د.ڕێواز فایق: هه‌رچی له‌تواناماندا بێت بۆ مامۆستایانی ده‌كه‌ین

د.ڕێواز فایق: هه‌رچی له‌تواناماندا بێت بۆ مامۆستایانی ده‌كه‌ین


8/6/2021 18:17:00
چاپ کردن
بە وێنەوە    بە بێ وێنە
           
.

به‌مه‌به‌ستی خستنه‌ڕووی گیروگرفت و گه‌یاندنی داخوازییه‌كانیان، نیوه‌ڕۆی ئه‌مڕۆ سێشه‌ممه‌ 8-6-2021، ژماره‌یه‌ك له‌مامۆستایانی وانه‌بێژ سه‌ردانی په‌رله‌مانی كوردستانیان كردو له‌لایه‌ن د.ڕێواز فایق سه‌رۆكی په‌رله‌مانی كوردستان، پێشوازییان لێكرا.

له‌دیدارێكدا كه‌ئه‌ندامانی په‌رله‌مانی كوردستان، زێدان ڕه‌شید برادۆستی ئه‌ندامی لیژنه‌ی په‌روه‌رده‌و خوێندنی باڵاو توێژینه‌وه‌ی زانستی و سه‌لمه‌ فاتح سه‌رۆكی لیژنه‌ی ڕۆشنبیری و كۆمه‌ڵگه‌ی مه‌ده‌نی و وه‌رزش و لاوان و به‌ڵێن ئیسماعیل ئه‌ندامی لیژنه‌ی دارایی و كاروباری ئابووری ئاماده‌یبوون، سه‌رۆكی په‌رله‌مان به‌وردی گوێبیستی تێكڕای داواكاری و داخوازییه‌كانی نوێنه‌رانی مامۆستایانی وانه‌بێژ بوو، دواتر گفتوگۆی هه‌مه‌لایه‌نه‌ له‌باره‌ی كێشه‌ی دانه‌مه‌زراندنیان كراو ئه‌ندامانی په‌رله‌مانی ئاماده‌بوو له‌دیداره‌كه‌دا سه‌رنج وتێبینییه‌كانی خۆیان له‌مه‌ڕ ئه‌و پرسه‌ به‌وردی خسته‌ڕوو.

سه‌رۆكی په‌رله‌مان ڕایگه‌یاند: "ئێمه‌ به‌هه‌موو شێوه‌یه‌ك پاڵپشتیی خۆمان بۆ داخوازییه‌كانی مامۆستایانی وانه‌بێژ ده‌رده‌بڕین، هه‌رچی له‌تواناماندا بێت ئه‌نجامی ده‌ده‌ین له‌پێناو به‌رژه‌وه‌ندی و بژێویی مامۆستایان، به‌ڵام ئه‌و بڕیارانه‌ی كه‌ڕه‌هه‌ندی دارایی-یان هه‌یه‌، به‌بێ نیشاندانی ڕه‌زامه‌ندیی حكومه‌ت بۆ دابینكردنی مووچه‌و شایسته‌ی دارایی، پێشوه‌خته‌ لێمان دیاره‌ ئه‌نجامه‌كه‌ی چیده‌بێت، بۆیه‌ ئێمه‌ هه‌وڵ و ته‌قه‌ڵای خۆمان به‌ته‌واوی ده‌خه‌ینه‌گه‌ڕ بۆ چاره‌سه‌ركردنی گرفتی به‌هه‌میشه‌ییكردن و دامه‌زراندنی مامۆستایانی وانه‌بێژ".

وتیشی: "نامه‌نه‌وێت به‌ڵێنێك بده‌ین كه‌ له‌تواناماندا نه‌بێت جێبه‌جێیی بكه‌ین، به‌ڵام به‌دڵنیاییه‌وه‌ داواكاریی مامۆستایان له‌لای ئێمه‌ له‌ئه‌وله‌ویه‌تی كاره‌كانماندا ده‌بێت".

هه‌مان رۆژ د.ڕێواز فایق سه‌رۆكی په‌رله‌مانی كوردستان، پێشوازیی كرد له‌نوێنه‌رایه‌تی ناوه‌ندی به‌هێزكردنی ئاشتی “Enabling Peace in Iraq Center” (EPIC)   له‌ عیراق.

له‌دیدارێكی نێوانیاندا باسی دوا پێشهاته‌ سیاسییه‌كانی عیراق و كوردستان و هه‌لومه‌رجی ئه‌نجامدانی هه‌ڵبژاردنه‌كان و ئه‌و ئاڵنگارییانه‌ كرا كه‌ له‌پێش و دوای هه‌ڵبژاردنه‌كان رووبه‌ڕووی عیراق ده‌بنه‌وه‌.

