دهۆک.. 560 منداڵی 10 ساڵان لەبازاڕەكان كاردەكەن

.

ل سەنتەرێ باژێرێ دهوکێ زێدەتر ژ  560 زاروك کار دکەن کو ژیێ پرانیا وان بن 10 سالیێ دانە .

ئەڤرو روژا نەهێلانا کارکرنا زاروکانە ل سەرانسەری جیهانێ ، کو ل روژا 12خزیرانا سالا  2002  هاتیە دانان ژلایێ رێکخراوا نەهێلانا کارکرنا زاروکان ڤە ، ولگوری راپورتەکا رێکخراوا نافبری کو سالانە ب هزاران زاروك دکەڤنە بەر کارێ گران ژ بەر هەژاریا خێزانێن وان ئەو شەرێ ل وەلاتێن وان پەیدادبن ، وان نەچاردکەن کاربکەن ولدەمێ کاریدا  توشی قوتان ولێدان و تەعدایا جنسی ژی دبن .. 

هەروەسا ل گوری راپورتەکا رێکخراوا مندال پارێزان ، ل سەنتەرێ باژێرێ دهوکێ زێدەتر ژ  560 زاروکان دناڤا سەنتەرێ باژێری دا کاردکەن ، وژوانا  533 کورن و، هەروەسا 33 کچن کو ژیێ پرانیا وان ل بن 10 سالیێ دانە،  و ژ مالباتێن هەژارێن ڤی باژێری نە نەچاربوینە دڤی ژیدا کاربکەن . 

دکتور عەبدالجبار سالح،  ڤەکولەرێ جڤاکی وبسپور دبیاڤێ پاراستنا مافێ زارویان دبیژێت : کارکرنا زاروکان دناڤا بازاری دا حالەتەکێ نەباش دجڤاکی دا پەیدا دکەت ، ودژی پرانسیپێن مافێن زارویانە ل جیهانێ هەروەسا گوت ژی ، کارکرنا زارویان دڤی تەمەنی دا دێ پەگرەوەندکێ خراب ل پاشەروژا وی دا پەیداکەت ، وهەورەسا پرانیا زاروکان دەمێ کاری دا توشی لێدان وقوتان وتەحەرشی دبن .

ل دیف راپورتەکا رێکخراوا نەهێلانا کاری زارویان دا هاتیە کو نها ل سەرانسەری جیهادێ زێدەتر ژ 152 مەلیون زاروك لبن ژیێ 10 سالیێ دا کار دکەن ، وپرانیا وان ل کێشوەرێ ئەفریقیانە و کارێ چاندنێ وبازرگانیێ پێدهێتەکرن ..

PUKmedia بەیار ئامێدی