عیراق به‌ رێگای دیبلۆماسی كار بۆ ڕاگرتنی ھێرشه‌كانی توركیا ده‌كات

.

یه‌حیا ڕه‌سوڵ وته‌بێژی فه‌رمانده‌ی گشتی ھێزه‌چه‌كداره‌كانی عیراق ڕایگه‌یاند: وه‌زاره‌تی ده‌ره‌وه‌ی وڵاته‌كه‌ی له‌ ھه‌وڵیدایه‌ له‌ ڕێگه‌ی دیپلۆماسیه‌وه‌ ڕێگه‌ بگرێت له‌ ھێرشه‌كانی توركیا بۆ سه‌ر خاكی عیراق و ھه‌رێمی كوردستان.

وتیشی، به‌ پێی ده‌ستوری عیراقی ده‌بێت وڵاتانی هاوسێ ڕێز له‌ سه‌روه‌ری خاكی عیراق بگرن ،ھه‌مان شێوه‌ عیراقیش ده‌بێت رێز له‌سه‌روه‌ری خاكی وڵاتانی دراوسێی بگرێت.

وته‌بێژی فه‌رمانده‌ی گشتی ھێزه‌چه‌كداره‌كانی عیراق ئاماژه‌ی بۆ ئه‌وه‌شكرد، زۆرێك له‌ وڵاتان بۆ پاراستنی ئاسایشی وڵاته‌كانیان پشت به‌ ته‌كنه‌لۆژیا ده‌به‌ستن ئه‌وانیش له‌ ئێستادا چه‌ندین كامێرای چاودێرییان له‌ ناوچه‌كانی نێوان سوپای عیراق و پێشمه‌رگه‌ داناوه‌ و ھیوادارن له‌ داھاتوودا سه‌ركه‌وتن به‌ده‌ستبھێنێت.

PUKmedia