هه‌رێم.. قوباد تاڵه‌بانی و وه‌فدێكی ئه‌مریكا كه‌رتی تایبه‌ت تاوتوێ‌ ده‌كه‌ن

.

قوباد تاڵه‌بانی جێگری سه‌رۆك وه‌زیرانی هه‌رێمی كوردستان له‌گه‌ڵ وه‌فدێكی ئه‌مریكی به‌ سه‌رپه‌رشتی رۆبه‌رت وۆله‌ر كۆنسوڵی گشتی ئه‌مریكا له‌ هه‌رێم كۆبووه‌وه‌ و هه‌ردوولا هاوڕ‌ابوون له‌سه‌ر پێویستی گرنگیدان و پێشخستنی كه‌رتی تایبه‌ت له‌ هه‌رێمی كوردستان.

قوباد تاڵه‌بانی باسی له‌ پێویستی هاندانی وه‌به‌رهێنه‌رانی ئه‌مریكی كرد بۆ وه‌به‌رهێنان له‌ هه‌رێمی كوردستان و ئاماده‌یی حكومه‌تیشی ده‌ربڕ‌ی بۆ هه‌موو جۆره‌ كارئاسانییه‌ك بۆ وه‌به‌رهێنه‌رانی ئه‌مریكی له‌ هه‌رێمی كوردستان، هاوكات باس له‌ پێویستی پێداچوونه‌وه‌ و چاكسازی كرا له‌ سیستمی بانكی هه‌رێمی كوردستان كه‌ به‌ جۆرێك رێكبخرێته‌وه‌ ببێته‌ پاڵپشتی وه‌به‌رهێنه‌ران و رۆڵی گرنگ ببینێت له‌ پێشخستنی كه‌رتی تایبه‌ت.

له‌ ته‌وه‌رێكی دیكه‌ی كۆبوونه‌وه‌كه‌دا باس له‌ پێویستی جێبه‌جێكردنی یاسای بودجه‌ی 2021ی عێراق كرا و كۆنسوڵی ئه‌مریكاش پشتگیری خۆی بۆ هه‌وڵه‌كانی حكومه‌تی هه‌رێم ده‌ربڕ‌ی بۆ جێبه‌جێكردنی یاساكه‌.

PUKmedia