كتێبی سه‌رهه‌ڵدانی داعش_تیرۆریزم له‌سه‌ده‌ی نوێدا بڵاوكرایه‌وه‌

.

له‌چوارچێوه‌ی كۆڕه‌كانی ساڵۆنی كوردستانی نوێدا ئێواره‌ی ئه‌مڕۆ  ٢٠٢١/٦/٦ كۆڕێك به‌ناونیشانی (سه‌رهه‌ڵدانی داعش_تیرۆریزم له‌سه‌ده‌ی نوێدا) بۆ ته‌حسین ته‌ها چۆمانی رۆژنامه‌نوس و وه‌رگێری كتێبه‌كه‌ سازكرا.

سه‌ره‌تای كۆڕه‌كه‌ به‌ وه‌ستانی ساتێك بۆ گیانی پاكی شه‌هیدان ده‌ستیپێكرد.

پاشان رۆژنامه‌نوس ته‌حسین ته‌ها چۆمانی كورته‌ باسێكی له‌سه‌ر ناوه‌رۆكی كتێبه‌كه‌ و سه‌ره‌تاكانی سه‌رهه‌ڵدانی تیرۆر له‌جیهانداو رێكخراوی تیرۆرستی داعش له‌ خۆرهه‌ڵاتی ناوه‌ڕاست به‌گشتی و وڵاتانی سوریا و عیراق به‌تایبه‌ت، پێشكه‌شكرد .

دواتر ئاماده‌بووان بۆچوونی خۆیان سه‌باره‌ت به‌ كتێبه‌كه‌ خسته‌روو.

له‌كوتایی كۆڕه‌كه‌شدا، به‌ئیمزای وه‌رگێر كتێبه‌كه‌ به‌سه‌ر ئاماده‌بوواندا دابه‌شكرا.

PUKmedia ڤینۆس تۆفیق