سلێمانی.. پێشانگایەك هونەرمەندانی سلێمانی و بەغدا كۆدەكاتەوە

.

رێكخراوی گەشەپێدانی مەدەنیەت (CDO) بەهاوبەشی سەندیكای هونەرمەندانی كوردستان لقی سلێمانی ،  لە هۆڵی مۆزەخانەی نیشتیمانی ئەمنەسورەكە پێشانگەیەكی شێوەكارییان بۆ ژمارەیەك لە هونەرمەندانی سلێمانی و هونەرمەندانی گەلەری برۆنز كە لەشاری بەغدادەوە هاتبوون  كردەوە. 

كارەكانی ئەم پیشانگەیە پێكهاتبوون لە تابلۆی قەبارە بچوك بە پێوانەی ٣٠ بۆ ٤٥ سم و بەماددەكانی پاستیل،گواش ، ئەكریلیك و زەیتیی دروستكرابوون . 

لەبارەی پێشانگاكەشەوە هونەرمەندی شێوەكار محەمەد فەتاح بۆ PUKmedia وتی: ئەم پیشانگەیە كارێكی هاوبەشی هونەرمەندانی سلێمانی و بەغدایەو رێخۆشكەرە بۆ ئەنجامدانی كاری هونەریی و كۆمەڵێك پڕۆژە لە داهاتوودا لە نێوان هونەرمەندانی ئەم شارانەدا. 

شایەنی باسە پێشانگەی (كارە بچوكەكان) رۆژانی ٦ و٧ و ٨ ی ئەم مانگە لە  ئەمنەسورەكە بەردەوام دەبێت لە نمایشكردن.

PUKmedia ڤینۆس تۆفیق