دهۆك.. 10 هه‌زار فه‌رمانبه‌ر بۆ پرۆسه‌ی هه‌ڵبژاردنه‌كان داده‌مه‌زرێنرێن

.

ل پارێزگه‌ها دهوكێ نێزیكی 10 هزار فه‌رمانبه‌رێن گرێ به‌ست بو پروسسا هه‌لبژارتنا دهێنه‌ وه‌رگرتن

دقوناغا نهادا به‌رهه‌ڤی دهێنه‌كرن ژبو ئه‌نجامدانا پروسسا هه‌لبژارتنێن داهاتی ێن ئه‌نجومه‌نێ نه‌ینه‌رێن ئیراقێ كو  لگوری یاسا ژمار ٩ یا سالا ٢٠٢٠ بریاره‌ ل روژا ١٠ هه‌یڤا ١٠ یائه‌ف ساله‌ هه‌لبژارتن ل سه‌رانسه‌ری ئیراقێ بهێنه‌ ئه‌نجامدان .

خالد عباس،  رێڤه‌به‌رێ كومسیونا بلندا سه‌ربه‌خویا هه‌لبژارتنا ئوفیسا دهوك  داخویانیه‌كا تایبه‌ت دا بو سایتێ puk میدیا راگه‌هاند وگوت،  پشتی بدوماهی هاتنا پروسسا توماركرنا بایومه‌تری كو دوماهیك ژڤان ١ هه‌یڤا پێنج بوو كو ب رێژا ٧٤ ژ سه‌دێ ناڤێن ده‌نگده‌را هاتنه‌ توماركرن و پارێزگه‌ها دهوكێ ل رێزبه‌ندا سیێ دهێت ل سه‌ر ئاستێ عیراقێ،  نها به‌رهه‌ڤی دهێنه‌كرن بو كارێ ئه‌نجامدانا هه‌لبژارتنا ، هه‌روه‌سا رێڤه‌به‌رێ ئوفیسا دهوك راگه‌هاند ، كو پشتی جه‌ژنا ره‌مه‌زانێ سایتی كومسیونێ دێ كه‌ڤیته‌ كاری ودێ هێته‌ ڤه‌كرن بو فه‌رمانبه‌ران كو ناڤی خو توماربكه‌ن وه‌ك گری به‌ست دگه‌ل كومسیونێ بو ده‌مێ هه‌یڤه‌كێ كاربكه‌ن،  و مه‌رچ بو وه‌رگرتنا فه‌رمانبه‌رێن گری به‌ست دێ هه‌بن ژوانا خودان باوه‌رنامه‌بیت، و ژ رویێ یاسایی ڤه‌ یی بێ كێشه‌بیت بیت ، و به‌لێن نامه‌ دێ ژی هێنه‌ وه‌رگرتن كو یێ سه‌ربه‌خوبیت،  وپشتی توماركرنا ناڤا ب رێكا ئه‌لكترونی ب رێكا تیرو پشكا دێ نێزیكی 10 هزار فه‌رمانبه‌رێن گرێبه‌ست دهێنه‌ وه‌رگرت ژلایێ كومسیونێ ڤه‌ ، هه‌روه‌سا راگه‌هاند ،كو ل  16 كه‌مپێن ئاواره‌یان 90 هزار ده‌نگده‌ر هاتینه‌ توماركرن ودێ ل گوری یاسا كومسیونێ بنگه‌هێن ده‌نگدانێ بو وان دنا ف كه‌مپادا هێنه‌ ڤه‌كرن وده‌رڤه‌ی كه‌مپان ژی،  و ئاواره‌ دێ ده‌نگێ خو ده‌نه‌ به‌رپژێرێن پارێزگه‌هێن خو.

 ول دوماهێ خالد عه‌باس رێڤه‌به‌رێ ئوڤیسا دهوكی گوت، بودجه‌كا به‌روه‌خت هاتیه‌ دابینكرن بو رێڤه‌برنا كارێ ئوفیسا تاكو بودجا  گشتی ده‌ست ب پروسسا هه‌لبژاتنا بگه‌هێته‌ كومسونێ وپشكا ئوفیسێن پارێزگه‌ها بهێته‌ دان.

PUKmedia به‌یار ئامێدی