هه‌ولێر.. ژماره‌یه‌ك خاوه‌ن موڵك داوای تاپۆكردنی زه‌وییه‌كانیان ده‌كه‌ن

.

ژماره‌یه‌ك خاوه‌ن زه‌وی له‌به‌رده‌م دادگای هه‌ولێر گردبوونه‌وه‌و داوا ده‌كه‌ن زه‌وییه‌كانیان بۆ تاپۆ بكرێت.

 له‌و باره‌یه‌وه‌ یه‌كێك له‌خاوه‌ن زه‌وییه‌كان به‌ PUKmedia ی راگه‌یاند: له‌گه‌ڵ ئه‌وه‌ له‌ساڵی 2008 وه‌ ئه‌و كارتی ئه‌و زه‌وییانه‌ له‌لایه‌ن حكومه‌ته‌وه‌ دابه‌شكراوه‌و چه‌ندین مامه‌ڵه‌ی پێوه‌ كراوه‌، به‌ڵام تائێستا شاره‌وانی هه‌ولێر ئاماده‌نیه‌ ئه‌و زه‌وییانه‌ تاپۆ بكات.

وتیشی: داوا له‌سه‌رۆكی حكومه‌ت ده‌كه‌ین راسته‌وخۆ بێته‌ خه‌ت و ئه‌و كێشه‌یه‌ چاره‌سه‌ر بكات تا رووداوی نه‌خوازراوی لێنه‌كه‌وتوه‌ته‌وه‌، چونكه‌ 50 هه‌زار كارتی ئه‌و زه‌وییانه‌ دابه‌شكراوه‌و چه‌ند مامه‌ڵه‌ی پێوه‌ كراوه‌.

هه‌روه‌ها داوا ده‌كه‌ین ئه‌و ئه‌ندامه‌ی داواكاری گشتی كه‌ تایبه‌ته‌ به‌و كه‌یسه‌ بگۆڕێت، چونكه‌ له‌ماوه‌ی سێ مانگی رابردوودا هیچ مامه‌ڵه‌یه‌كی رایی نه‌كردوه‌و سه‌رجه‌م مامه‌ڵه‌كانی راگرتووه‌.

PUKmedia تایبه‌ت