كۆرۆنا زیانی زۆری به‌ كه‌رتی گه‌شتیاری گه‌یاندووه‌

.

ژبو روژانێن جه‌ژنا ره‌مه‌زانێ رێڤه‌به‌ریا گشتی یا گه‌شتوگوزارا دھوكێ دێ بتنێ ١٥تیمان دانیت ژبو پێشوازیكرنا گه‌شتیارێن ناڤخویێ یێن پارێزگه‌ھێن سلێمانیێ و ھه‌ولێرێ.
 پ. دكتور  خه‌یری عه‌لی ئوسو رێڤه‌به‌رێ گشتی یێ گه‌شتوگوزارا پارێزگه‌ھا دھوكێ دداخویانیه‌كێ دا ژبو مالپه‌را PUKmedia راگه‌ھاند ژئه‌گه‌رێ ھه‌بونا فایروسێ كورونایێ وه‌كو پێشتر نینه‌ چونكه‌ گه‌شتیارێن ده‌رڤه‌ی ھه‌رێما كوردستانێ ناھێن ئیسال ئه‌م ل جھێن گه‌شتیاری دێ پانزده‌ تیمان دانین ئه‌وژی بو گه‌شتیارێن ناڤخونه‌،

ناڤبری ئاماژه‌كره‌ كارتێكرنا سلبی لسه‌ر كه‌رتێ گه‌شتوگوزارا دھوكێ ل ده‌ما ھاتنا شه‌پولا كورونایێ و نه‌ھاتنا گه‌شتیاران و گوت: ژبه‌ر نه‌ھاتنا گه‌شتیاران ئوتێل و موتێل دمیننه‌ ڤالا و ئه‌ڤه‌ دبیته‌ زه‌ره‌ره‌كا مه‌زنه‌ و مه‌ باوه‌ره‌ كو پشتی ب دوماھی ھاتنا كورونایێ دێ كه‌رتێ گه‌شتیاری ڤه‌ژاندنه‌كا باش بخوڤه‌ بینیت،

جھێ ئاماژێ یه‌ كو ل سنورێ پارێزگه‌ھا دھوكێ نێزیكی ٢٥٠ھاڤینگه‌ھ دگه‌ل ٩٠٠ بنگه‌ھێن گه‌شتیاری ھه‌نه‌ به‌لێ ژبه‌ر رێكارێن خوپارێزیێ و دایێخستنا وان به‌شه‌كا زور ژ كارمه‌ندێن وان دمیننه‌ بێكار .

PUKmedia ئانێ دیدار