له‌جه‌ژندا زۆرترین گه‌شتیار هاتوونه‌ته‌ سلێمانی

.

به‌ڕێوه‌به‌ری گشتی گه‌شتوگوزاری سلێمانی رایگه‌یاند: به‌بۆنه‌ی جه‌ژنی ڕه‌مه‌زانه‌وه‌، نزیكه‌ی 110 هه‌زار گه‌شتیار ڕوویان له‌شاری سلێمانی كردوه‌ .

عه‌لی ڕه‌ئوف غه‌فور به‌ڕێوه‌به‌ری گشتی گه‌شتوگوزاری سلێمانی بۆ PUKmedia وتی: له‌ماوه‌ی ( 8 ) رۆژ و له‌ ڕۆژی 11 تا 18 ی ئه‌م مانگه‌ ، كه‌ ئاماری هاتنی گه‌شتیاران وه‌رگیراوه‌ به‌بۆنه‌ی جه‌ژنی ره‌مه‌زانه‌وه‌ ، 110 هه‌زار گه‌شتیار سه‌ردانی سلێمانیان كردوه‌ له‌و ڕێژه‌یه‌ زیاتر له‌سه‌دا 90 یان له‌ شاره‌كانی ناوه‌ڕاست و باشوری عێراقه‌وه‌ گه‌شته‌كانیان ئه‌نجامداوه‌ .

به‌ڕێوه‌به‌ری گشتی گه‌شتوگوزاری سلێمانی جه‌ختی له‌وه‌شكرده‌وه‌: گه‌شتیاران له‌ ڕێگه‌ی بازگه‌ و خاڵی سنوری و فڕۆكه‌خانه‌وه‌، گه‌شته‌كانیان ئه‌نجامداوه‌، هه‌روه‌ك له‌ ته‌واوی ئه‌و ده‌روازانه‌ مه‌رجه‌ خۆپارێزیه‌كان به‌ تایبه‌ت پشكنینی كۆرۆنایان بۆ جێبه‌جێكراوه‌ .

جێی وه‌بیرهێنانه‌وه‌یه‌، به‌ پێی زانیاری لیژنه‌كانی گه‌شتوگوزاری سلێمانی له‌ هه‌ر سێ ڕۆژه‌كه‌ی جه‌ژن ، ته‌واوی میوانخانه‌كان پڕبوون له‌ گه‌شتیار و زۆرینه‌ی مۆڵ و رێستۆرانت و خواردنگه‌و بنكه‌ گه‌شتیاری و میلیه‌كان توانیان پێشوازیه‌كی باش له‌ میوانانی شاره‌كه‌ بكه‌ن و به‌وه‌ش سلێمانی له‌ چاو شاره‌كانی دیكه‌ی هه‌رێم زۆرترین گه‌شتیار سه‌ردانی كردوه‌ .

PUKmedia تایبه‌ت

عه‌لی ڕه‌ئوف غه‌فور به‌ڕێوه‌به‌ری گشتی گه‌شتوگوزاری سلێمانی