وڵات هەن كە سەربەخۆیان بەدەست هێناوە بەڵام بوونەتە دۆزەخ بۆ هاولاتیان . هەرگیز نابێت خەونی گەلان لە بەدەستهێنانی سەربەخۆیی بە قوربانی  خۆشەویستی پارە و پوڵ وگەندلی جەند كەسانێك بكرێت .

هاوڵاتی چیتر وەكو جاران بایەخ بەم گوتارانە نادەن، بەڵكو چاویان زیاتر لە گەشەكردنی تەندروستی و پەوەردەیی و ئابوریە .

 خۆشگوزەرانی ئینتما و خوشەویستی وشانازی بە ووڵات بەهێزتر دەكات و پێچەوانەكەشی راستە، و دروشمی ( یان كوردستان یان نەمان ) كاتی بەسەرچوو و دەبێت بلێین ( كوردستان بە نان و ئازادی )  

زۆر جار سكی برسی هۆی سەرەكی شۆڕشەكان بووە وەكو شۆرشی فەڕەنسی، بۆیە لە شەڕی سەلاجە و تەلەفزیون هەمیشە سەلاجە دەباتەوە .

نووسینی.. سەردار هەركی 

PUKmedia تایبەت

وێنە هەواڵ
  • image04
  • ٢٢/٧/١٩٧٩ لە بەندیخانەی موسڵ شەهید مەلا عەلی لە سێدارە درا

  • image04
  • ده‌وڵه‌مه‌نترین پیاوی سه‌رزه‌وی گه‌شتێك بۆ بۆشایی ئاسمان ده‌كات

  • image04
  • نزیكه‌ی 180 كه‌س له‌جیهاندا به‌هۆی لافاوه‌ گیانیان له‌ده‌ستدا

  • image04
  • .

  • image04
  • باوکە گیان رێنیشاندەر و رابەری مێژووییمان

  • image04
  • بەڕێوەبەری تەندروستی زیقار دەستی لە كاركێشایەوە

  • image04
  • 63 ساڵ بەسەر شۆڕشی 14ی تەموز تێدەپەڕێت

  • image04
  • ئاستی ئاوی دەریاچەی دوكان 8 مەتر كەمی كردووە


                                           

ئەڵمانیا.. كچە كوردێك خەڵاتی شاژنە دیانای پێبەخشرا


كچە كوردێكی پەنەباری ئەڵمانیا بە ناوی رۆدی عەلی خەڵاتی شاژنە دیانای پێبەخشرا كە هاوكات ئەندامی ئەنجومەنی شاری مونستەرە.

لەپای هەوڵ ...


  شیکارییەک بۆ پەیوەندییەکان و دەستپێک و سەرهەڵدان و ئاکامەکانی
   ئه‌ڵمانیا مه‌دالیای ئازایه‌تی ده‌به‌خشێته‌ كوردێك
                                           

گه‌لاوێژ سه‌قزی: به‌چه‌ندین زمانی جیاواز گۆرانیم وتووه‌


هونه‌رمه‌ندی میلی گه‌لاوێژ سه‌قزی بۆ PUKmedia ده‌ڵێت، جگه‌ له‌زمانی شیرینی كوردی به‌چه‌ندین زمانی جیاواز ...


  گوڵستان ئه‌حمه‌د له‌شه‌ش پاڵه‌وانێتی پله‌ی یه‌كه‌م به‌ده‌ستده‌هێنێت
  مه‌لا به‌ختیار: قسه‌كانی بلاسخارت راستییه‌كی تاڵ بوو، به‌ڵام رایچڵه‌كاندین
                                           

شەهید مەلا عەلی لەزیندانەوە بۆ نەمری شیعرو شەهادەت

ئەگەر سەیرێكی مێژووی یەكێتیی نیشتمانیی كوردستان بكەیت و لەناویدا كۆمەڵە بۆت دەردەكەوێت كەم شوێن هەیەداستان وقارەمانێتی پێشمەرگەی یەكێتی وكۆمەڵەی تێدا تۆمارنەكرابێت .سەیری زیندانەكانی فا...


  ئاماری شه‌ش مانگی رابردووی روداوه‌كانی هاتوچۆ
  ھاووڵاتیان بە گرنگییەوە لە رێككەوتنی یەكێتی و گۆڕان دەڕوانن


کاریکاتێر