سه‌رۆكی په‌رله‌مانی كوردستان ڕایگه‌یاند: عیراق له‌م قۆناغه‌ی ئێستادا له‌به‌رده‌م ئاڵنگاریی گه‌وره‌دایه‌و به‌تێپه‌ڕبوونی كاتیش ئاڵۆزییه‌كان گه‌وره‌تر ده‌بن، كلتووری دیموكراسی له‌عیراق له‌ئاستێكدا نییه‌ كه‌بتوانرێت هه‌ڵبژاردن به‌بێ كێشه‌ تێپه‌ڕێت، ئامڕازه‌كانی ململانێ ناته‌ندروست و نائارامن، ئه‌گه‌ری ده‌ستێوه‌ردانی ئیقلیمی هاوكێشه‌كان به‌ره‌و ئاڵۆزی ده‌بات، هیواخوازین له‌هه‌موو كاتێكدا ئاشتی باڵاده‌ست بێت.

دواتر باسی پێكھاته‌ نه‌ته‌وه‌یی و مه‌زھه‌بییه‌كان و ته‌ون و مۆزائیكی كۆمه‌ڵگه‌ی عیراقی كرا، سه‌رۆكی په‌رله‌مانی كوردستان، ھیوای خواست كه‌ به‌یه‌كڕیزی و ته‌بایی نێوان سه‌رجه‌م ھێزه‌ سیاسییه‌كانی عیراق بتوانرێت ئه‌م دۆخه‌ ناھه‌مواره‌ تێپه‌ڕێت.

له‌كۆتایی دیداره‌كه‌دا وه‌فدی میوان، سوپاسگوزاریی خۆیان ئاڕاسته‌ی سه‌رۆكی په‌رله‌مانی كوردستان كرد بۆ ئه‌م پێشوازییه‌ گه‌رمه‌و ته‌رخانكردنی كاتی پێویست بۆ دیداره‌كه‌یان.

PUKmedia راگه‌یاندنی په‌رله‌مانی كوردستان

وێنە هەواڵ
  • image04
  • ٢٢/٧/١٩٧٩ لە بەندیخانەی موسڵ شەهید مەلا عەلی لە سێدارە درا

  • image04
  • ده‌وڵه‌مه‌نترین پیاوی سه‌رزه‌وی گه‌شتێك بۆ بۆشایی ئاسمان ده‌كات

  • image04
  • نزیكه‌ی 180 كه‌س له‌جیهاندا به‌هۆی لافاوه‌ گیانیان له‌ده‌ستدا

  • image04
  • .

  • image04
  • باوکە گیان رێنیشاندەر و رابەری مێژووییمان

  • image04
  • بەڕێوەبەری تەندروستی زیقار دەستی لە كاركێشایەوە

  • image04
  • 63 ساڵ بەسەر شۆڕشی 14ی تەموز تێدەپەڕێت

  • image04
  • ئاستی ئاوی دەریاچەی دوكان 8 مەتر كەمی كردووە


                                           

ئەڵمانیا.. كچە كوردێك خەڵاتی شاژنە دیانای پێبەخشرا


كچە كوردێكی پەنەباری ئەڵمانیا بە ناوی رۆدی عەلی خەڵاتی شاژنە دیانای پێبەخشرا كە هاوكات ئەندامی ئەنجومەنی شاری مونستەرە.

لەپای هەوڵ ...


  شیکارییەک بۆ پەیوەندییەکان و دەستپێک و سەرهەڵدان و ئاکامەکانی
   ئه‌ڵمانیا مه‌دالیای ئازایه‌تی ده‌به‌خشێته‌ كوردێك
                                           

ئیبراهیم ڕەوف: شیعر لای من ناسنامەیە


ئیبراهیم ڕەوف شاعیرو ڕەخنەگرو ڕۆژنامەنووس ساڵی 1961 لە شارۆچكەی دەربەندیخان لەدایك بووە،  ساڵانیكە شیعر دەنوسێت و هەروەها وەك  ڕەخنەگرێكی پەخشانی كو...


  گه‌لاوێژ سه‌قزی: به‌چه‌ندین زمانی جیاواز گۆرانیم وتووه‌
  گوڵستان ئه‌حمه‌د له‌شه‌ش پاڵه‌وانێتی پله‌ی یه‌كه‌م به‌ده‌ستده‌هێنێت


کاریکاتێر