سه‌رۆك كۆمار و هاوسه‌رۆك تاوتوێی كێشه‌كانی به‌غداو هه‌رێم ده‌كه‌ن

.

د. به‌رھه‌م ساڵح، سه‌رۆك كۆماری عیراق ئه‌مڕۆ یه‌كشه‌ممه‌ ٢٠٢١/٦/٦ له‌ كۆشكی سه‌لام له‌ به‌غدا پێشوازیكرد له‌ بافڵ تاڵه‌بانی، ھاوسه‌رۆكی یه‌كێتیی نیشتمانیی كوردستان و سه‌باره‌ت به‌ دۆخی گشتی عێراق و ھه‌رێمی كوردستان و گوزه‌رانی خه‌ڵك گفتوگۆكرا.

له‌ دیداره‌كه‌دا جه‌ختكرایه‌وه‌ له‌ به‌ھێزكردنی گفتوگۆ و دیالۆگ و چاره‌سه‌ركردنی كێشه‌ ھه‌ڵپه‌سێردراوه‌كانی نێوان ھه‌ردوو حكومه‌تی فیدراڵ و حكومه‌تی ھه‌رێمی كوردستان به‌ گوێره‌ی ده‌ستوور و یاسا و پاراستنی مافی ھاووڵاتیان و مووچه‌خۆران و ھێنانه‌كایه‌ی دادپه‌روه‌ری كۆمه‌ڵایه‌تی و باشكردنی ژیان و گوزه‌رانی خه‌ڵك بێ جیاوازی.

له‌ به‌شێكی دیكه‌ی دیداره‌كه‌دا دووپاتكرایه‌وه‌ له‌گرنگی پته‌وكردنی ھاریكاری و ھه‌ماھه‌نگی نێوان ده‌زگاكانی حكومه‌تی فیدراڵ و حكومه‌تی ھه‌رێم بۆ گه‌یشتن به‌ رێگاچاره‌ی گونجاو له‌ پێناو به‌رژه‌وه‌ندی گشتی وڵات و به‌ھێزكردنی ئاسایش و ئارامی و ھێنانه‌دی داواكارییه‌ ره‌واكانی خه‌ڵك.

ھه‌ر له‌ دیداره‌كه‌دا به‌گرنگییه‌وه‌ باس له‌ به‌ھێزكردنی دیالۆگی جددی نێوان ھێز و لایه‌نه‌ سیاسییه‌كانی عیراق و ھه‌رێمی كوردستان كرا له‌پێناو چاره‌سه‌ركردنی كێشه‌ سیاسییه‌كان، به‌تایبه‌تی كێشه‌كانی خه‌ڵك.

PUKmedia راگه‌یاندنی سه‌رۆكایه‌تی كۆمار