دادگایی بەدەل بەرواری و ئومێد بەرۆشكی پێشدەخرێت

.

لەسەر داوای تیمی پارێزەران، دانیشتنی دادگا بۆ بەدەل بەرواری و ئومێد بەرۆشكی پێشخرا و پارێزەرێكیش دەڵێت، ئەو ماددەیەی پێی تاوانباركراون هەمان ماددەی پێنج سزادراوەكانی بادینانە كە تایبەتە بە سیخوڕی.

بەشدار حەسەن ئەندامی تیمی پارێزەران بە PUKmedia ی راگەیاند:  دانیشتنی دادگا بۆ مامۆستا بەدەل بەرواری و رۆژنامەنووس ئومێد بەرۆشكی كە بڕیاربوو رۆژی 17-8-2021 بەڕێوەبچێت، لەسەر داوای ئێمە پێشخرا بۆ 19-7-2021.

راشیگەیاند: ئەوەی جێی سەرنجە ئەو ماددەیەی مامۆستا بەدەل بەرواری و رۆژنامەنووس ئومێد بەرۆشكی پێ تۆمەتباركراوە هەمان ماددەی پێنج سزادراوەكانی بادینانە كە ماددەی 1 لە یاسای ژمارە 1ی ساڵی 2003ی پەرلەمانی كوردستانە و تایبەتە بە سیخوڕی.

وتیشی: داواكەیان رەوانەی ددادگای تاوانەكانی 2ی هەولێر كراوە بڕیارە رۆژی 19-7-2021 بەڕێوەبچێت.

 رۆژی 15-5-2020، مامۆستا و چالاكوانی مەدەنی بەدەل بەرواری لە دهۆك بەهۆی داواكاری بۆ خۆپیشاندان لەلایەن ئاسایشەوە دەستگیركرا.

PUKmedia تایبەت